MI vs KKR Live Score, IPL 2021 : थरारक सामन्यात मुंबईची कोलकात्यावर 10 धावांनी मात

शेवटच्या षटकातील पाचव्या चेंडवूर ट्रेंट बोल्टने पॅट कमिन्सला त्रिफळाचित करत कोलकात्याचा सातवा फलंदाज बाद केला.

शेवटच्या षटकातील तिसऱ्या चेंडूवर ट्रेंट बोल्टने आंद्रे रसेलला स्वतःच्याच गोलंदाजीवर झेल घेत पव्हेलियनचा रस्ता दाखवला. कोलकात्याला विजयासाठी तीन चेंडूत 14 धावांची आवश्यकता. (कोलकाता 140/6)

19 व्या निर्णायक षटकात जसप्रीत बुमराहने केवळ चार धावा देत सामन्यातील मुंबईचं आव्हान अद्याप जिवंत ठेवलंय. आता अखेरच्या षटकात कोलकात्याला 15 धावांची आवश्यकता आहे. (कोलकाता 138/5)

मुंबईचा प्रमुख गोलंदाज असलेला जसप्रीत बुमराह आजच्या सामन्यात प्रभावी ठरलेला नाही. 17 व्या षटकात त्याने एका नो बॉलसह 8 धावा दिल्या. 3 षटकात त्याने 24 धावा दिल्या आहेत. अद्याप त्याला एकही विकेट मिळवता आलेली नाही.

कोलकात्याचा पाचवा गडी माघारी परतला आहे. फिरकीपटू कृणाल पंड्याने शाकिब अल हसनला सीमारेषेजवळ उभ्या असलेल्या सूर्यकुमार यादवकरवी झेलबाद केलं आहे.

मुंबईचा फिरकीपटू गोलंदाज राहुल चाहरने चौथं यश मिळवलं आहे. राहुलने सलामीवीर नितीश राणाला 54 धावांवर यष्टिचित करत सामन्यातील मुंबईचं आव्हान जिवंत ठेवलं आहे. (कोलकाता 122/4)

कोलकात्याच्या संघाला तिसरा झटका बसला आहे. कर्णधार मॉर्गन अवघ्या 7 धावा करन बाद. राहुल चाहरला तिसरं यश (कोलकाता – 104/3)

सलामीवीर नितीश राणाने सलग दुसरं अर्धशतक झळककावत कोलकाताला सुस्थितीत नेऊन ठेवलं आहे.

मुंबईला दुसरं यश मिळालं आहे. राहुल चाहरने राहुल त्रिपाठीला 5 धावांवर बाद केलं. (कोलकाता 84/2)

मुंबईच्या गोलंदाजांना पहिलं यश मिळालं आहे. राहुल चाहरने सलामीवीर शुभमन गिलला कायरन पोलार्डकरवी झेलबाद केलं. गिलने 24 चेंडूत 33 धावांची खेळी केली. (कोलकाता 72/1)

सामन्यातील आठव्या षटकातील तिसऱ्या चेंडूवर कायरन पोलार्डच्या गोलंदाजीवर नितीश राणाने शानदार षटकार लगावला. तर पुढच्याच चेंडूवर चौकार लगावत आक्रमक फटकेबाजी सुरु केली आहे.

पहिल्या पॉवर प्लेमध्ये कोलकात्याचे सलामीवीर नितीश राणा आणि शुभमन गिल या दोघांनी फटकेबाजी करत धावफलकावर 45 धावा लावल्या आहेत.

सामन्यातील सहाव्या षटकात, मार्को यान्सिनच्या गोलंदाजीवर शुभमन गिलने तीन चौकार लगावत आक्रमक स्टान्स घेतला आहे.

कोलकात्याच्या दोन षटकात आठ धावा, त्यानंतर तिसऱ्या षटकाच्या पहिल्याच चेंडूवर नितीश राणाने षटकार मारला. त्यानंतर त्याने तिसऱ्या चेंडूवर चौकार लगावला.

कोलकाताच्या डावाला सुरुवात, राणा आणि गिल मैदानावर, नितीश राणाने चौकार मारुन डावाला सुरवात केली. पहिल्या षटकात कोलत्याला चारच केल्या.

आंद्रे रसेलच्या गोलंदाजीवर शाकीब अल हसनकडे झेल देत जसप्रीत बुमराह बाद.

मुंबईचा आठवा गडी बाद, कृणाल पंड्या 15 धावा करुन पव्हेलियनकडे रवाना

शेवटच्या षटकातील पहिल्या दोन चेंडूंवर कृणाल पंड्याचे सलग दोन चौकार

मुंबईने सातवी विकेट गमावली आहे. मार्को यान्सिन शून्यावर बाद झाला आहे. आंद्रे रसेलने मार्कोला पॅट कमिन्सकरवी झेलबाद केलं. (मुंबई 126/7)

कोलकात्याच्या गोलंदाजांना सहावं यश मिळालं आहे. आंद्रे रसेलने कायरन पोलार्डला विकेटकीपर दिनेश कार्तिककरवी झेलबाद केलं आहे. (मुंबई 125/6)

कोलकात्याच्या गोलंदाजांना पाचवं यश मिळालं आहे. प्रसिद्ध कृष्णाने हार्दिक पंड्याला आंद्रे रसेलकडे झेल द्यायला भाग पाडलं. (मुंबई 123/5)

मुंबईने महत्त्वाची विकेट गमावली. 15 व्या षटकातील दुसऱ्याच चेंडूवर पॅट कमिन्सने रोहित शर्माला (43) त्रिफळाचित केलं. (मुंबई 115/4)

प्रसिद्ध कृष्णाच्या गोलंदाजीवर रोहित शर्माने षटकार ठोकत आक्रमक स्टान्स घेतला आहे.

पॅट कमिन्सने इशान किशनला (1) सीमारेषेजवळ उभ्या असलेल्या प्रसिद्ध कृष्णाकरवी झेलबाद केलं. (मुंबई – 88/3)

कोलकाता नाईट रायडर्सला दुसरं यश मिळालं आहे. आक्रमक फलंदाज सूर्यकुमार यादव 56 धावांवर बाद झाला. शाकीब अल हसनच्या गोलंदाजीवर शुभमन गिलने चांगला झेट टिपला.

पॅट कमिन्सच्या गोलंदाजीवर गगनचुंबी षटकार ठोकत सूर्यकुमार यादवने अर्धशतक (33 चेंडूत) पूर्ण केलं. (मुंबई 81/1)

पॅट कमिन्सच्या दुसऱ्या षटकात (सामन्यातील 8 वं षटक) तिसऱ्या आणि पाचव्या चेंडूवर सूर्यकुमार यादवने शानदार चौकार लगावले, तर चौथ्या चेंडूवर जबरदस्त षटकार ठोकला. (मुंबई 64/1)

पहिल्या पॉवर प्लेमध्ये मुंबईने एका विकेटच्या बदल्यात 42 धावा जमवल्या आहेत. सलामीवीर रोहित शर्मा आणि सूर्यकुमार यादवने सावध सुरुवात केली आहे.

वरुण चक्रवर्तीच्या दुसऱ्या षटकातील ( सामन्यातील पाचव्या षटकात) शेवटच्या चेंडवूर रोहित शर्माचा चौकार (मुंबई – 37/1)

सूर्यकुमार यादवने हरभजन सिंहच्या दुसऱ्या षटकात तीन चौकार लगावत आक्रमक पवित्रा घेतला आहे.

मुंबईने पहिली विकेट गमावली आहे. वरुण चक्रवर्तीच्या पहिल्या षटकातील शेवटच्या चेंडूवर (सामन्यातील दुसरं षटक) राहुल त्रिपाठीने एक सोपा झेल टीपत क्विंटन डीकॉकला पव्हेलियनचा रस्ता दाखवला.

सामन्यातील दुसऱ्या षटकात वरुण चक्रवर्तीच्या गोलंदाजीवर सलामीवीर रोहित शर्माने पहिला चौकार लगावला.

मुंबई इंडियन्स

रोहित शर्मा (कर्णधार), क्विंटन डिकॉक (यष्टीरक्षक), सूर्यकुमार यादव, ईशान किशन, हार्दिक पंड्या, कायरन पोलार्ड, कृणाल पंड्या, राहुल चाहर, मार्को यान्सन, ट्रेंट बोल्ट, जसप्रीत बुमराह.

कोलकाता नाइट रायडर्स

शुभमन गिल, नितीश राणा, राहुल त्रिपाठी, आंद्रे रसेल, ऑयन मॉर्गन (कर्णधार), दिनेश कार्तिक (यष्टीरक्षक), शाकिब अल हसन, पॅट कमिन्स, हरभजन सिंह, वरुण चक्रवर्ती, प्रसिद्ध कृष्णा.

कोलकात्याचा कर्णधार इयॉन मोर्गनने पहिल्यांदा गोलंदाजी करण्याचा निर्णय घेतला आहे.

आयीपएल 2021 स्पर्धेत मुंबईचा संघ पहिल्या सामन्यात पराभूत झाला असला तरी कोलकात्याविरुद्ध मुंबईचंच पारडं जड आहे. कारण आयपीएल इतिहासात या दोन संघांमध्ये आतापर्यंत 27 सामने खेळवण्यात आले आहेत. यापैकी 21 सामने मुंबईने जिंकले आहेत, तर 6 सामन्यांमध्ये कोलकात्याला विजय मिळवता आला आहे.