MI vs RCB, IPL 2021 Match 1 Result | एबीडी व्हीलियर्सची शानदार खेळी, थरारक सामन्यात रॉयल चॅलेंजर्सची विजयी सलामी

बंगळुरुला विजयासाठी 6 चेंडूत 7 धावांची आवश्यकता आहे. मैदानात एबी डी व्हीलियर्स आणि हर्षल पटेल खेळत आहेत.

बंगळुरुला विजयासाठी शेवटच्या  12 चेंडूत 19 धावांची आवश्यकता आहे. मैदानात एबीडी व्हीलियर्स आणि कायले जेमिन्सन खेळत आहेत.

मुंबई इंडियन्सला सहावं यश प्राप्त झालं आहे. जलदगती गोलंदाज जसप्रीत बुमराहने डॅन ख्रिश्चनला राहुल चाहरकरवी झेलबाद करत मुंबईचं या सामन्यातील आव्हान जिंवत ठेवलं आहे. (बँगलोर 122/6)

Marco Jansen ने मुंबई इंडियन्सचं या सामन्यातील आवाहन जिवंत ठेवलं आहे. त्याने वैयक्तिक तिसऱ्या षटकात आधी मॅक्सवेलला पव्हेलियनचा रस्ता दाखवला तर याच षटकातील शेवटच्या चेंडूवर त्याने शाहबाज अहमदला कृणाल पंड्याकडे झेल द्यायला भाग पाडलं. मुंबईच्या खात्यात पाचवी विकेट जमा झाली आहे. अहमद एक धाव करुन बाद झाला. (बँगलोर 106/5)

Marco Jansen ने मुंबई इंडियन्सचं सामन्यात कमबॅक केलं आहे. Jansen ने घातक ठरू पाहणाऱ्या ग्लेन मॅक्सवेलला पव्हेलियनचा रस्ता दाखवला आहे. ख्रिस लिनने मॅक्सवेलचा अफलातून झेल टिपत मॅक्सवेलला बाद केलं आहे. त्याने 28 चेंडूत 39 धावा केल्या. (बँगलोर 103/4)

जलदगती गोलंदाज जसप्रीत बुमराहच्या गोलंदाजीवर बँगलोरचा कर्णधार विराट कोहली पायचित (LBW) झाला आहे. कोहलीने 29 चेंडूत 33 धावा केल्या. (बँगलोर 98/3)

आक्रमक फलंदाज ग्लेन मॅक्सवेलला आयपीएलच्या गेल्या हंगामात एकही षटकार लगावता आला नव्हता. परंतु आजच्या सामन्याद्वारे त्याने चांगलंच पुनरागमन केलं आहे. 11 व्या आणि 12 व्या षटकात त्याने दोन गगनचुंबी षटकार ठोकत मुंबईच्या गोलंदाजांना बॅकफुटवर ढकललं आहे. (बँगलोर 95/2)

46 धावांवर दुसरी विकेट गमावल्यानंतर कर्णधार विराट कोहली (30) आणि ग्लेन मॅक्सवेलने (26) आरसीबीचा डाव सावरला आहे. (बँगलोर 90/2)

9 व्या षटकातील शेवटच्या चेंडूवर ग्लेन मॅक्सवेलने कृणाल पंड्याच्या गोलंदाजीवर खणखणीत चौकार फटकावला. (बँगलौर 69/2)

आरसीबीने ग्लेन मॅक्सवेलला एबी डिव्हिलियर्सच्या आधी चौथ्या क्रमांकावर फलंदाजीसाठी पाठवले आहे. संघाला मॅक्सवेलकडून मोठ्या आशा आहेत कारण त्यांनी मॅक्सवेलला आपल्या ताफ्यात घेण्यासाठी खूप खर्च केला आहे. मॅक्सवेल कोहली-डिव्हिलियर्सवरील दबाव दूर करू शकतो. (RCB- 50/2)

ट्रेन्ट बोल्टने बंगळुरुला दुसरा झटका दिला आहे. बोल्टने रजत पाटीदारला क्लिन बोल्ड केलं आहे. रजतने 8 धावा केल्या.

कृणाल पंड्याने बंगळुरुला पहिला झटका दिला आहे. पंड्याने सलामीवीर वॉशिंग्टन सुंदरला 10 धावांवर ख्रिस लिनच्या हाती कॅच आऊट केलं आहे.

सुंदरला दुसऱ्याच चेंडूवर जीवदान मिळाले. पहिली ओव्हर ट्रेन्ट बोल्ट टाकत होता. या ओव्हरमधील दुसऱ्या चेंडूवर सुंदरने ड्राईव्ह मारण्याचा प्रयत्न केला. पण चेंडू बॅटला लागून सेंकड स्लीपवर असलेल्या रोहित शर्माच्या दिशेने गेला. पण हा कॅच रोहितने सोडला. अशा प्रकारे सुंदरला जीवनदान मिळाले.

बंगळुरुच्या बॅटिंगला सुरुवात झाली आहे. कर्णधार विराट कोहली आणि वॉशिंग्टन सुंदर ही सलामी जोडी मैदानात खेळत आहेत. बंगळुरुला विजयासाठी 160 धावांची आवश्यकता आहे.

मुंबई इंडियन्सने रॉयल चॅलेंजर्स बंगळुरुला विजयासाठी 160 धावांचे आव्हान दिले आहे. मुंबईने निर्धारित 20 ओव्हरमध्ये 9 विकेट्स गमावून 159 धावा केल्या. मुंबईकडून ख्रिसन लिनने सर्वाधिक 49 धावा केल्या. तर बंगळुरूकडून हर्षल पटेलने सर्वाधिक 5 विकेट्स घेतल्या.

हर्षल पटेलने मुंबईला बॅक टु बॅक 2 धक्के दिले आहेत. हर्षलने कृणाल पंड्या आणि कायरन पोलार्डला आऊट केलं आहे.

मुंबईला पाचवा धक्का बसला आहे. हर्षल पटेलने इशान किशनला एलबीडबल्यू आऊट केलं आहे. इशान किशनने 28 धावा केल्या.

मुंबईला चौथी विकेट गमावली आहे. हार्दिक पंड्या आऊट झाला आहे. पंड्याने हर्षल पटेलने हार्दिकला 13 धावांवर एलबीडबल्यू आऊट केलं.

मुंबईला तिसरा धक्का बसला आहे. शानदार बॅटिंग करत असलेला ख्रिस लिन आऊट झाला आहे. ख्रिस लिन दुर्देवी ठरला. लिन 49 धावांवर कॅच आऊट झाला. वॉशिंग्टन सुंदरने स्वत:च्या गोलंदाजीवर लिनचा कॅच घेतला.

मुंबईला दुसरा धक्का बसला आहे. कायले जेमीन्सलने सूर्यकुमार यादवला आऊट केलं आहे. सूर्याची विकेट जेमिन्सनच्या आयपीएल कारकिर्दीतील पहिली विकेट ठरली.  सूर्याने 23 चेंडूत 31 धावा केल्या.

मुंबई इंडियन्सने पावर प्लेच्या पहिल्या 6 ओव्हरमध्ये 1 विकेट गमावून 41 धावा केल्या आहेत. मुंबईने कर्णधार रोहित शर्माची एकमेव विकेट गमावली. सूर्यकुमार यादव आणि ख्रिस लीन मैदानात खेळत आहेत.

रोहित शर्मा बाद झाल्यानंतर सूर्यकुमार यादव मैदानात आला. सूर्याने चौकाराने  14 व्या मोसमाची शानदार सुरुवात केली आहे.

मुंबईने पहिली विकेट गमावली आहे. कर्णधार रोहित शर्मा रन आऊट झाला आहे. स्ट्राईकवर असलेल्या ख्रिस लिनच्या चुकीच्या कॉलमुळे रोहित शर्मा रन आऊट झाला. रोहितने 19 धावा केल्या.

हिटमॅन रोहित शर्माने आयपीएलच्या 14 व्या मोसमातील पहिला षटकार लगावला आहे.  रोहितने सामन्यातील चौथ्या ओव्हरमधील चौथ्या चेंडूवर युजवेंद्र चहलच्या बोलिंगवर सिक्स लगावला.

मुंबईच्या बॅटिंगला सुरुवात झाली आहे. कर्णधार रोहित शर्मा आणि ख्रिस लीन ही सलामी जोडी मैदानात खेळत आहेत.

विराट कोहली (कर्णधार), एबी डीव्हीलियर्स, युजवेंद्र चहल, नवदीप सैनी, ग्लेन मॅक्सवेल, मोहम्मद सिराज, रजत पाटीदार, डॅन ख्रिस्टियन, हर्षल पटेल, कायले जॅमीन्सन आणि शाहबाज अहमद.

रोहित शर्मा (कर्णधार), कायरन पोलार्ड, जसप्रीत बुमराह, ख्रिस लिन, हार्दिक पंड्या, जयंत यादव, कृणाल पंड्या, ट्रेंट बोल्ट, मार्को यानसन, इशान किशन आणि सूर्यकुमार यादव.

बंगळुरुकडून 3 खेळाडू पदार्पण करत आहेत. यामध्ये अष्टपैलू खेळाडू ग्लेन मॅक्सवेल आणि कायले जॅमीन्सन यांचा समावेश आहे. हे दोन्ही खेळाडू बंगळुरुकडून पहिल्यांदाच खेळत आहेत. तसेच रजत पाटीदार आणि डॅनियल ख्रिश्चियनचा समावेश आहे. पाटीदारचा हा पदार्पणातील सामना आहे. तर डॅनियलने 8 वर्षानंतर बंगळुरुमध्ये कमबॅक केलं आहे.

मुंबई इंडियन्सने 2 नव्या खेळाडूंना संधी दिली आहे. यामध्ये क्विंटन डी कॉकच्या जागी ऑस्ट्रेलियाचा तडाखेबाज सलामीवीर ख्रिस लीन याला संधी दिली आहे. त्यामुळे लीनची मुंबई इंडियन्सकडून खेळताना ही पहिलीच मॅच असणार आहे. तसेच आफ्रिकेचा वेगवान गोलंदाज मार्को यानसनलाही संधी मिळाली आहे.

रॉयल चॅलेंजर्स बंगळुरुने टॉस जिंकला आहे. कर्णधार विराट कोहलीने टॉस जिंकून मुंबई इंडियन्सला बॅटिंगसाठी भाग पाडले आहे.

या मोसमातील पहिल्या सामन्यात टॉस कोण जिंकणार, याकडे सर्वांचेच लक्ष असणार आहे. 7 वाजता टॉस उडवण्यात येणार आहे. त्यामुळे नाणेफेकीचा कौल कोणाच्या बाजूने लागणार, हे पाहणं औत्सुक्याचं ठरणार आहे.

आयपीएलच्या 14 व्या मोसमाला आजपासून सुरुवात होत आहे. या मोसमातील पहिला सामना गतविजेत्या मुंबई इंडियन्स विरुद्ध रॉयल चॅलेंजर्स बंगळुरु यांच्यात खेळवण्यात येणार आहे. सामन्याला 7 वाजून 30 मिनिटांनी सुरुवात होणार आहे.