MI vs RR, IPL 2021 Match 24 Result | क्विटंन डी कॉकचे अर्धशतक, कृणाल पंड्याची फटकेबाजी, मुंबईचा राजस्थानवर 7 विकेट्सने शानदार विजय

मुंबई इंडिन्सने राजस्थान रॉयल्सवर 7 विकेट्सने शानदार विजय मिळवला आहे. राजस्थानने मुंबईला विजयासाठी 172 धावांचे आव्हान दिले होते. मुंबईने हे विजयी आव्हान 18.3 ओव्हरमध्ये 3 विकेट्स गमावून पूर्ण केलं. मुंबईकडून क्विंटन डी कॉकने सर्वाधिक नाबाद 70 धावा केल्या. तसेच कृणाल पंड्याने 39 धावांची खेळी केली. राजस्थानकडून ख्रिस मॉरिसने सर्वाधिक 2 विकेट्स घेतल्या.

कायरन पोलार्डने सामन्यातील 18 व्या ओव्हरच्या पहिल्या चेंडूवर ख्रिस मॉरिसच्या गोलंदाजीवर 78 मीटर लांबीचा सिक्स लगावला आहे.

मुंबईने तिसरी विकेट गमावली आहे.  कृणाल पंड्या आऊट झाला आहे. पंड्याने 26 चेंडूत 2 सिक्स आणि 2 फोरसह 39 धावांची खेळी केली.

मुंबई इंडियन्सने 14 ओव्हरनंतर 2 विकेट्स गमावून 119 धावा केल्या आहेत. मुंबईला विजयासाठी आणखी 36 चेंडूत 53 धावांची आवश्यकता आहे. मैदानात क्विंटन डी कॉक आणि कृणाल पंड्या खेळत आहेत.

क्विटंन डी कॉकने 35 चेंडूत शानदार अर्धशतक झळकावलं आहे. डी कॉकच्या आयपीएल कारकिर्दीतील हे 15 वं अर्धशतक ठरलं.

मुंबईने दुसरी विकेट गमावली आहे. सूर्यकुमार यादव आऊट झाला आहे. सूर्याने 16 धावा केल्या.

मुंबई इंडियन्सने 9 ओव्हरनंतर 1 विकेट गमावून 83 धावा केल्या आहेत. क्विंटन डी कॉक 47 तर सूर्यकुमार यादव 16 धावांवर खेळत आहेत. मुंबईला विजयासाठी 66 चेंडूत 89 धावांची आवश्यकता आहे.

मुंबईला पावर प्लेच्या शेवटच्या चेंडूवर मोठा धक्का बसला आहे. ख्रिस मॉरिसने हिटमॅन रोहित शर्माला 14 धावांवर चेतन साकरियाच्या हाती कॅच आऊट केलं.

क्विंटन डी कॉकने 6 व्या ओव्हरमधील पहिल्या चेंडूवर ख्रिस मॉरिसच्या गोलंदाजीवर 72 मीटरचा सिक्स लगावला आहे.

हिटमॅन रोहित शर्माने सामन्यातील 7 व्या ओव्हरमधील दुसऱ्या चेंडूवर जयदेव उनाडकटच्या बोलिंगवर 74 मीटरचा शानदार सिक्स लगावला आहे.

मुंबईच्या बॅटिंगला सुरुवात झाली आहे. कर्णधार रोहित शर्मा आणि क्विटंन डी कॉक ही सलामी जोडी मैदानात खेळत आहे. मुंबईला विजयासाठी 172 धावांची आवश्यकता आहे.

राजस्थानने मुंबईला विजयासाठी 172 धावांचे आव्हान दिले आहे. राजस्थानने 20 ओव्हरमध्ये 4 विकेट्स गमावून 171 धावा केल्या. राजस्थानकडून कर्णधार संजू सॅमसनने सर्वाधिक 42 धावांची खेळी केली. जोस बटलरने 41 तसेच शिवम दुबेने 35 धावा केल्या. तर यशस्वी जयस्वलाने 32 धावांची खेळी केली. मुंबईकडून राहुल चाहरने 2 विकेट्स घेतल्या.

जसप्रीत बुमराहने राजस्थानला चौथा धक्का दिला आहे. जसप्रीत बुमराहने आपल्या गोलंदाजीवर शिवम दुबेला कॅच आऊट केलं आहे. दुबेने 35 धावा केल्या.

राजस्थानचा 15 ओव्हरनंतर 2 बाद 126 असा स्कोअर झाला आहे.  कर्णधार संजू सॅमसन आणि शिवम दुबे मैदानात खेळत आहेत.

राहुल चाहरने राजस्थानला दुसरा झटका दिला आहे. राहुलने आपल्या गोलंदाजीवर सलामीवीर यशस्वी जयस्वालला कॉट एन्ड बोल्ड केलं आहे. यशस्वीने 32 धावांची खेळी केली.

राहुल चाहरने राजस्थानला पहिला धक्का दिला आहे. चाहरने जोस बटलरला विकेटकीपर क्विंटन डी कॉकच्या हाती स्टंपिग आऊट केलं.

जोस बटलरने 7 व्या ओव्हरमधील दुसऱ्या चेंडूवर जयंत यादवच्या गोलंदाजीवर  सिक्स लगावला. यासह राजस्थानच्या सलामी जोडीची अर्धशतकी  भागीदारी पूर्ण झाली आहे.

राजस्थानने पावर प्लेच्या पहिल्या 6 ओव्हमध्ये बिनबाद 47 धावा केल्या आहेत. यशस्वी जयस्वाल 20 तर जोस बटलर 26 धावांवर नाबाद खेळत आहे.

राजस्थानच्या सलामीवीरांनी सयंमी सुरुवात केली आहे.  यशस्वी जयस्वाल आणि  जोस बटलर या सलामी जोडीने पहिल्या 3 ओव्हरमध्ये बिनबाद 19 धावा केल्या आहेत.

सामन्यातील पहिल्याच चेंडूवर ट्रेंट बोल्टच्या गोलंदाजीवर जोस बटलरने शानदार चौकार लगावत धडाक्यात सुरुवात केली आहे.

राजस्थानच्या बॅटिंगला सुरुवात झाली आहे, सलामीवीर जोस बटलर आणि यशस्वी जयस्वाल मैदानात दाखल

रोहित शर्मा (कर्णधार), क्विंटन डी कॉक, नाथन कुल्टर नाइल, सूर्यकुमार यादव, कायरन पोलार्ड, हार्दिक पंड्या, क्रुणाल पंड्या, जयंत यादव, राहुल चाहर, जसप्रीत बुमराह आणि ट्रेंट बोल्ट.

जोस बटलर, यशस्वी जयसवाल, संजू सॅमसन (कर्णधार), शिवम दुबे, राहुल तेवतिया, डेव्हिड मिलर, रियान पराग, ख्रिस मॉरिस, जयदेव उनादकट, चेतन साकरिया आणि मुस्तफिज़ुर रहमान.

आयपीएलच्या 14 व्या मोसमात आज (29 एप्रिल)  दुहेरी थरार रंगणार आहे. आज 2 सामने खेळवण्यात येणार आहे. या डबल हेडरमधील पहिला सामना मुंबई इंडियन्स विरुद्ध राजस्थान रॉयल्स यांच्यात खेळवण्यात येणार आहे.