SRH vs KKR, IPL 2021 Match 3 Result | कोलकाता ‘जितबो रे’, हैदराबादवर 10 धावांनी विजय

शेवटच्या षटकात आंद्रे रसेलने केलेल्या टिच्चून गोलंदाजीमुळे हैदराबादला विजयी आव्हान पूर्ण करता आले नाही. अखेर कोलकात्याने हैदराबादवर 10 धावांनी विजय मिळवला.

अब्दुल समदने 19 व्या ओव्हरमध्ये 2 षटकार लगावले आहेत.  त्यामुळे सामना रंगतदार स्थितीत पोहचला आहे. आता हैदराबादला विजयासाठी 6 चेंडूत 22 धावांची आवश्यकता आहे.

हैदराबादला विजयासाठी 12 चेंडूत 38 धावांची आवश्यकता आहे. मनिष पांडे सेट फलंदाज मैदानात खेळत आहे. तसेच अब्दुल समद  मनिषसोबत खेळत आहे.

हैदराबादला पाचवा धक्का हसला आहे. विजय शंकर आऊट झाला आहे. हैदराबादला विजयासाठी 12 चेंडूत 38 धावांची आवश्यकता आहे. मनिष पांडे सेट फलंदाज मैदानात खेळत आहे.

मनिष पांडेचे अर्धशतक पूर्ण झालं आहे.  सामना रंगतदार स्थितीत पोहचला आहे. हैदराबादला विजयासाठी 18 चेंडूत 44 धावांची आवश्यकता आहे.

हैदराबादने चौथी विकेट गमावली आहे.  मोहम्मद नबी आऊट झाला आहे. त्यामुळे हैदराबाद  सामन्यात थोड्या प्रमाणात पिछाडीवर पडली आहे.

पॅट कमिन्सने हैदराबादला तिसरा धक्का दिला आहे. पॅटने सेट बॅट्समन जॉनी बेयरस्टोला 55 धावांवर नितीश राणाच्या हाती कॅच आऊट केलं आहे. त्यामुळे हैदराबादची 13 ओव्हरमध्ये  3 बाद 102  अशी धावसंख्या झाली आहे.

जॉनी बेयरस्टोने सिक्स खेचत 32 चेंडूत अफलातून अर्धशतक पूर्ण केलं आहे. हैदराबादची 10 बाद 2 अशी स्थिती झाली होती. मात्र त्यानंतर बेयरस्टोने मनिष पांडेसोबत हैदराबादचा डाव सावरला. दोघांनी अर्धशतकापेक्षा अधिक भागीदारी केली. यादरम्यान त्याने अर्धशतक झळकावलं.

जॉनी बेयरस्टो आणि मनिष पांडेने तिसऱ्या विकेटसाठी अर्धशतकी भागीदारी केली आहे. हैदराबादची निराशाजनक राहिली. हैदराबादने पहिल्या 2 विकेट्स 10 धावांवर गमावल्या. त्यामुळे हैदराबादची नाजूक स्थिती झाली. मात्र त्यानंतर या जोडीने हैदराबादचा डाव सावरला. या भागीदारीदरम्यान दोघांनी चांगली फटकेबाजी केली.

जॉनी बेयरस्टोने सामन्यातील 8 व्या ओव्हरच्या तिसऱ्या चेंडूवर आंद्रे रसेलच्या चेंडूवर शानदार सिक्स खेचला. यासह हैदराबादच्या 50 धावा पूर्ण झाल्या.

हैदराबादने पावर प्लेच्या पहिल्या 6 ओव्हरमध्ये 2 विकेट्स गमावून  35 धावा केल्या आहेत. दरम्यान सध्या मनिष पांडे आणि जॉनी बेयरस्टो ही जोडी खेळत आहे.

शाकिब अल हसनने हैदराबादला दुसरा धक्का दिला आहे. शाकिबने रिद्धीमान साहाला बोल्ड केलं आहे.  रिद्धीमानने  7 धावा केल्या. साहा बाद झाल्याने हैदराबादची 10 बाद 2 अशी नाजूक स्थिती झाली आहे. दरम्यान मैदानात आता मनिष पांडे आणि जॉनी बेयरस्टो ही जोडी खेळत आहे.

प्रसिद्ध कृष्णाने हैदराबादला पहिला धक्का दिला आहे. प्रसिद्धने हैदराबादचा कर्णधार डेव्हिड वॉर्नरला विकेटकीपर दिनेश कार्तिकच्या हाती कॅच आऊट केलं. वॉर्नरने  3 धावा केल्या.

पॅट कमिन्सने डेव्हिड वॉर्नरला पहिल्याच ओव्हरमध्ये जीवनदान दिलं आहे. हरभजनसिंहच्या बोलिंगवर वॉर्नरने फटका मारला. हा चेंडू पॅटच्या दिशेने गेला. मात्र पॅटला वॉर्नरचा कॅच घेता आला नाही.

हैदराबादच्या बॅटिंगला सुरुवात झाली आहे. डेव्हिड वॉर्नर आणि रिद्धीमान साहा सलामी जोडी मैदानात खेळत आहेत. कोलकाताने हैदराबादला विजयासाठी 188 धावांचे आव्हान दिले आहे.

नितीश राणा आणि राहुल त्रिपाठीने केलेल्या वैयक्तिक अर्धशतकाच्या जोरावर कोलकाताने हैदराबादला विजयासाठी 188 धावांचे आव्हान दिले आहे. कोलकाताने निर्धारित 20 ओव्हरमध्ये 6 विकेट्स गमावून 187 धावा केल्या. नितीश राणाने सर्वाधिक 80 धावांची खेळी केली. तर राहुल त्रिपाठीने 53 धावांची झंझावाती अर्धशतकी खेळी केली. हैदराबादकडून मोहम्मद नबी आणि रशीद खान या फिरकी जोडीने प्रत्येकी 2 विकेट्स घेतल्या.

मोहम्मद नबीने कोलकाताला बॅक टु बॅक 2 धक्के दिले आहेत. नबीने आधी नितीश राणा आणि त्यानंतर कर्णधार इयोन मॉर्नगला आऊट केलं. यामुळे हैदराबादने सामन्यात पुनरागमन केलं आहे.

राशिद खानने कोलकाताला तिसरा धक्का दिला आहे.  राशिदने आक्रमक आंद्रे रसेलला मैदानाबाहेरचा रस्ता दाखवला आहे.  राशिदच्या बोलिंगवर आंद्रेने लॉन्ग ऑनच्या दिशेने मोठा फटका मारला. मात्र तिथे असलेल्या मनिष पांडेने अचूक झेल टिपला. यामुळे रसेलला मैदानाबाहेर जावे लागले.

कोलकाताने दुसरी विकेट गमावली आहे. अर्धशतकी खेळीनंतर राहुल त्रिपाठी आऊट झाला आहे. टी नटराजनने विकेटकीपर रिद्धीमान साहाच्या हाती राहुलला कॅच आऊट केलं. राहुलने 53 धावांची झंझावाती खेळी केली.

राहुल त्रिपाठीने चौकार ठोकत अर्धशतक लगावलं आहे. राहुलने अवघ्या 28 चेंडूत झळकावलं अर्धशतक लगावलं. हे अर्धशतक त्याच्या आयपीएल कारकिर्दीतील 6 वं अर्धशतक ठरलं.

नितीश राणा आणि राहुल त्रिपाठीने दुसऱ्या विकेटसाठी अर्धशतकी भागीदारी केली आहे.  कोलकाताला 53 धावांवर शुबमन गिलच्या रुपात पहिला धक्का बसला. त्यानंतर राहुल त्रिपाठी मैदानात आला. नितीशने राहुलच्या सोबतीने जोरदार फटकेबाजी केली. तसेच दुसऱ्या बाजूनेही राहुलने चांगली साथ दिली. दरम्यान सध्या दोन्ही फलंदाज चांगलेच सेट झाले आहेत.

कोलकाताच्या 100 धावा पूर्ण झाल्या आहेत.  नितीश राणाने 12 व्या ओव्हरमध्ये  जोरदार सिक्स खेचला. यासह कोलकाताने 100 धावांचा टप्पा पार केला.

कोलकाताचा सलामीवीर नितीश राणाने सिक्स खेचत अर्धशतक पूर्ण केलं आहे. नितीशने 37 चेंडूत अर्धशतक झळकावलं. यामध्ये त्याने 8 चौकार आणि 1 षटकार लगावला. नितीशने चौकाराने आपल्या डावाची सुरुवात केली. तर सिक्सह हाफ सेंच्युरी पूर्ण केली. नितीश मैदानात सेट झाला आहे. त्यामुळे त्याच्याकडून मोठ्या खेळीची अपेक्षा असणार आहे.

राशिद खानने कोलकाताला पहिला धक्का दिला आहे. राशिदने ओपनर शुबमन गिलला आऊट केलं आहे. राशिदने शुबमनला 15 धावांवर बोल्ड केलं.

कोलकाताने पावर प्लेच्या पहिल्या 6 ओव्हरमध्ये बिनबाद 50 धावा केल्या आहेत. कोलकाताची सलामी जोडी नितीश राणा आणि शुबमन गिलने अर्धशतकी सलामी भागीदारी केली आहे.

शुबमन गिलने सामन्यातील 5 व्या ओव्हरच्या पहिल्याच चेंडूवर टी नटराजनच्या बोलिंगवर 85 मीटर लांब सिक्स खेचला.

कोलकाता नाईट रायडर्स आणि नितीश राणाने आयपीएलच्या 14 व्या मोसमाची सुरुवात चौकाराने केली आहे.

कोलकाताच्या बॅटिंगला सुरुवात झाली आहे.  नितीश राणा-शुबमन गिल सलामी जोडी मैदानात खेळत आहेत.

हैदराबाद विरुद्धच्या या सामन्यातून अनुभवी फिरकीपटू हरभजन सिंह कोलकाताकडून पदार्पण करत आहे. याआधी हरभजनने मुंबई इंडियन्स आणि चेन्नई सुपर किंग्सचे प्रतिनिधित्व केलं आहे.

इयॉन मॉर्गन (कर्णधार), शुबमन गिल, नितीश राणा, राहुल त्रिपाठी, दिनेश कार्तिक (विकेटकीपर), आंद्रे रसेल, शाकिब अल हसन, वरूण चक्रवर्ती, पॅट कमिन्स, हरभजन सिंह आणि प्रसिद्ध कृष्णा.

डेव्हिड वार्नर (कर्णधार), रिद्धिमान साहा, मनीष पांडे, जॉनी बेयरस्टो, विजय शंकर, मोहम्मद नबी, अब्दुल समद, राशिद खान, भुवनेश्वर कुमार, संदीप शर्मा आणि टी. नटराजन.

हैदराबादने टॉस जिंकला आहे. नाणेफेक जिंकून कर्णधार डेव्हिड वॉर्नरने कोलकाताला बॅटिंगसाठी आमंत्रित केलं आहे.

आयपीएलमध्ये दोन्ही संघ 19 वेळा एकमेकांसमोर भिडले आहेत. ज्यामध्ये केकेआर भारी राहिली आहे. कोलकात्याने 12 सामने जिंकले आहेत. तर हैदराबादने 7 सामन्यांमध्ये विजय मिळवला आहे.

आयपीएलच्या 13 व्या मोसमातील तिसरा सामना आज खेळवला जाणार आहे. ही मॅच सनरायजर्स हैदराबाद विरुद्ध कोलकाता नाईट रायडर्स यांच्यात खेळवण्यात येणार आहे. या सामन्याला संध्याकाळी 7 वाजून 30 मिनिटांनी चेन्नईतील एम ए चिदंबरम स्टेडियममध्ये सुरुवात होणार आहे.