Virat Anushka | विराटही विचारतो ‘जेवलीस का?’, मैदानातून अनुष्काला खाणाखुणा

दुबई : आयपीएलच्या (IPL 2020) निमित्ताने ‘रॉयल चॅलेंजर्स बंगळुरु’चा (Royal Challengers Bangalore) कर्णधार विराट कोहली (Virat Kohli) दुबईत आहे. विराटच्या नेतृत्वात संघाने मैदानात दमदार कामगिरी केली असली, तरी घरच्या मैदानातही कोहली आघाडीवर आहे. दुबईत दौऱ्यावर सोबत असलेली गरोदर पत्नी अर्थात अभिनेत्री अनुष्का (Anushka Sharma) शर्माची काळजी घेण्यात तो मागे नाही. मैदानातूनच अनुष्काला खाणाखुणांतून ‘जेवलीस का?’ असं विचारतानाचा विराट-अनुष्काचा व्हिडीओ सोशल मीडियावर लक्ष वेधून घेत आहे. (Virat Kohli asks Anushka Sharma from the field if she has eaten Video goes viral)

गेल्या रविवारी चेन्नई सुपरकिंग्जसोबत झालेल्या सामन्याच्या वेळचा हा व्हिडीओ असल्याची माहिती आहे. विराटच्या ‘रॉयल चॅलेंजर्स बंगळुरु’ संघाला चिअर करण्यासाठी अनुष्का स्टँडमध्ये आल्याचं दिसतं. यावेळी तिने लाल रंगाचा गाऊन घातला होता. स्टेडिअममधूनच विराट हाताने खूण करत ‘काही खाल्लंस का?’ अशा अर्थाचा प्रश्न विचारतो. त्यावर अनुष्काही दोन्ही हातांनी ‘थंब्ज अप’ दाखवत होकार दर्शवते. त्यानंतर विराट खळाळून हसतो आणि दोघांमध्ये हातवाऱ्यांनी वार्तालाप सुरुच राहतो. दोघांच्या या गोड व्हिडीओवर नेटिझन्सनी प्रेमाचा वर्षाव केला आहे.

अनुष्का शर्मा आणि विराट कोहली यांनी काही महिन्यांपूर्वी सोशल मीडियावरुन अनुष्काच्या प्रेग्नन्सीबद्दल सर्वांना माहिती दिली होती. तसेच जानेवारी 2021 मध्ये बाळाचा जन्म होणार असल्याचेही त्यांनी सांगितले. अनुष्काचे अनेक फोटो सध्या व्हायरल होत आहेत असून त्यात तिचे बेबी बम्पही दिसते.

अनुष्काचे मोठ्या पडद्यावरील अखेरचे दर्शन शाहरुख खान आणि कतरिना कैफसोबत 2018 च्या ‘झिरो’ चित्रपटात झाले होते. तिने अलिकडेच ‘पाताल लोक’ आणि बुलबुल सारख्या वेब सिरीजची निर्मिती केली आहे.

संबंधित बातम्या :

कॉमेंट्रीत विराट-अनुष्काविषयी आक्षेपार्ह टिप्पणी, सुनील गावस्करांवर चाहते बरसले

कुणीतरी येणार येणार गं!! अनुष्का-विराटकडे ‘गुड न्यूज’

(Virat Kohli asks Anushka Sharma from the field if she has eaten Video goes viral)