VIDEO | मला टॉस जिंकण्याची सवय नाही, त्यामुळे गडबड झाली, टॉसदरम्यान विराट कोहलीचा गोंधळ
बंगळुरुचा कर्णधार विराट कोहलीने (Virat Kohli) सामन्यापूर्वी नाणेफेक (टॉस) जिंकून प्रथम क्षेत्ररक्षणाचा निर्णय घेतला.
मुंबई : आयपीएलच्या 14 व्या मोसमातील (IPL 2021) 16 व्या सामन्याला सुरुवात झाली आहे. हा सामना रॉयल चॅलेंजर्स बंगळुरु (Royal Challengers Bangalore) विरुद्ध राजस्थान रॉयल्स (Rajasthan Royals) यांच्यात खेळवण्यात येत आहे. मुंबईच्या वानखेडे स्टेडियमवर हा सामना सुरु आहे. बंगळुरुचा कर्णधार विराट कोहलीने (Virat Kohli) सामन्यापूर्वी नाणेफेक (टॉस) जिंकून प्रथम क्षेत्ररक्षणाचा निर्णय घेतला. परंतु टॉसवेळी विराट कोहलीने एक गोंधळ घातल्याचा व्हिडीओ इंडियन प्रीमियर लीगने सोशल मीडियावर शेअर केला आहे. (Virat Kohli forgets he win Toss against Sanju Samson in RCB vs RR match 16 IPL 2021)
सामन्यापूर्वी विराट कोहलीने टॉस जिंकला होता. परंतु नाणं खाली पडताच विराटने राजस्थानचा कर्णधार संजू सॅसमनचं (Sanju Samson) अभिनंदन करत त्याला पुढे होत निर्णय घेण्याची विनंती केली. संजूदेखील समलोचकांच्या समोर आला, तोवर दोघांच्याही लक्षात आलं की टॉस विराटने जिंकला होता. त्यानंतर विराट सॉरी म्हणत पुढे आला आणि आपण प्रथम क्षेत्ररक्षण करणार अस्लयाचे जाहीर केले. यावेळी विराट, संजू आणि समलोचक Ian Bishop तिघांनाही हसू आवरता आलं नाही. यावेळी विराट म्हणाला की, त्याला टॉस जिंकण्याची सवय नाही, त्यामुळेच त्याच्याकडून ही गडबड झाली.
व्हिडीओ पाहा
“I’m not used to winning tosses” ? @imVkohli #RCB have the toss and they will bowl first against #RR #VIVOIPL pic.twitter.com/a0bX6JNGak
— IndianPremierLeague (@IPL) April 22, 2021
दोन रॉयल संघ आमनेसामने
बँगलोर विरुद्ध राजस्थान यांच्यातील सामना मुंबईच्या वानखेडे स्टेडियमवर सुरु आहे. बंगळुरुचा संघ या सामन्यात विजय मिळवून विजयी घोडदौड कायम राखण्याच्या उद्देशाने मैदानात उतरला आहे. तर राजस्थानसमोर बंगळुरुचे मजबूत आव्हान आहे.
आयपीएलच्या 14 व्या हंगामात उभय संघ पहिल्यांदाच आमनेसामने आले आहेत. उभयसंघ आतापर्यंत या पर्वात प्रत्येकी 3 सामने खेळले आहेत. बंगळुरुने या तिन्ही सामन्यात विजय मिळवला आहे. तर राजस्थानला केवळ एका सामन्यात विजय मिळवता आला आहे, तर उर्वरित 2 सामन्यांमध्ये त्यांना पराभवाचा सामना करावा लागला आहे. गुणतालिकेत बंगळुरु 6 गुणांसह दुसऱ्या तर राजस्थान 2 गुणांसह 7 व्या क्रमांकावर आहे.
आकडेवारी कोणाच्या बाजूने?
आयपीएलच्या इतिहासात बंगळुरु आणि राजस्थान आतापर्यंत एकूण 23 वेळा आमनेसामने भिडले आहेत. आकडेवारीनुसार दोन्ही संघ तुल्यबळ आहेत. बंगळुरु आणि राजस्थानने प्रत्येकी 10 सामन्यात विजय मिळवला आहे. तर उर्वरित 3 सामन्यांचा निकाल लागला नाही.
अशी आहे विराटसेना
विराट कोहली (कर्णधार), देवदत्त पडीक्‍कल, एबी डिव्हीलियर्स, ग्लेन मॅक्सवेल, केन रिचर्डसन, वॉशिंग्टन सुंदर, कायले जेमीन्सन, शाहबाज अहमद, हर्षल पटेल, मोहम्मद सिराज आणि युजवेंद्र चहल
राजस्थान रॉयल्‍सची प्लेइंग इलेव्हन
संजू सॅमसन (कर्णधार आणि विकेटकीपर), जॉस बटलर, मनन वोहरा, डेव्हिड मिलर, रियान पराग, राहुल तेवतिया, शिवम दुबे, ख्रिस मोरिस, श्रेयस गोपाळ, मुस्तफिजुर रहमान आणि चेतन साकरिया
संबंधित बातम्या
(Virat Kohli forgets he win Toss against Sanju Samson in RCB vs RR match 16 IPL 2021)
