Apple event 2023 LIVE : आयफोन 15 सीरिज सी टाईप पोर्टसह लाँच, iWatch मध्ये काय असेल खासियत ते जाणून घ्या

आयफोन 15 प्रोमध्ये ॲक्शन बटण असणार आहे. आयफोन 15 प्रो मध्ये ए 17 बायोनिकसह ॲक्शन बटण दिलं आहे. यामुळे व्हॉईस मेमो, ट्रान्सलेशन, कॅमेरा, फ्लॅशलाईट, सायलेंट मोड, शॉर्टकट, कॅमेरा फोकस सहजरित्या कंट्रोल करता येईल.

कंपनीने या स्मार्टफोन्सची किंमत जाहीर केली आहे. आयफोन 15 ची किंमत 799 डॉलर्सपासून सुरू होईल. तर आयफोन 15 प्लसची किंमत 899 डॉलर्सपासून सुरू होईल. भारतीय बाजारात या फोनची किंमत किती असेल याबाबत घोषणा अद्याप केलेली नाही.

आयफोन 15 मध्ये टाइप सी पोर्ट असणार आहे. यामुळे गेल्या काही दिवसांपासून सुरु असलेल्या चर्चांना पूर्णविराम मिळाला आहे. या माध्यमातून इअरबॉड्स, आयफोन आणि दुसरे प्रोडक्ट चार्ज करता येणार आहेत.

आयफोन 15 हा 15 6.1-इंचाचा आणि iPhone Plus 6.7-इंचाचा आहे.याची ग्लास टणक असून पाणी आणि धूळ प्रतिरोधक आहे. आयफोन 15 OLED सुपर रेटिना डिस्प्लेसह असेल आणि  ब्राइटनेस 2000 nits पर्यंत जाऊ शकते. कंपनीने यात A16 बायोनिक चिपसेट दिली आहे. गेल्या वर्षीच्या प्रो प्रकारात ही सिस्टम होती. आयफोनमध्ये सी टाईप पोर्ट दिला आहे. गेल्या काही दिवसांपासून याबाबत चर्चा होती.

ॲपलने नवीन iPhone सीरीज लाँच केली आहे. कंपनीने iPhone 15 आणि iPhone 15 Plus लाँच केला आहे या स्मार्टफोनमध्ये 48MP मुख्य कॅमेरासह येईल. तसेच अनेक कॅमेरा फीचर्स आहेत.

ॲपल वॉच एसईच्या नव्या मॉडेलची किंमत 20,627 रुपये असेल. तर तुम्ही आयवॉच 9 हा 399 डॉलरमध्ये (33,063 रुपये) आणि आयवॉच अल्ट्रा 2 हा 799 डॉलरमध्ये (66,209 रुपये) खरेदी करू शकता. आजपासून प्री-ऑर्डर करू शकता. कंपनीने गेल्या वर्षी आयवॉच Ultra लाँच केले होते. आता याचं अपडेट आलं आहे. नव्या आयवॉचमध्ये मोठी स्क्रीन आणि वॉच 9 चे सर्व फीचर्स मिळतील.

ॲपलने प्रोडक्टमधून लवकरच कार्बन काढलं जाईल अशी घोषणा केली आहे. 2030 पर्यंत सर्व प्रोडक्ट सोलार आधारित आणि निसर्ग संवर्धन करणारे असतील. कार्बन उत्सर्जन या माध्यमातून रोखलं जाईल.

Apple Watch Series 9 सर्वात सोपं आणि वेगवान बनवलं गेलं आहे. याची बॅटरी लाईफही चांगील आहे. आयवॉच वापरणं आणखी सोपं होणार आहे. एस 9 सिस्टमसह नव्या आयफोन वॉचचं लाँचिंग सुरु झालं आहे. आता तुम्ही आयवॉचच्या माध्यमातून Siri कडून तुमचा आरोग्य डेटा मागू शकाल. हे फीचर सुरुवातील इंग्रजी आणि मँडरीनमध्ये उपलब्ध असेल. त्याचबरोबर आयवॉचच्या माध्यमातून आयफोन सहज शोधू शकाल. याची खासियत म्हणजे नुसत्या दोन  चुटक्या वाजवल्या की फोन उचलला जाणार आहे. आयवॉच पाच रंगात उपलब्ध असेल.

टीम कुकने यांनी कार्यक्रमाला सुरुवात केली. हा कार्यक्रम नवीन आयफोन आणि वॉचवर आधारित असेल असे त्यांनी स्पष्ट केले आहे. ॲपल व्हिजन प्रोसह मॅकबुकची माहिती त्यांनी सुरुवातीला दिली.

गेल्या काही दिवसांपासून आयफोन 15 बाबत असलेली प्रतीक्षा संपली आहे. कंपनीकडून आयफोन 15 सीरिजचं लाँचिंग सुरु. लाईव्ह स्ट्रिमिंग सुरु झाली आहे. आता एक एक करून अपडेट समोर येतील.

आयफोन 15 लाँचिंग प्रोग्राम ॲपलच्या युट्यूब चॅनेल आणि ॲपल वेबसाईटवर पाहता येईल. तसेच ॲपल टीव्ही आणि ॲपल डेव्हलपर्स ॲपवरही पाहू शकता.

आयफोन 15 चे लॉन्चिंग भारतीयांसाठी खास आहे. कारण आयफोन 15 लाँचच्या दिवशी विकला जाणारा आयफोन ‘मेड इन इंडिया’ असण्याची ही पहिलीच वेळ असेल. Apple iPhone 15 दक्षिण आशियाई देशांच्या बाजारपेठेत उपलब्ध होईल. हे फोन ‘मेड इन इंडिया’ असतील.

आयफोन 15 मध्ये टाइप सी चार्जिंग केबल आणि पोर्ट असेल. त्यामुळे आता चार्जिंगचं टेन्शन दूर होणार आहे. त्यामुळे फास्ट डेटा ट्रान्सफर होईल, असं सांगण्यात येत आहे.

आयफोन 15 मध्ये ॲक्शन बटण असण्याची शक्यता आहे. आयफोन 15 प्रो आणि आयफोन 15 प्रो मॅक्स मध्ये ॲक्शन बटण मिळू शकते. यामुळे व्हॉईस मेमो, ट्रान्सलेशन, कॅमेरा, फ्लॅशलाईट, सायलेंट मोड, शॉर्टकट, कॅमेरा फोकस सहजरित्या कंट्रोल करता येईल.