दाव्याचं काय घेऊन बसलात राव, अवघ्या 15 सेकंदात iPhone हॅक

नवी दिल्ली | 20 January 2024 : iPhone ची ओळख जगभरात सर्वात सुरक्षित स्मार्टफोन म्हणून करण्यात येते. खासगीपणा जपण्यात हा स्मार्टफोन अग्रेसर आहे. तसेच सुरक्षेच्या कारणामुळे हा स्मार्टफोन अनेक मोठे सेलेब्रिटी वापरतात. हा फोन कधीच हॅक करता येत नाही, असा दावा करण्यात येतो. पण एथिकल हँकर्संनी हा स्मार्टफोन अवघ्या 5 सेकंदात हॅक केल्याने, सुरक्षेचे सर्व दावे फोल ठरले. अवघ्या काही सेकंदात नवीन आयफोन हॅक झाल्याने सर्वच जण हैराण झाले आहेत. या हात सफाने ॲप्पल पण चकीत झाले आहे.

चीनच्या हँकर्सची हात सफाई

तर चीनच्या हॅकर्सनी ही हात सफाई दाखवली. चीनच्या चेंगदू येथे तियानफू कप चे आयोजन करण्यात येते. यामध्ये व्हाईट हॅक हॅकर्स त्यांचे कौशल्य पणाला लावतात. 2021 मध्ये या कार्यक्रमात हँकर्सने अनेक आश्चर्यजनक कारनामे करुन दाखवले. दिग्गज कंपन्यांचे दावे अवघ्या काही सेकंदात या एथिकल हँकर्सनी धुळीस मिळवले. या वर्षी झालेल्या या स्पर्धेत तर Apple च्या सुरक्षेच्या दाव्याची हॅकर्सनी पिसं काढली.

लेटेस्ट iPhone 13 Pro हॅक

स्थानिक मीडियातील वृत्तानुसार, iOS 15.0.2 वर चालणाऱ्या नवीन iPhone 13 Pro ला हँकर्सने हॅक करुन दाखवले. विशेष म्हणजे हजारो लोकांसमोर हा प्रयोग दाखवण्यात आला. हॅकर्सने अवघ्या 15 सेकंदात iPhone 13 Pro हॅक केला. यामध्ये सहभागी कुनलून लॅबच्या हॅकर्सने हा कारनामा करुन दाखवला. या चमूने Apple च्या सुरक्षेच्या दावा धुळीस मिळवला. या टीमने हा स्मार्टफोन कसा हॅक केला, याची माहिती दिली. त्यांनी सफारी बाऊजरमध्ये एका वल्नेरेबिलिटीचा फायदा घेत, हा स्मार्टफोन हॅक केला. iPhone 13 Pro ची सुरुवातीची किंमत 1,19,900 रुपये आहे.

बंपर इनाम

कुनलून लॅबचे सीईओ Qihoo 360 चे माजी CTO होते. त्यांनी अवघ्या 15 सेकंदात आयफोन हॅक करण्याचा कारनामा करुन दाखवला. अर्थात केवळ याच एक टीमने ही मोहिम फत्ते केली नाही. तर Pangu ने पण iPhone 13 Pro हॅक करुन दाखवला. त्यासाठी या चमूला 300,000 डॉलरचे बक्षिस देण्यात आले होते.