WhatsApp च्या या फीचरवर अवघे जग फिदा! आले हे नवीन अपडेट

नवी दिल्ली | 18 जानेवारी 2024 : इन्स्टंट मॅसेजिंग ॲप व्हॉट्सॲपने जगभरात पुन्हा धमाका केला आहे. व्हॉट्सॲप चॅनलवर युझर फिदा झाले आहेत. जगभरातील जवळपास 2 अब्ज युझर त्याचा वापर करत आहेत. वेळोवेळी मेटा नवनवीन फीचर जोडते. गेल्या वर्षी व्हॉट्सॲपने Channel हे फीचर समोर आणले होते. यामुळे युझर्सला व्हिडिओ तयार करता येतो. त्यांना त्यांच्या फेव्हरेट क्रिएटर, संस्था, सेलेब्रिटी यांचे व्हिडिओ पाहता येतात. त्यांना फॉलो करता येते. विशेष म्हणजे तुमचा मोबाईल क्रमांक पण त्यासाठी देण्याची गरज नाही. आता मेटाने या फीचरमध्ये अजून काही गोष्टी जोडल्या आहेत.

3 नवीन फीचर जोडले

1. व्हॉट्सॲप चॅनल्समध्ये 3 नवीन फीचर जोडले. यामध्ये व्हाईस मॅसेज, पोल्स आणि शेअर टू स्टेट्स हे नवीन फीचर जोडण्यात आले आहे. मेटा कंपनीने मल्टिपल एडमिनचे फीचर पण युझर्सला दिले आहे. या फीचर अंतर्गत चॅनल एडमिन एका पेक्षा अधिक एडमिन तयार करु शकतो. त्यामुळे एडमिन व्यतिरिक्त इतर एडमिन पण चॅनलवर फॉलोअर्स जोडू शकतील.
2. व्हॉट्सॲप चॅनलसाठी नवीन फीचर्सची घोषणा मेटाचे सीईओ मार्क झुकरबर्ग यांनी केली आहे. व्हॉट्सॲप चॅनल आता अधिक आकर्षक होईल. व्हाईस मॅसेज फीचरच्या माध्यमातून चॅनल ओनर्स आता आवाज रेकॉर्ड करुन त्यांच्या कल्पना, सूचना आणि विचार लोकांपर्यंत पोहचवू शकतात. त्यामुळे चॅनल ओनर्स आणि फॉलोअर्स यांच्यामध्ये एक खास नाते तयार होते. पोल्स फीचरचा वापर एडमिन एखाद्या टॉपिकवर लोकांची प्रतिक्रिया काय आहे, त्यांची मते काय आहेत, हे जाणून घेण्यासाठी करतील.
हे सुद्धा वाचा

बेळगाव मुद्यावरुन संजय राऊत यांनी मुख्यमंत्री यांच्याकडे मागितला हा पुरावा, म्हणाले तो तर वादग्रस्त इलाका

Budget 2024 | एकला चलो रे की धोपट वाट निवडणार, अर्थसंकल्पासाठी निर्मला सीतारमण काय चुणूक दाखवणार

Pension | नोकरदारच नाही तर शेतकऱ्यांना पण पेन्शन! सरकार स्वतः देते गॅरंटी

Gold Silver Rate Today | सोने-चांदीची उडाली घसरगुंडी! ग्राहकांची सराफा बाजारात तुफान गर्दी

3. चॅनलमध्ये जोडल्या गेलेले युझर्स आता मल्टि मीडिया मॅसेजच्या सहायाने थेट त्यांचे स्टेटस शेअर करु शकतील. त्यांच्या फेव्हरेट सेलेब्सच्या डे-टू-डे पोस्टला त्यांच्या मित्र परिवारात स्टेटच्या माध्यमातून मांडू शकतील. व्हॉट्सॲपवर तुम्ही पण तुमचे चॅनल तयार करु शकता. चॅनल तयार करण्यासाठी तुम्हाला स्टेट्स टॅबच्या अंतर्गत न्यू चॅनलचा पर्याय देण्यात आला आहे.

आता व्हॉट्सॲपवरच करा अपडेट

• व्हॉट्सॲप नेहमी कोणते ना कोणते नवीन फीचर आणते
• व्हॉट्सॲप लेटेस्ट अपडेटसाठी Google Play Store वर जावे लागते
• व्हॉट्सॲपमध्येच व्हर्जन अपडेट करण्याची सुविधा मिळणार
• ॲपच्या सेटिंगमध्ये App Update Settings हे फीचर मिळेल
• सध्या या नवीन फीचरची चाचणी सुरु आहे
• WABetainfo नुसार, हे फीचर लवकरच रोल आऊट होईल
• अँड्राईड युझर्ससाठी नवीन बिटा व्हर्जन 2.24.2.13 रोलआऊट