आता X प्लॅटफॉर्मवर येतेय Google Pay सारखे फिचर, कुठेही आणि कधी करु शकता Payment
गेल्यावर्षी इलॉन मस्क यांनी ट्वीटर खरेदी केले. त्यानंतर त्याचे नामकरण एक्स झाले असले तरी त्यात भविष्यात ऑनलाईन पेमेंट करण्यासह अनेक महत्वाची फिचर येणार आहेत. पाहा कोणती फिचर आहेत ती ?
नवी दिल्ली | 22 सप्टेंबर 2023 : इलोन मस्क ( Elon Musk ) यांच्या मालकीचा सोशल मिडीया प्लॅटफॉर्म एक्स X लवकरच गुगल पेला ( Google Pay ) टक्कर देणार आहे. लवकरच एक्स प्लॅटफॉर्मवर देखील पेमेंटची सुविधा मिळू शकणार आहे. एक्सची ( आधीचे ट्वीटर Twitter ) सीईओ लिंडा याकारीनो यांनी आपल्या अलिकडेच केलेल्या पोस्टमधून याबाबतची माहीती दिली आहे. त्यात त्यांनी एक्स लवकरच ऑडीओ, व्हिडीओ, मॅसेजिंग, पेमेंट आणि बॅंकींग सारखे अनेक फिचर्स युजरसाठी आणणार असल्याचे सुतोवाच केले आहे.
एक्सच्या नवीन फिचरबाबत माहिती देताना याकारीनो यांनी एक व्हिडीओ शेअर केला आहे. या व्हिडीओत एक्सवर येणाऱ्या आगामी फिचरची माहिती दिली आहे. त्यांनी आपल्या पोस्टमध्ये लिहिले आहे की, एक्सवर काय काय येणार आहे पाहा. हा व्हिडीओ दोन मिनिटांचा आहे. व्हिडीओमध्ये अनेक फिचर्सची माहिती दिली आहे. व्हिडीओमध्ये दिलेल्या माहितीनूसार पेमेंट करण्याची सुविधा एक्सवर सुरु होणार आहे. याशिवाय एक्सवर लवकरच व्हिडीओ कॉलिंगची सुविधा लवकरच सुरु होणार आहे. आतापर्यंत या एक्सवर केवळ टेक्स्ट मॅसेजद्वारे जोडले एकमेकांना संपर्क करता येत होता. परंतू आता व्हिडीओ कॉलिंगद्वारे एकमेकांशी संपर्क करता येणार आहे. तसेच पेमेंट करणे तसेच नोकरी शोधणे अशा अनेक सुविधा एक्सवर सुरु होणार आहेत.
Everything App बनणार का एक्स
अब्जाधीश इलॉन मस्क यांनी मागे म्हटले होते की त्यांना एक असे एप तयार करायचे आहे ज्यात सर्व सुविधा एका जागी उपलब्ध असतील. त्यांनी अनेकदा Everything App बाबत सुतोवाच केले होते. जर सर्वकाही सुरळीत झाले तर एक्स असा प्लॅटफॉर्म होऊ शकतो. जेथे अनेक सुविधा एकाच व्यासपीठावर उपलब्ध होतील. मस्क यांनी गेल्यावर्षी ट्वीटरला खरेदी केले होते. त्यावेळी इलॉन मस्क यांना एक्स प्लॅटफॉर्मला एव्हरीथिंग एपसारखे वापरले जाऊ शकते याची कोणालाही कल्पना नव्हती.