आरोग्य मंत्रालयाकडून हे स्टिकर्स व्हाट्सअॅपवर अधिकाधिक शेअर करण्याची विनंती, जाणून घ्या काय आहे कारण?

आरोग्य मंत्रालयाकडून हे स्टिकर्स व्हाट्सअॅपवर अधिकाधिक शेअर करण्याची विनंती

नवी दिल्ली : कोविड -19 च्या केसेस देशभरात वाढत आहेत. अशा परिस्थितीत घरी राहणे, मास्क घालणे, सामाजिक अंतर इत्यादी आवश्यक झाले आहेत. यासोबतच आता आरोग्य आणि कुटुंब कल्याण मंत्रालय (MoH&FW) देखील देशातील नागरिकांचे मनोबल वाढविण्यासाठी वेगवेगळ्या नवीन पद्धती अवलंबत आहे. मायक्रोब्लॉगिंग साइट ट्विटरवर एक पोस्ट टाकत आरोग्य आणि कुटुंब कल्याण मंत्रालयाने (एमओएच अँड एफडब्ल्यू) लोकांना व्हॉट्सअ‍ॅप स्टिकर वापरण्याची विनंती केली आहे आणि ते आपल्या मित्रांसह आणि कुटुंबासह शेअर करण्याची विनंती केली आहे. असे करण्यामागील कारण म्हणजे कोरोना टाळण्यासाठी लोकांना योग्य पद्धती अवलंबण्यास प्रोत्साहित केले जाऊ शकते. (Request from the Ministry of Health to share these stickers more and more on WhatsApp, know what is the reason)

काय म्हटलंय ट्विटमध्ये?

ट्विटमध्ये मंत्रालयाने असे म्हटले आहे की, सीओव्हीआयडीसंदर्भात योग्य वागणूक स्वीकारल्यास आपण कोविड -19 चे नुकसान होण्यापासून वाचू शकता. यासह मंत्रालयाने लोकांना शक्य तितके आपले मित्र आणि कुटुंबीयांसह स्टिकर्स शेअर करण्यास सांगितले आहे. या ट्विटमध्ये स्टिकर पॅकची लिंकही देण्यात आली आहे ज्यावरून कोविड -19 शी संबंधित स्टिकर पॅक व्हॉट्सअ‍ॅपवर डाउनलोड करता येईल.

या वर्षाच्या सुरुवातीस, फेसबुकच्या मालकीची कंपनी व्हॉट्सअ‍ॅपने कोविड -19 थीम असलेली स्टिकर पॅक बाजारात लाँच केली आहे, ज्याला कंपनीने ‘Vaccines for All’ असे नाव दिले. दोन्ही आयओएस(iOS) आणि अँड्रॉइड(Android) वापरकर्ते ते डाउनलोड करू शकतात.

डब्ल्यूएचओने डिझाईन केलेल्या पॅकमध्ये एकूण 23 स्टिकर्स

डब्ल्यूएचओने डिझाईन केलेल्या ‘Vaccines for All’ स्टिकर पॅकमध्ये एकूण 23 स्टिकर्स आहेत. कंपनीने याचे लाँच करताना म्हटले की, आम्हाला आशा आहे की या स्टिकर्सद्वारे लोक एकमेकांशी संपर्क साधू शकतील. आपण कोविड -19 लस आल्याचा आनंद, उत्साह आणि त्याचबरोबर मनामध्ये चालू असलेले विचार खाजगीरित्या शेअर करण्यात सक्षम असाल.

लसीवरील बेसिक कस्टम ड्यूटी माफ

दरम्यान, केंद्र सरकारने आणखी एक मोठा निर्णय घेतला आहे. सरकारने कोरोना प्रतिबंधक लसींवरील बेसिक कस्टम ड्यूटीसुद्धा माफ करण्याचा निर्णय घेतला आहे. या दोन्ही निर्णयांमुळे देश कोरनाविरोधात आणखी तीव्रपणे लढा देईल, असा दावा केंद्र सरकारने केला आहे. तसेच, कोरोनाला थोपवण्यासठी आवश्यक ती सर्व संसाधनं, उपकरणं त्वरीत मिळू शकतील, असेसुद्धा केंद्राने म्हटले आहे. सरकारच्या या निर्णयाचे स्वागत केले जात आहे.  (Request from the Ministry of Health to share these stickers more and more on WhatsApp, know what is the reason)

इतर बातम्या

संरक्षणासाठी ठेवलेल्या रिव्हॉल्व्हरनेच केला घात, साफ करताना गोळी सुटली; सधन चांदी व्यापाऱ्याच्या मुलाचा मृत्यू

अनिल देशमुखांप्रमाणेच अनिल परब आणि संजय राऊतांचीही चौकशी करा : चंद्रकांत पाटील