Swiggy bag : लखनऊची बुरखा घातलेली ‘मिस्ट्री वुमन’ कोण आहे, ती स्विगी डिलिव्हरी एजंट आहे का?

Burqa woman carrying a Swiggy bag went viral on Social Media

Image Credit source: tv9marathi

लखनऊ – मागच्या दोन दिवसांपासून सोशल मीडियावर (Social Media) एक फोटो चांगलाचं व्हायरल (viral photo)झाला आहे. त्यामध्ये बुरखा घातलेल्या महिलेच्या पाठीवर स्विगी बॅग (Burqa woman carrying a Swiggy bag) लटकलेली दिसत आहे. जेव्हापासून हा फोटो सोशल मीडियावर व्हायरल झाला आहे. तेव्हापासून लोकं सोशल मीडियावर कमेंटच्या माध्यमातून फोटो मागचं सत्य विचारत आहे. काही महिलांनी त्या महिलेचं कौतुकं सुध्दा केलं आहे. हा फोटो लखनऊ मधील नदवा कॉलेज परिसरातील आहे.

लखनऊ मधील नदवा कॉलेज परिसरात हा फोटो असून तो कोणीतरी मोबाईलमध्ये क्लिक करुन सोशल मीडियावर शेअर केला आहे. त्यामध्ये महिलेच्या पाठीवर स्विगीची बॅग आहे. त्यानंतर महिलेच्या मेहनतीला अनेकांनी सलाम केला आहे. विशेष म्हणजे त्या महिलेचा फोटो व्हायरल झाल्यानंतर त्या महिलेचा चेहरा दिसत नसल्यामुळे ओळख पटवण्यात अनेक अडचणी येत होत्या.

त्या महिलेचं नाव रिजवाना आहे. त्यांना तीन मुलं आहेत. त्यांच्या पतीचं तीन वर्षापुर्वी निधन झालं आहे. तेव्हापासून त्या आपलं कुटुंब चालवण्यासाठी अथक परिश्रम करत आहेत. त्यांची एक रिक्षा चोरीला गेल्यापासून त्यांना अधिक मेहनत घ्यावी लागत आहे.

रिजवान सकाळी आणि संध्याकाळी धुणीभांड्याचं काम करते. त्यामुळे तिला त्या कामातून दीड हजार रुपये मिळतात. त्याचबरोबर त्या सेल्समनची सुध्दा नोकरी करीत आहेत. ज्यावेळी मी कामासाठी बाहेर पडते. त्यावेळी त्यांना लोकांच्याकडून अश्लील टिप्पणी ऐकायला मिळते असं त्यांनी एका वेबसाईटला दिलेल्या मुलाखतीत सांगितलं आहे. विशेष म्हणजे त्या रोज 20-25 किलोमीटर चालतात. वाचलेल्या प्रवासाच्या खर्चातून घरातील किरकोळ खर्च भागवतात असं सुध्दा त्या म्हणाल्या.

पाठीवर स्विगीची बॅग का आहे ?

रिजवाना या सेल्समनचं काम करतात. त्यांच्याकडे अनेक वस्तू असतात. त्यामुळे त्यांना एक मजबूत बॅगची गरज होती. बाजारात खरेदीसाठी त्या गेल्या होत्या. त्यावेळी त्यांना ही बॅग आवडल्यामुळे त्यांनी पन्नास रुपयाला घेतली असल्याचं सांगितलं.