पिल्लाला वाचविण्यासाठी आईने दिली आहुती, ते दृश्य पाहून लोकही हळहळले
सोशल मिडीयावर अनेकदा काही भावानिक व्हिडीओ देखील व्हायरल होतात. असाच एक व्हिडीओ वेगाने व्हायरल होत आहे.
मुंबई | 13 ऑगस्ट 2023 : जगात सर्वात जास्त कोणीही आपल्या आईवरच प्रेम करीत असते. आई आपल्या बाळाच्या रक्षणासाठी जगातल्या कोणत्याही संकटास सामोरे जाण्यास तयार असते. मनुष्यप्राणीच नाही तर प्राण्यांमध्ये आई आणि तिच्या पिल्लाचे नाते काही वेगळच असते. आई आपल्या पिल्लांच्या रक्षणासाठी प्रसंगी स्वत:चे बलिदान देण्यास एका पायावर तयार होते. असाच एक आई आणि तिच्या पिल्लाचा व्हिडीओ सोशल मिडीयावर व्हायरल होत असून तो पाहून लोक भावूक होत आहेत.
सोशल मिडीयावर अनेकदा काही भावानिक व्हिडीओ व्हायरल होतात. असाच एक व्हिडीओ वेगाने व्हायरल होत आहे. यात एक हरीणाचे पिल्लू पाण्याचा तलाव पोहून पार करताना दिसत आहे. तलावाच्या मध्यभागी आल्यावर अचानक त्याच्या दिशेने एक मगर झेपावते.
हरीणाच्या पिल्लाजवळ ती मगर चालून येते. वेगाने आपल्या पिल्लाकडे येत असलेल्या मगरीला पाहून त्या हरीणाच्या पिल्लाची आई त्वेषाने पोहत सर्व शक्ती एकटवून पिल्लाजवळ वेगाने पोहत येते.
पिल्लू आणि मगरीच्या मध्ये ढाल बनून ती हरीणी पाण्यात स्तब्ध उभी राहाते. पिल्लाला आपले लक्ष्य साध्य करताना आलेला मगररुपी अडथळा पाहून ती हरीण स्वत:चे आयुष्यपणाला लावते. ही आई हरीण स्वत: मगरीच्या तोंडचा घास होते. सोशल मिडीयावर हा व्हिडीओ पाहणारे आईचा त्याग पाहून चांगलेच हळहळत आहेत.
येथे पाहा व्हिडीओ –
लोक झाले भावूक
या व्हिडीओला इंस्टाग्रामच्या @horrors नावाच्या पेजवर शेअर केला आहे. या व्हिडीओला पोस्ट करताना कॅप्शन लिहीण्यात आली आहे. एक हरीण आपल्या पिल्लाला वाचविण्यासाठी स्वत: मगरीचे भक्ष्य बनली. या व्हिडीओला लाखो लोकांनी लाईक्स केले आहे. या व्हिडीओवर लोकांनी आपल्या प्रतिक्रीया दिल्या आहेत. एका युजरने म्हटले आहे की हा व्हिडीओ दु:खद आहे. दुसऱ्या युजरने म्हटले आहे की या व्हिडीओचा शेवट पाहून माझ्या डोळ्यात अश्रू उभे राहीले. एकाने लिहीले आईने थांबून क्षणभर आपल्या मुलाला सुरक्षित दूर जाताना पाहीले.