VIDEO | तहानलेला वाघ जेव्हा जंगलात वाहत्या पाण्यावर आपली तहान भागवतो, व्हिडीओ पाहिल्यावर वाढतंय निसर्ग प्रेम

tiger in bandipur forest

Image Credit source: socialmedia

मुंबई | 27 जुलै 2023 : सध्या भारतात सर्वदूर मान्सूनच्या सरींनी कुठे पुरजन्य परिस्थिती निर्माण केली आहे तर कुठे आल्हाददायक वातावरण तयार केले आहे. पावसाने जुलै महिना चांगलाच गाजवला आहे. पावसाच्या आगमनाने सृष्टीत चैतन्य पसरले असताना कर्नाटक राज्यातील बांदीपूर राष्ट्रीय उद्यानातील एका राजबिंड्या वाघाचा पावसाचे साचलेले पाणी पितानाचा व्हिडीओ समाजमाध्यमावर चांगलाच व्हायरल होत आहे.

बांदीपूर राष्ट्रीय उद्यान कर्नाटक राज्यातील चामराजनगर जिल्ह्यात 868.63 किमी क्षेत्रात पसरलेले राष्ट्रीय उद्यान आहे. येथे 1973 मध्ये प्रोजेक्ट टायगर अंतर्गत व्याघ्र प्रकल्प हाती घेण्यात आला आहे. पश्चिम घाटातील म्हैसूर- उटी हायवेवर वसलेल्या या राष्ट्रीय उद्यानातील व्याघ्र प्रकल्पातील एका वाघाचा ओहोळाचे पाणी पितानाचा व्हिडीओ ट्वीटरवर चांगलाच व्हायरल होतो आहे.

येथे पाहा व्हिडीओ-

वाघाची संख्या देशात हळूहळू वाढत आहे. एका वाघाचे जंगलात दिसणे म्हणजे त्या जंगलातील सृष्टी जीवनचक्र जीवंत आणि शाबूत असल्याचे लक्षण समजले जाते. हा रुबाबदार देखण्या जंगली प्राण्याचा हा व्हिडीओ ट्वीटरवर चांगलाच पाहीला जात आहे. सर्वसाधारण जंगली पशू तलाव किंवा नदीवर पाणी पित असल्याचे फोटो किंवा व्हिडीओ दिसतात. परंतू या व्हिडीओ आपली मोठी शेपटी वर करुन वाघ पावसाचे पाणी पिताना दिसत असल्याने आश्चर्य व्यक्त होत आहे.