Mumbai : मुंबईकरांच्या सेवेत लवकरच दाखल होणार एसी डबलडेकर बस; ‘या’ खास वैशिष्ट्यांमुळे प्रवास ठरणार अधिक आरामदायी

काल बसचा स्थापना दिवस होता

Image Credit source: sabrangindia.in

मुंबई : मुंबईकरांसाठी दिलासादायक बातमी आहे. लोकलनंतर (Local) बेस्टहीच (Best) मुंबईची लाईफलाईन मानली जाते. कोरोना काळात लोकल बंद होती तेव्हा मुंबईकर हे बेस्टवरच अवलंबून होते. बेस्ट कर्मचाऱ्यांनी देखील आपल्या जीवाची परवा न करता प्रवाशांना सेवा पुरवली. प्रवासाचा दर्जा सुधारावा तसेच बेस्टला आहे त्याच्यापेक्षा अधिक चांगला प्रतिसाद मिळाला यासाठी आता लवकरच प्रवाशांच्या (Passengers) सेवेत एसी डबलडेकर बस दाखल होणार आहे. बेस्ट दिनानिमित्त ऑगस्ट महिन्यात डबलडेकर एसी बस बेस्टच्या ताफ्यात दाखल होणार आहे. त्यानंतर तिच्या चाचण्या घेण्यात येतील. सर्व प्रकारच्या चाचण्या पूर्ण झाल्यानंतर ही बस रस्त्याने धावताना दिसणार आहे. सध्या बेस्टकडे एकूण 45 डबल डेकर बस आहेत. बेस्टच्या साध्या बसची प्रवासी क्षमता 54 इतकी असून, डबल डेकर बसची प्रवाशी क्षमता 74 इतकी आहे.

बेस्टच्या डबलडेकर बसचे फायदे

बेस्टच्या डबलडेकर बसचे साध्या बसच्या तुलनेत अनेक फायदे आहेत. एक म्हणजे प्रवासी क्षमता. साध्या बेस्ट बसची प्रवासी क्षमता ही 54 इतकीच आहे. तर डबलडेकर बसची प्रवासी क्षमता ही 74 इतकी आहे. म्हणजेच डबलडेकर बसमधून अधिक प्रवाशांचे वहन होते. विशेष म्हणजे दोन्ही बसचे क्षेत्रफळ समान असल्यामुळे जागा तेवढीच व्यापली जाते. त्यामुळे अधिक जागा व्यापली जाण्याचा प्रश्न नाही. सध्या महापालिकेकडे एकूण 45 डबलडेकर बस आहेत. आता तर प्रवाशांच्या सेवेत एसी डबलडेकर बस दाखल होणार आहे. ऑगस्ट महिन्यात ही बस बेस्टच्या ताफ्यात दाखल होईल. त्यानंतर सर्व चाचण्या पूर्ण होईऊ, येत्या सप्टेंबरपासून मुंबईकरांना एसी डबलडेकर बसचा लाभ मिळू शकतो अशी शक्यता वर्तवण्यात येत आहे.

नव्या डबलडेकर एसी बसचे वैशिष्टं

ही नवीन डबलडेकर बस भारत 6 श्रेणीमधील असून, तिला दोन स्वयंचलित दरवाजे आहेत. या दरवाजांचे संपूर्ण नियंत्रण हे चालकाकडे अरणार आहे. या बसमध्ये सीसीटीटीव्ही कॅमरा देखील असणार आहे. या बसचे गिअर हे स्वयंचलित आहेत. समोर येत असलेल्या माहितीप्रमाणे बेस्टकडून अशा 900 बस भाडे तत्वावर घेतल्या जाणार आहेत. या बसच्या चार्जिंगसाठी मुंबईत 50 ठिकाणी चार्जिंग स्टेशन उभारण्यात येणार आहेत.