Bank Account | बॅंक खातेधारकाच्या मृत्यूनंतर त्याच्या खात्यातील पैशांचे काय होते ?
तुम्ही बॅंकेत खाते उघडायला जाता तेव्हा तुम्हाला तुमच्यानंतर वारसदार म्हणून कुटुंबातील सदस्याचे नॉमिनी म्हणून नाव नोंदवावे लागते. तुमच्या पश्चात त्याला या खात्यातील पैसे मिळतात.
नवी दिल्ली | 21 सप्टेंबर 2023 : वर्तमान काळात सर्व सुरळीत सुरु असल्याने प्रत्येकजण भविष्यात येणाऱ्या समस्यांचा विचार करीत नाही. परंतू आपल्या भविष्याचा विचार करुन वर्तमानात देखील तरदूत करणे गरजेचे असते आणि सर्व व्यवहार चोख राखणे गरजेचे असते. तुम्ही कधी विचार केला आहे की तुमच्या मृत्यूनंतर तुमच्या पैशांचे काय होणार ? ते पैसे योग्य व्यक्तीच्या हाती पडावेत याची तरतूद करणे आणि याशिवाय देखील अनेक प्रश्न असे आहेत ज्यांचे उत्तर तुम्हाला माहीती असणे गरजेचे आहे.
तुम्ही बॅंकेत खाते उघडायला जाता तेव्हा तुम्हाला तुमच्यानंतर वारसदार म्हणून कुटुंबातील सदस्याचे नॉमिनी म्हणून नाव नोंदवावे लागते. तुमचे पैशांचा वापर तुमच्यानंतर कोणाला करता यावा याची तरदूत तुम्ही हयात असतानाच करायला हवी. त्यामुळे सर्वात आधी तुम्हाला हे माहिती असायला हवे की तुम्ही बॅंकेचे खाते उघडताना कोणाला नॉमिनी केले आहे की नाही. मृत्यूनंतर तुमच्या कुटुंबियांना तुमची सेव्हींग तेव्हाच मिळत जेव्हा तुम्ही तुमच्या वारसदाराचे नाव म्हणून नॉमिनी म्हणून दिले असेल.चला यासंदर्भात तुमच्या मनातील उत्तरे पाहूयात..
मृत्यूनंतर तुमच्या पैशांचे काय होणार ?
जेव्हा एखाद्या खातेधारकाचा मृत्यू होतो. तेव्हा बॅंका सर्व चौकशी करुन त्या खात्यातील पैसे खातेधारकाने नॉमीनी नोंदवलेल्या व्यक्तीच्या नावे ट्रान्सफर करीत असते.
नॉमिनी कोण असतो ?
नॉमिनी अशी व्यक्ती असते, ज्यांना खातेधारकांच्या मृत्यूनंतर खात्यातील एफडी बॅलन्सवर दावा करण्यासाठी नामित केलेले असते. बॅंक खाते किंवा एफडी खोलताना तुम्हाला एक नॉमिनी व्यक्तीचे नाव विचारले जाते. त्या व्यक्तीला खातेधारकाचे वारसदार म्हटले जाते.
नॉमिनीबद्दल कशी माहीती द्यावी ?
बॅंकेत खाते उघडताना फॉर्म भरताना तुम्हाला नॉमिनी व्यक्तीचे नाव आणि माहीती विचारली जाते. अर्जात त्या रकान्यात माहिती भरावी लागते. आपण आपल्या वारस असलेल्या व्यक्तीचे नाव त्यात भरावे. ज्यास तुमच्या पश्चात तुमचे पैसे त्यास मिळावेत अशी तुमची इच्छा आहे. मग ती तुमच्या कुटुंबातील सदस्य, जीवनसाथी, मुले, भाऊ आणि बहिण, मित्र वा कोणताही नातेवाईक असू शकतो.
जॉईंट अकाऊंट आणि नॉमिनी व्यक्ती
जॉईंट खाते असल्यास नॉमिनी व्यक्ती निवडण्यासाठी सर्व खातेधारकाच्या सहमतीची गरज असते. अशावेळी जॉईंट खात्यात नॉमिनी व्यक्तीला जोडण्यासाठी किंवा हटविण्यासाठी सर्व खातेधारकांची सहमती आवश्यकता असते. तसेच कधीही नॉमिनी बदल्याची तरतूद असते. त्यासाठी कोणतेही बंधन असते. तुम्ही बॅंकेत जाऊन किंवा ऑनलाईन देखील नॉमिनी बदलू शकता.