Confirm Ticket : एका मिनिटात कन्फर्म तिकीट, ही ट्रिक पडेल उपयोगी, आरामात करा रेल्वेचा प्रवास..
Confirm Ticket : या सणासुदीत कन्फर्म तिकीट मिळण्यासाठी ही ट्रिक उपयोगी पडू शकते..
नवी दिल्ली : दूरच्या प्रवासावेळी (Long Journey) सीट मिळणे आवश्यक असते. अशावेळी कन्फर्म तिकीट (Confirm Ticket) असेल तर ताण मिटतो. रेल्वेत (Indian Railway) तात्काळ सेवेतंर्गत कन्फर्म तिकीट मिळून जाते. पण सणासुदीत मोठी अडचण असते. अशावेळी ही ट्रिक वापरल्यास तिकीटासाठी नाहक ताप सहन करावा लागत नाही.
ऑनलाईन तात्काळ तिकीट बूक करताना प्रवाशाच्या तपशील भरण्यातच जास्त वेळ जातो. तोपर्यंत तात्काळचा कोटा पूर्ण होऊन जातो. एखाद्याने तपशील त्वरीत भरला तरी, पेमेंटच्या प्रक्रियेत तिकीट काही मिळत नाही.
कन्फर्म तिकीट हवे असेल तर अनेकदा ऑफलाईन पद्धतीने तिकीट काऊंटरवर कित्येक तास वाट पाहत रहावी लागते. याठिकाणी ताटकाळत बसण्याऐवजी कन्फर्म तिकीट मिळण्यासाठी काही ट्रिक वापरणे आवश्यक ठरते.
तात्काळमध्ये कन्फर्म तिकीटासाठी IRCTC वर तुम्हाला तिकीट बूक करता येते. त्यासाठी इंटरनेटचे कनेक्शन चांगले हवे. त्यानंतर तात्काळ पेमेंट होईल अशी पद्धत निवडावी लागेल. त्यात युपीआय आणि संबंधित अॅपचा वापर करता येईल.
पण हे सर्व आयुध वापरुनही अनेकदा कुठे न कुठे धोका मिळतोच. एकतर इंटरनेटचा स्पीड कमी पडतो. कधी पेमेंट हँग होते. अशावेळी कोणती अशी ट्रिक उपयोगी पडेल, ज्यामुळे तुम्हाला कन्फर्म तिकीट मिळेल हे पाहुयात..
IRCTC च्या मास्टर लिस्ट (Master List) या पर्यायाने तुम्हाला कन्फर्म तिकीट मिळण्याची शक्यता बळावते. ऑनलाईन तिकीट बूक करण्यासाठी या पर्यायाचा तुम्हाला वापर करता येईल.
मास्टर लिस्ट हे एक फिचर आहे. हे फिचर IRCTC च्या अॅप व संकेतस्थळावर उपलब्ध आहे. मास्टर लिस्ट मध्ये तुम्हाला प्रवासाचा तपशील तयार ठेवावा लागतो. यामध्ये प्रवाशाचा योग्य तपशील अपडेट करावा लागतो.
तिकीट बुकिंग करताना तपशील अगोदरच समाविष्ट असल्याने तुम्हाला त्यासाठी वेळ घालवावा लागणार नाही. बुकिंग सुरु होताच तुम्हाला मास्टर लिस्टचा पर्याय निवडून तिकीट बूक करता येईल.
