Sukanya Samruddhi Yojana | दररोज 100 रुपये गुंतवणूक करा, तुम्हाला मिळतील 15 लाख रुपये

नवी दिल्ली : गेल्या काही वर्षांत सरकारी बचत योजनांचे व्याज दर खाली आल्याचे चित्र आहे. म्हणजेच बचत योजनांमध्ये मिळालेले व्याज कमी झाले आहे, परंतु अद्याप अशा अनेक योजना आहेत, जिथे चांगले रिटर्न मिळत आहेत. या योजनांमध्ये पैशांची गुंतवणूक केल्यास आपण काही वर्षांत चांगले उत्पन्न मिळवू शकता आणि जोखीमच्या दृष्टिकोनातून ते पूर्णपणे सुरक्षित आहे. अशीच एक योजना म्हणजे सुकन्या समृद्धि योजना, जिथे आपण आपल्या मुलीसाठी गुंतवणूक करू शकता आणि मुलीला काही वर्षानंतर चांगले रिटर्न मिळतील. (Invest Rs 100 every day, you will get Rs 15 lakh)

या योजनेचा फायदा म्हणजे इनकम टॅक्समध्येही याचा बराच फायदा होतो. ज्या लोकांना मुलगी आहे असेच लोक या योजनेचा लाभ घेऊ शकतात. जर आपल्याला देखील मुलगी असेल तर आपण आपल्या मुलीच्या भविष्यासाठी ही योजना सुरू करू शकता. जर तुम्ही दररोज 100 रुपये वाचवले तर तुम्हाला ही योजना पूर्ण झाल्यावर 15 लाख रुपये मिळतील.

ही योजना काय आहे?

ही सरकारची एक लहान बचत योजना आहे, ज्याचा फायदा मुलींना होतो. या योजनेत 10 वर्षांपेक्षा कमी वयाच्या मुलीच्या नावावर खाते उघडता येते आणि या योजनेत वार्षिक व्याज दर 7.6 टक्के देण्यात येतो. या योजनेसाठी 15 वर्षांसाठी पैसे गुंतवण्याची आवश्यकता असते आणि ती पुढील 6 वर्षांनंतर म्हणजेच 21 व्या वर्षी पूर्ण होईल. तथापि, आपल्याला 6 वर्षे पैसे देण्याची गरज नाही.

किती मिळेल रिटर्न?

जर आपण दररोज 100 रुपये वाचवले तर या योजनेत आपण दर वर्षी 36 हजार 500 रुपये जमा करू शकाल. त्यानुसार आपण पुढील 15 वर्षात या योजनेत 5,47,500 रुपये जमा करू शकाल. यावर तुम्हाला सुमारे 10 लाख रुपयांचे व्याज मिळेल, त्यानुसार 15 वर्षानंतर तुम्हाला 15,48,854 रुपये मिळतील. अशा परिस्थितीत मुलीच्या हाती मोठी रक्कम येईल.

500 रुपयांपेक्षा कमी पैशात करू शकता सुरु

सुकन्या समृद्धि योजना ही मुलींसाठी एक अतिशय लोकप्रिय सरकारी योजना आहे. याचे खाते केवळ 250 रुपयांमध्ये उघडता येते. परंतु खाते चालू ठेवण्यासाठी दर वर्षी किमान 500 रुपये जमा करणे आवश्यक आहे. जर ही रक्कम जमा केली गेली नाही तर ती डीफॉल्ट खाते मानली जाईल.

अधिक गुंतवणूकीवर अधिक परतावा

दरमहा 12500 किंवा वर्षाला 1.50 लाख रुपये सर्वाधिक गुंतवणूक करु शकता. असे 14 वर्ष पैसे भरायचे आहेत. वर्षाकाठी 7.6 टक्के वाढीनुसार 14 वर्षात ही रक्कम 37,98,225 रुपये होईल. यानंतर 7 वर्षांसाठी या रकमेवर 7.6 टक्के वार्षिक कंपाऊंडिंगनुसार रिटर्न मिळेल. 21 वर्षी म्हणजेच मॅच्युरिटीला ही रक्कम सुमारे 63,42,589 रुपये असेल. (Invest Rs 100 every day, you will get Rs 15 lakh)

इतर बातम्या

लाँचिंगपूर्वीच Samsung Galaxy Tab S8 ची किंमत आणि फीचर्स लीक, जाणून घ्या काय असेल खास?

केरळच्या विद्यार्थिनीला यूएईचा गोल्डन व्हिसा मिळाला, गोल्डन व्हिसा किती वर्षांसाठी मिळतो?