Bharat Bond ETF : चांगला परतावा मिळण्यासाठी भारत बाँड ईटीएफ उत्तम पर्याय, जाणून घ्या कशी करायची गुंतवणूक

नवी दिल्ली : आपल्याला गुंतवणूक करायची असेल तर मार्केट गुंतवणुकीचे विविध पर्याय उपलब्ध आहेत. मात्र गुंतवणुकीसह चांगले रिटर्नही पाहिजे असतील तर भारत बाँड ईटीएफ हा एक उत्तम पर्याय आहे. भारत बॉन्ड ईटीएफची खरेदी-विक्री एक्सचेंजवर होते. तो आपला निधी सरकारी कंपन्यांच्या बाँडमध्ये गुंतवतो. ही गुंतवणूक फक्त तिहेरी ए रेटिंग असलेल्या सरकारी कंपन्यांच्या रोख्यांमध्ये होते. बाँडचा मॅच्युरिटी कालावधी फंडाच्या मॅच्युरिटीच्या जवळपास असतो. भारत बाँड ईटीएफमध्ये ट्रिपल ए (एएए) रेटिंगसह सरकारी कंपन्यांचा समावेश आहे. 2030 आणि 2031 मध्ये मॅच्युअर झालेल्या भारत बॉन्ड ईटीएफमध्ये गुंतवणूक केल्यास टॅक्सनंतर 6 टक्के रिटर्न मिळू शकेल. (India Bond ETF is the best option to get good returns, know how to invest)

कोण करू शकते गुंतवणूक?

भारतातील रहिवासी, एक अनिवासी भारतीय(Non-resident Indian) किंवा कंपनी, फर्म किंवा हिंदू अविभाजित कुटुंब भारत बॉन्ड ईटीएफमध्ये गुंतवणूक करू शकते. यासाठी त्याच्याकडे ट्रेडिंग आणि डिमॅट खाते असणे आवश्यक आहे.

गुंतवणूकीचे पर्याय

दोन मॅच्युरिटी कालावधी दरम्यान गुंतवणूकदार कोणताही पर्याय निवडू शकतात.
1. 3 ते 5 वर्षांच्या मुदतीसह अल्प मुदत.
2. 10 वर्षापर्यंत मॅच्युरिटीसह दीर्घकालीन मुदत.

पैसे काढण्याची प्रक्रिया

भारत बॉन्ड ईटीएफची मॅच्युरिटी कालावधी वेगवेगळी असते. परंतु यामध्ये लॉक-इन पीरियड नाही. यामागचे कारण हे आहे की त्याचा शेअर बाजारात व्यापार होतो. जर गुंतवणूकदारास कोणत्याही कारणास्तव पैसे काढण्याची गरज भासली असेल तर तो एक्सचेंजवर आपली युनिट्स विकू शकतो. त्या दिवशी युनिटच्या किंमतीनुसार, त्याला पैसे मिळतील.

या गोष्टी लक्षात ठेवा

भारत बॉन्ड ईटीएफमध्ये थेट गुंतवणूक करण्याचा पर्यायही गुंतवणूकदारास आहे. तो फंड हाऊसच्या भारत बाँड फंड ऑफ फंड योजनेमध्ये गुंतवणूक करू शकतो. भारत बॉन्ड ईटीएफने सरकारी कंपन्यांच्या बाँडमध्ये गुंतवणूक केली असली तरी ते कोणत्याही आश्वासन परताव्याची हमी देत ​​नाही. (India Bond ETF is the best option to get good returns, know how to invest)

इतर बातम्या

शेतकऱ्यांना खरीप हंगामासाठी पीक कर्ज उपलब्ध करुन द्या; सदाभाऊ खोत बैल आणि नांगर घेऊन बँकेसमोर

ईडीला सर्व पुरावे मिळाले, अनिल देशमुखांना अटक होईल : अ‍ॅड. जयश्री पाटील