गॅसच्या किमतीचा पुन्हा भडका उडणार, CNG आणि PNG च्या दरात होणार आणखी वाढ? 

घरगुती गॅस वापरकर्त्यांना प्रति सिलिंडर 200 सबसिडी

Image Credit source: tv9

गॅसच्या किंमतींचा (Gas Prices) पुन्हा एकदा भडका उडणार आहे. दर सहा महिन्यानंतर आंतरराष्ट्रीय किंमतींच्या आधारे सरकार गॅसचे दर निश्चित करते. सध्या ज्या ठिकाणाहून गॅस उत्पादन करण्यात येत आहे, त्यात 1 एप्रिलपासून दुप्पट भाव झाले आहे. रिलायन्स इंडस्ट्रीज लिमिटेडच्या (Reliance Industries Litmted) अंदाजानुसार ऑक्टोबर महिन्यांत देशातील नैसर्गिक गॅसच्या किंमतीत (Natural Gas Price) वाढ होण्याची दाट शक्यता आहे. जागतिक स्तरावर ऊर्जा दरात (Global Energy Prices) वृद्धीचा फायदा कंपनीच्या गॅस संशोधन व व्यवसाय विभागाला होत आहे. या विभागाचे वरिष्ठ उपाध्यक्ष संजय रॉय यांनी गुंतवणुकदारांशी चर्चा करताना सांगितले की, केजी-डी 6 ब्लॉक मधून उत्पादन होत असलेल्या गॅसच्या विक्रीचे मूल्य सध्याच्या 9.92 डॉलर प्रति दहा लाख ब्रिटिश थर्मल युनिटपेक्षा अधिक असेल. परिणामी सीएनजी आणि पीएनजीृ गॅसच्या किंमती पुन्हा भडकण्याची शक्यता आहे. त्यामुळे ऑक्टोबर महिन्यात सर्वसामान्यांना किचन बजेटसाठी अधिकचा निधी खर्च करावा लागणार आहे.

सहा महिन्यानंतर दर निश्चिती

सरकार दर सहा महिन्यानंतर आंतरराष्ट्रीय किंमतींच्या आधारे गॅसचे दर निश्चित करते. सध्या ज्या ठिकाणाहून गॅस उत्पादन करण्यात येत आहे, त्यात 1 एप्रिलपासून दुप्पट भाव झाले आहे असून 6.1 डॉलर एमएमबीटीयू असे सध्या भाव सुरु आहेत. तर सखोल समुद्रातील अडचणीच्या तेल उत्पादन क्षेत्रातून उत्पादन करण्यात येणा-या गॅसचे दर 9.92 डॉलर एमएमबीटीयू इतके आहेत. सहा महिन्यांच्या हिशोबाने ऑक्टोबर महिन्यात नवीन दरांची निश्चिती करण्यात येईल.

भाव भडकणार

सध्याच्या आंतरराष्ट्रीय परिस्थितीचा अंदाज बांधला असता, सार्वजनिक क्षेत्रातील तेल आणि नैसर्गिक वायू कंपनी ओएनजीसी त्यांच्या उत्पादन क्षेत्रातील नैसर्गिक गॅसचे भाव वाढवून 9 डॉलर एमएमबीटीयू करेल. तर अडचणीच्या आणि खोल समुद्रातील गॅससाठी हा दर दहा आकडी होईल. रिलायन्स इंडस्ट्रीज लिमिटेडचे गॅस संशोधन व व्यवसाय विभागाचे वरिष्ठ उपाध्यक्ष संजय रॉय यांच्या म्हणण्यानुसार, या आर्थिक वर्षाच्या पहिल्या सहामहीत गॅसचे मूल्य 9.92 डॉलरपर्यंत जाईल, परिणामी दुस-या सहामहीत गॅसचे दर आणखी वाढतील .