शेतकऱ्यांनो कागदपत्रांची पुर्तता करा अन् ‘पी.एम. किसान सन्मान’ योजनेचा निधी मिळवा, अन्यथा…

पंतप्रधान किसान सन्मान योजना

मुंबई : पंतप्रधान किसान सन्मान निधी योजनेतील या वर्षातील शेवटचा हप्ता अजूनही शेतकऱ्यांच्या खात्यावर जमा झालेला नाही. जर तुम्ही पंतप्रधान किसान (P.M.Kisan Sanman Yojna) योजनेचे लाभार्थी असाल तर आवश्यक ती कागदपत्रे त्वरित सादर करावी लागणार आहेत. अन्यथा तुमचा हप्ता हा अडकण्याची शक्यता आहे.

पंतप्रधान किसान सन्मान निधी योजने अंतर्गत वर्षभरात शेतकऱ्यांना 6 हजार रुपये देऊन केंद्र सरकार हे शेतकऱ्यांचा सन्मान करीत आहे. पण यामध्ये अनियमितता आढळून आल्याने जुन्या व्यवस्थेत काही बदल करण्यात आले आहेत. त्यामुळे कागदपत्रांची पुर्तता केली तरच उर्वरीत रक्कम शेतकऱ्यांच्या खात्यावर जमा होणार आहे. शिवाय या योजनेत सुधार करण्याचा मोदी सरकार विचार करीत आहे. असे झाल्यास शेतकऱ्यांना वर्षाकाठी 6 हजार नव्हे तर 12 हजार रुपये मिळणार आहेत.

हा आहे महत्वपूर्ण बदल

पंतप्रधान किसान सन्मान निधी योजने अंतर्गत देशभरातील कोट्यावधी शेतकऱ्यांना वर्षाकाठी 6 हजार मिळत आहेत. मात्र, गेल्या काही दिवसांपासून यामध्ये अनियमितता आढळून येत आहे. त्यामुळे आता ज्या ज्या शेतकऱ्यांच्या नावावर शेत असेल त्यांना आता पंतप्रधान किसान सन्मान योजनेचा लाभ मिळणार आहे. म्हणजे पूर्वीप्रमाणेच वडिलोपार्जित जमिनीत ज्यांचा वाटा आहे, त्यांना आता या योजनेचा लाभ मिळणार नाही. तुमच्या नावावरही शेती करून घ्यावी लागणार आहे.

अर्जामध्ये गट क्रमांकाचाही करावा लागणार समावेश

काळाच्या ओघात या योजनेत काही विसंगती आढळल्या असून, त्यात सुधारणा करण्याचा निर्णय सरकारने घेतला आहे. या योजनेत पारदर्शकता आणण्यासाठी सरकारने हे पाऊल उचलले आहे. शेतकरी सन्मान निधी योजनेअंतर्गत नवीन नोंदणी केलेल्या शेतकऱ्यांना आता अर्जात त्यांच्या जमिनीचा भूखंड क्रमांक म्हणजेच गट क्रमांकही नोंदवावा लागणार आहे. मात्र, नव्या नियमांचा या योजनेशी संबंधित जुन्या लाभार्थ्यांवर परिणाम होणार नाही.

या शेतकऱ्यांनाच मिळणार लाभ

पंतप्रधान किसान सन्मान निधी अंतर्गत 2 हेक्टर म्हणजेच 5 एकर शेती असलेल्या शेतकऱ्यांनाच लाभ होतो. आता सरकारने धारण मर्यादा रद्द केली आहे. पण जर कोणी आयकर विवरणपत्र दाखल केले तर त्यांना पंतप्रधान किसान सन्मान निधीमधून वगळण्यात आले आहे. वकील, डॉक्टर, सीए इत्यादी ही योजनाही या योजनेतून बाहेर करण्यात आले आहे.

लाभ घेण्यासाठी हे लक्षात असू द्या

या योजनेअंतर्गत स्वत: ऑनलाइन अर्ज करताना फॉर्म पूर्णपणे आणि बरोबर भरा. कारण सरकारी यंत्रणेत आता उलट-तपासणे आता सोपे झाले आहे. त्यामुळे तुमच्या अर्जाची तपासणी होते. बँक खाते क्रमांक(बँक खाते) तसेच आयएफएससी कोड योग्य प्रकारे भरा. सध्याच्या स्थितीत असलेला खाते क्रमांक भरा. जमिनीचा तपशील – विशेषत: खात्याचा क्रमांक खूप काळजीपूर्वक भरणे आवश्यक आहे

या बाबींमुळे पैसे जमा झाले नसतील ते तपासून पहा

– अवैध खात्यामुळे तात्पुरते थांबवलेले असतील. पण खात्यामध्ये काही चुका झाल्या असतील तर त्या दुरुस्त केल्यावर पैसे जमा होणार आहेत.
– तुम्ही दिलेला खाते क्रमांक बँकेतच नव्हता. याचा अर्थ चुकीचा खाते क्रमांक भरला आहे.
– वित्त व्यवस्थापन यंत्रणेनेाध्ये तुमचा सहभागच झालेला नसेल तरीपण पैसे जमा होत नाहीत.
– बँकेने जर तुमचे खाते अमान्य केले तरी पैसे जमा होणार नाहीत.
– पीएफएमएस/ पीएफएमएस बँकेने शेतकरी नोंदी नाकारल्या आहेत.
– नॅशनल पेमेंट्स कॉर्पोरेशन ऑफ इंडियामध्ये आधार (आधार कार्ड) जमा केले गेले नाही.
– राज्य सरकारच्या वतीने दुरुस्ती प्रलंबित असेल तरी पैसे हे जमा होत नाहीत. (Documents need to be completed for availing the benefits of PM Kisan Samman Nidhi Yojana)

संबंधित बातमी :

गारपीटग्रस्त शेतकऱ्यांना दिलासा, राज्य सरकारची 122 कोटींची मदत

मत्स्यव्यवसायात क्रांती : ‘ई-फिश मार्केट अ‍ॅप’ मुळे मासे उत्पादकांना थेट फायदा

काय आहे गोपीनाथ मुंडे शेतकरी अपघात विमा योजना? योजनेतील बदल शेतकऱ्यांच्या हिताचा