Video: नागपूरच्या रामटेकला तुफान गारपीट, पावसानं अर्धा तास झोडपलं, पुण्यासह विविध ठिकाणी पावसाचा अंदाज
नागपूर जिल्ह्यातील रामटेक, कोदामेंडी आणि जवळपासच्या परिसरामध्ये सोमवारी सायंकाळच्या सुमारास पूर्वमोसमी पाऊस झाला . Ramtek Nagpur Pune Rain
मंबई: तापमानाबरोबरच आर्द्रतेमध्ये लक्षणीय वाढ झाल्याने पुण्यात उकाडा वाढला असून, नागरिक हैराण झाल्याचे चित्र आहे. शहराच्या कमाल तापमानामध्ये जरी वाढ होत नसली, तरी किमान तापमान २५ अंशांच्या उंबरठ्यावर आल्याने उष्णतेत मोठ्या प्रमाणावर वाढ झाली आहे. आर्द्रतेचे प्रमाणही ७० टक्क्यांच्या पुढे गेल्याची नोंद हवामान विभागाने केली आहे, अशी माहिती हवामान शास्त्रज्ञ अनुपम काशयपी यांनी दिली आहे. पश्चिम मध्य प्रदेश ते कर्नाटक किनारपट्टीच्या प्रदेशात कमी दाबाचा पट्टा तयार झाल्यानं पावसाचा अंदाज वर्तवण्यात आला आहे. दुसरीकडे नागपूर जिल्ह्यातील रामटेक, कोदामेंडी आणि जवळपासच्या परिसरामध्ये सोमवारी सायंकाळच्या सुमारास पूर्वमोसमी पाऊस कोसळला. यावेळी काही ठिकाणी गारपीट झाली आहे. (Maharashtra Weather Report heavy rain fall at Ramtek Nagpur rain expected in Pune)
पुण्यात उकाडा वाढला
गेल्या दोन दिवसांपासून शहरात प्रचंड उकाडा जाणवत असून, किमान तापमानात होणारी वाढ आणि आर्द्रतेतील वाढ यामुळे उकाडा वाढत चालला असल्याचे निरीक्षण हवामान विभागाकडून नोंदवण्यात आले आहे. पुढील काही दिवस अशीच परिस्थिती राहणार असल्याचा अंदाज हवामान विभागाकडून व्यक्त करण्यात आला असून, तापमानातही वाढ होणार असल्याचे स्पष्ट करण्यात आले आहे. कमाल आणि किमान तापमानाच्या फरकामध्ये सातत्याने घट होत असल्याने उष्णतेत वाढ होत असल्याचे सांगितले जात आहे.
विजांच्या कडकडाटासह पावसाचा अंदाज
उकाड्याबरोबरच पुढील काही दिवस संध्याकाळच्या वेळी पुणेकरांना पावसाच्या हलक्या सरी अनुभवायला मिळतील, असा अंदाज वर्तवण्यात आला आहे. काही ठिकाणी विजांच्या कडकडाटासह पाऊस पडेल, असे स्पष्ट करण्यात आले आहे. पश्चिम मध्य प्रदेश ते कर्नाटक किनारपट्टीच्या प्रदेशात कमी दाबाचा पट्टा तयार झाला असून, यामुळे काही दिवस पाऊस पडण्याची शक्यता आहे.
नागपूरमध्ये गारपीट
नागपूर जिल्ह्यातील रामटेक, कोदामेंडी आणि जवळपासच्या परिसरामध्ये सोमवारी सायंकाळी पूर्वमोसमी पाऊस कोसळला. या परिसरात सुमारे अर्धा तास पाऊस सुरु होता. या दरम्यान काही ठिकाणी गारपीट ही झाली आहे. रामटेक शहरात ही अर्धा तास झालेल्या पावसात दहा मिनिटं मध्यम आकाराची गारपीट झाली. रामटेक आणि कोदमेंडी परिसरता झालेल्या पावसानं आणि गारपिटीमुळे शेतीचे नुकसान झाल्याचा अंदाज आहे.
रुग्णांना मदत करण्यात अपयश आलं, तर रात्र रात्र झोप येत नाही : आमदार निलेश लंकेhttps://t.co/MQ1PkFeBRq#NileshLanke #CovidCareCentre #Ahmednagar #CoronaUpdates @NCPspeaks
— TV9 Marathi (@TV9Marathi) May 10, 2021
संबंधित बातम्या:
Video: मराठवाड्यात अनेक ठिकाणी वळवाच्या पावसाचा तडाखा, नदी नाल्यांना पूर
Rain Forecast | बहावा पिवळसर फुलांनी लगडला, दमदार पाऊस पडण्याचे संकेत
(Maharashtra Weather Report heavy rain fall at Ramtek Nagpur rain expected in Pune)
