Audi Q7 | 2022 ऑडी Q7 चे उत्पादन भारतात सुरू, दमदार फिचर्स, सुपर लूक, जाणून घ्या बहूचर्चित ऑडी Q7बद्द्ल सर्व काही

2022 Audi Q7

मुंबई : ऑडी इंडियाने नुकताच माहिती दिली की त्यांनी 2022 ऑडी Q7 SUV चे औरंगाबाद येथील प्लांटमध्ये उत्पादन सुरू केले आहे. अपडेटेड Q7 नवीन वर्षाच्या पहिल्या महिन्यात लॉन्च होण्याची शक्यता आहे. ऑडीचे पार्ट मेड इन औरंगाबाद असणार आहेत. ऑडीने 2021 मध्ये इलेक्ट्रिकवर मोठी शर्थ लावली आहे. ऑडीने गेल्या महिन्यात नवीन Q5 मध्ये कंपनीच्या 45% विक्री भारतात आणल्या. सर्वांच्या नजरा आता Q7 वर असतील, जी एकेकाळी Q8 लाँच होण्यापूर्वी ब्रँडची प्रमुख SUV होती.

नवीन ऑडीमध्ये आकर्षक फ्रंट ग्रिल, मॅट्रिक्स एलईडी हेडलाईट युनिट, मोठे एअर इनटेक, खिडक्यांवर क्रोम गार्निश आणि दरवाज्यावर क्रोम लाइन हे या Q7 चे काही भाग आहेत. जे ग्राहकांचे लक्ष वेधून घेतात. मागील बाजूस भरपूर क्रोम असलेले एलईडी दिवे देखील असणार आहेत. 2022 ऑडी Q7 ची लांबी 5,063 मिमी, रुंदी 1,970 मिमी आणि उंची 1,741 मिमी आहे. SUV ला 2,995 mm चा व्हीलबेस मिळतो. मागील सीट खाली फोल्ड करून 2,050 लिटरपर्यंत वाढवता येते.

नवीन ऑडी Q7 फेसलिफ्टचे उत्पादन स्कोडा ऑटो फोक्सवॅगन इंडिया प्रायव्हेट लिमिटेड औरंगाबाद प्लांटमध्ये केले जाते आहे. हे जून 2019 मध्ये जागतिक स्तरावर लाँच करण्यात आले आणि 2019 फ्रँकफर्ट मोटर शोमध्ये सार्वजनिक करण्यात आले. नवीन 2022 ऑडी Q7 फेसलिफ्टमध्ये नवीन वैशिष्ट्यांसह त्याच्या मागील मॉडेलच्या तुलनेत बरेच कॉस्मेटिक बदल करण्यात आले आहेत.

भारतात फोक्सवॅगन ग्रुपच्या इतर गाड्यांप्रमाणेच या गाड्या केवळ पेट्रोल इंजिनसह लाॅन्च केल्या जातील. नवीन ऑडी Q7 फेसलिफ्ट 3.0-लिटर टर्बोचार्ज्ड V6 पेट्रोल मोटरद्वारे असेल जी 340 hp पॉवर आणि 500 ​​Nm पीक टॉर्क जनरेट करते. इंजिन 8-स्पीड ऑटोमॅटिक गिअरबॉक्सशी जोडलेले आहे आणि ऑडीची प्रसिद्ध क्वाट्रो ऑल-व्हील-ड्राइव्ह सिस्टम देखील या नवीन ऑडी Q7 मिळणार आहे.

संबंधित बातम्या : 

iPhone 12 Pro वर 25000 रुपयांचा डिस्काऊंट, AirPods Pro स्वस्तात खरेदीची संधी, कुठे मिळतेय शानदार डील