कॅनरा बँकेचा तीन महिन्यांत चमत्कार, नफा दुपटीने वाढला, गुंतवणूकदारांनी आता काय करावे?
ग्रॉस एनपीए म्हणजेच कॅनरा बँकेचे बुडीत कर्ज 52,437.92 कोटी रुपयांवरून 57,853.09 कोटी रुपये झाले. त्याच वेळी निव्वळ एनपीए 21,063.28 कोटी रुपयांवरून 20,861.99 कोटी रुपयांवर आला. दुसऱ्या तिमाहीत बँकेची तरतूद मागील तिमाहीतील 3459 कोटी रुपयांवरून 3360 कोटी रुपयांवर आली आहे.
नवी दिल्लीः सरकारी बँक कॅनरा बँकेच्या नफ्यात जोरदार वाढ झालीय. जुलै-सप्टेंबर तिमाहीत बँकेचा नफा 444.4 कोटी रुपयांवरून 1,332.6 कोटी रुपयांपर्यंत वाढला. या कालावधीत बँकेचे उत्पन्न 6,273.8 कोटी रुपयांवरून 6,304.9 कोटी रुपयांवर पोहोचले. त्यामुळे नफ्यात जोरदार वाढ झाल्याचे तज्ज्ञांचे म्हणणे आहे. पण एनपीएच्या तणावामुळे शेअरमध्ये घसरण झाली. तिमाही निकालानंतर बँकेचे समभाग घसरले. शेअरची किंमत 3 टक्क्यांहून अधिक घसरली. स्टॉक 200 रुपयांपर्यंत खाली आला.
त्रैमासिक निकालांवर एक नजर
ग्रॉस एनपीए म्हणजेच कॅनरा बँकेचे बुडीत कर्ज 52,437.92 कोटी रुपयांवरून 57,853.09 कोटी रुपये झाले. त्याच वेळी निव्वळ एनपीए 21,063.28 कोटी रुपयांवरून 20,861.99 कोटी रुपयांवर आला. दुसऱ्या तिमाहीत बँकेची तरतूद मागील तिमाहीतील 3459 कोटी रुपयांवरून 3360 कोटी रुपयांवर आली आहे. त्याच वेळी कर्जाची वाढ 5.4 टक्के आहे, जी 8-10 टक्के अपेक्षित होती.
स्टॉक कामगिरी
कॅनरा बँकेचे शेअर्स मंगळवारी 3 टक्क्यांहून अधिक घसरलेत. शेअरची किंमत 200 रुपयांपर्यंत खाली आली. मात्र, गेल्या काही दिवसांपासून हा शेअर तेजीत आहे. एका महिन्यात स्टॉक 25 टक्क्यांनी वाढला आहे. तीनमधील समभागांनी गतवर्षीच्या ऑक्टोबर 2020 च्या तुलनेत यावर्षी (1 जानेवारी ते ऑक्टोबर 2021) 33 टक्के, 51 टक्के आणि यावर्षी ऑक्टोबर 2021 पर्यंत 100 टक्क्यांहून अधिक परतावा दिला.
गुंतवणूकदारांनी आता काय करावे?
एनपीए वाढल्याच्या बातम्यांमुळे शेअरमध्ये घसरण झाल्याचे तज्ज्ञांचे म्हणणे आहे. मात्र, आगामी काळात बँक चांगली कामगिरी करेल, अशी अपेक्षा आहे. बडे गुंतवणूकदारही या समभागातील आपली भागीदारी वाढवत आहेत. राकेश झुनझुनवाला अँड असोसिएट्सने नॅशनल अॅल्युमिनियम कंपनी लिमिटेड (NALCO), इंडियाबुल्स रिअल इस्टेट, कॅनरा बँक, फेडरल बँक, सेल, टायटन आणि टाटा कम्युनिकेशन्समध्ये सप्टेंबर 2021 च्या तिमाहीत भागभांडवल खरेदी केले. यामध्ये नाल्को, इंडिया बुल्स आणि कॅनरा बँकेत नव्याने खरेदी करण्यात आली. अलीकडेच बँकेने संस्थात्मक गुंतवणूकदारांकडून QIP द्वारे 2500 कोटी रुपये उभे केलेत. बँकेने 2500 कोटी रुपयांच्या QIP अंतर्गत 16.73 कोटी शेअर्सचे वाटप करण्यास मान्यता दिली होती. बँकेचा QIP 17 ऑगस्टला उघडला आणि 23 ऑगस्टला बंद झाला.
संबंधित बातम्या
दिवाळीत तुम्ही इथे पैसे गुंतवू शकता, FD पेक्षासुद्धा जास्त परतावा
तुम्हाला पोस्ट ऑफिसकडून स्वस्त गृहकर्ज मिळणार, IPPB ने HDFC सोबत केली हातमिळवणी
Canara Bank’s miracle in three months, profit doubled, what should investors do now?