करदात्यांच्या पैशांची दिवाळी! CBDT ने 91.30 लाख करदात्यांना 1.12 लाख कोटी केले परत; तुम्हाला मिळाले का?
आयटीआर दाखल केल्यानंतर 10 दिवसांच्या आत आयकर परतावा करदात्याच्या खात्यात जमा होतो. जर करदाता कर परताव्याची वाट पाहत असेल तर त्याने आयटीआर दाखल केल्यापासून 10 दिवसांच्या आत त्याची स्थिती तपासली पाहिजे.
नवी दिल्ली : केंद्रीय प्रत्यक्ष कर मंडळाने (CBDT) चालू आर्थिक वर्षात आतापर्यंत करदात्यांना 1.12 लाख कोटी रुपये परत केलेत. प्राप्तिकर विभागाने सांगितले की, CBDT ने 1 एप्रिल 2021 ते 1 नोव्हेंबर 2021 दरम्यान 91.30 लाख करदात्यांना 1,12,489 कोटी रुपये परत केले. यामध्ये वैयक्तिक आयकराच्या प्रकरणांमध्ये 89,53,923 करदात्यांना 33,548 कोटी रुपये परत केले गेले.
मूल्यांकन वर्ष 2021-22 साठी 58.22 लाख परतावा
कॉर्पोरेट टॅक्स अंतर्गत 1,75,692 करदात्यांना 78,942 कोटी रुपये परत करण्यात आल्याचे विभागाने म्हटले. करदात्यांना परत केलेल्या रकमेपैकी 11,086.89 कोटी रुपयांचे 58.22 लाख परतावे हे मूल्यांकन वर्ष 2021-22 (AY2022) साठी आहेत. यापूर्वी प्राप्तिकर विभागाने माहिती दिली होती की, 1 एप्रिल ते 26 एप्रिलदरम्यान 10.83 लाख प्राप्तिकरदात्यांचे 12,038 कोटी रुपये कर परतावा म्हणून परत केले गेलेत. यानंतरही अनेक आयकरदाते कर परताव्याच्या प्रतीक्षेत होते.
ऑगस्टपर्यंत 51,531 कोटी रुपये परत केले
प्राप्तिकर विभागाने 23 ऑगस्टपर्यंत 2021-22 या आर्थिक वर्षासाठी कर परतावा म्हणून 51,531 कोटी रुपये जारी केले होते. यामध्ये 21,70,134 प्रकरणांमध्ये 14,835 कोटी रुपयांचा आयकर परतावा आणि 1,28,870 प्रकरणांमध्ये 36,696 कोटी रुपयांचा कॉर्पोरेट कर परतावा समाविष्ट आहे. 2020-21 या आर्थिक वर्षात 2.37 कोटींहून अधिक करदात्यांना 2.62 लाख कोटी रुपये परत करण्यात आले. हे आर्थिक वर्ष 2019-20 च्या तुलनेत 42 टक्के अधिक आहे.
आयटीआर दाखल केल्यानंतर 10 दिवसांच्या आत परतावा येतो
आयटीआर दाखल केल्यानंतर 10 दिवसांच्या आत आयकर परतावा करदात्याच्या खात्यात जमा होतो. जर करदाता कर परताव्याची वाट पाहत असेल तर त्याने आयटीआर दाखल केल्यापासून 10 दिवसांच्या आत त्याची स्थिती तपासली पाहिजे.
विनंती कशी दाखल करावी
– नवीन आयकर पोर्टलवर तुमच्या खात्यात लॉगिन करा.
– डॅशबोर्डवरील सेवा टॅबमध्ये कॉन्डोनेशन रिक्वेस्ट लिहिली जाईल, ती निवडा.
– कंडेन्सेशन पेजवर, तुम्हाला कोणत्या प्रकारची कंडेन्सेशन विनंती सेवा घ्यायची आहे ते देखील निवडावे लागेल. सध्या फक्त ITR-V सबमिट करण्यात विलंब हा पर्याय उपलब्ध आहे.
– ITR-V पेज जमा होण्‍यास विलंब झाल्यास, Condonation Request Create वर क्लिक करा
– ITR पेजवर निवडल्यानंतर, ज्या रेकॉर्डसाठी कंडेन्सेशन विनंती करायची आहे ते निवडा. त्यानंतर Continue वर क्लिक करा.
– त्यानंतर प्रदेश प्रदान करा पेजवर जा आणि सत्यापनास विलंब झालेल्या कारणावर क्लिक करा. त्यानंतर सबमिट वर क्लिक करा.
– ट्रान्झॅक्शन आयडीसह एक मेसेज येईल ज्यामध्ये काम यशस्वी झाल्याचे सांगितले जाईल. पुढील संदर्भासाठी हा व्यवहार आयडी सुरक्षित ठेवा.
– असा मेसेज तुमच्या मोबाईल नंबर आणि ईमेलवर देखील येईल ज्यामध्ये विनंती नोंदवली गेली आहे.
संबंधित बातम्या
पेट्रोल, डिझेलवरील Excise Duty म्हणजे नेमकं काय?, ज्यातून सरकारची दररोज करोडोंची कमाई
मोदी सरकारचं दिवाळी गिफ्ट, पेट्रोल अन् डिझेल स्वस्त, मुंबईत आता किंमत काय?
