केंद्र सरकार खरोखरच मुद्रा योजनेंतर्गत 2% व्याजाने 5 लाखांचं कर्ज देते? पटापट तपासा
काही दिवसांपासून सोशल मीडियावर एक मेसेज व्हायरल होत आहे, ज्यामध्ये दावा केला जात आहे की, सरकार फक्त 2% व्याजासह 5 लाखांपर्यंत कर्ज देत आहे. चला तर या मेसेजचे सत्य जाणून घेऊया...
नवी दिल्ली : केंद्र सरकारने लहान व्यवसाय सुरू करण्यासाठी प्रधानमंत्री मुद्रा योजना सुरू केली. या अंतर्गत लोकांना त्यांचा व्यवसाय सुरू करण्यासाठी थोड्या प्रमाणात कर्ज दिले जाते. काही दिवसांपासून सोशल मीडियावर एक मेसेज व्हायरल होत आहे, ज्यामध्ये दावा केला जात आहे की, सरकार फक्त 2% व्याजासह 5 लाखांपर्यंत कर्ज देत आहे. चला तर या मेसेजचे सत्य जाणून घेऊया…
हे आहे व्हायरल मेसेजचे सत्य?
व्हायरल होणाऱ्या मेसेजमध्ये दावा केला जातोय की, केंद्र सरकार मुद्रा योजनेंतर्गत कमी व्याजदराने कर्ज देत आहे. या मेसेजमध्ये एक नंबरदेखील शेअर केला गेलाय, ज्यावर कर्जासाठी कॉल करावा लागतो.
सरकारने हा मेसेज बनावट असल्याचे सांगितले
पीआयबी फॅक्ट चेकने ट्विट करून या बातमीची सत्यता सांगितली. पीआयबीने आपल्या ट्विटरवरून इशारा दिला आहे की, सरकार अशी कोणतीही योजना चालवत नाही आणि हा मेसेज पूर्णपणे बनावट आहे.
चला जाणून घेऊया पीएम मुद्रा योजना काय?
मुद्रा योजनेंतर्गत हमीशिवाय कर्ज उपलब्ध आहे. याशिवाय कर्जासाठी कोणतेही प्रक्रिया शुल्क आकारले जात नाही. मुद्रा योजनेतील कर्जाची परतफेड कालावधी 5 वर्षांपर्यंत वाढवता येईल. योजनेंतर्गत कोणतेही निश्चित व्याजदर नाहीत. मुद्रा कर्जासाठी वेगवेगळ्या बँका वेगवेगळे व्याजदर आकारू शकतात. साधारणपणे किमान व्याजदर 12%आहे.
या योजनेमध्ये 3 प्रकारच्या कर्जाचा समावेश
1. शिशु कर्ज: शिशु कर्जांतर्गत 50,000 रुपयांपर्यंतचे कर्ज दिले जाते.
2. किशोर कर्ज: 50,000 ते 5 लाख रुपयांपर्यंतचे कर्ज किशोर कर्जाखाली दिले जाते.
3. तरुण कर्ज: तरुण कर्जाच्या अंतर्गत 5 लाख ते 10 लाख रुपयांपर्यंतचे कर्ज दिले जाते.
तुमच्या मोबाईलमध्ये ‘Govt Yojana’चा हा मेसेज आलाय
जर तुमच्या मोबाईलमध्ये ‘Govt Yojana’च्या नावाने मेसेज आला असेल तर तुम्हाला त्वरित सतर्क झाले पाहिजे. कारण या मेसेजद्वारे तुम्ही फसवणुकीचे शिकार होऊ शकता. सोशल मीडियावर एक मेसेज वेगाने व्हायरल होत आहे, ज्यामध्ये असा दावा केला जात आहे की, सरकारी योजनेंतर्गत तुमच्या खात्यात 2.67 लाख रुपये जमा झालेत. ऑनलाईन फसवणूक करणारे स्मार्टफोन वापरकर्त्यांची फसवणूक करण्याचा सतत प्रयत्न करत असतात, त्यासाठी तो रोज नवनवे मार्ग शोधतो. आता अशाच फसवणुकीसंदर्भात PIB ने इशारा जारी केलाय.
संबंधित बातम्या
ITR Filing- करदात्यांना दिलासा! सरकार ITR भरण्याची तारीख वाढवण्याच्या तयारीत, कारण काय?
तुमच्या मोबाईलमध्ये ‘Govt Yojana’चा हा मेसेज आलाय, मग व्हा सावध अन्यथा…!
Does the central government really provide loans of Rs 5 lakh at 2% interest under Mudra Yojana? Check it out