ESIC Covid Benefits: लाखो कामगारांसाठी चांगली बातमी, कोरोनानं मृत्यू झाल्यास आई, पत्नी, मुलगा, मुलगी यांना मिळणार पेन्शन
जर एखाद्या कामगारांचा मृत्यू कोरोनामुळे झाला आणि तो ईएसआयसीच्या कक्षेत आला तर त्याला ईएसआयसी पेन्शनचा लाभ मिळेल, असंही कामगार मंत्रालयाच्या वतीने सांगितले गेले.
नवी दिल्लीः ESIC Pension Scheme: कोरोना संकटाच्या वेळी सरकारने अनेक प्रकारच्या दिलासादायक घोषणा केल्यात. अलीकडेच सरकारने ईएसआयसी पेन्शनबाबतचे नियम बदलले होते. जर एखाद्या कामगाराचा मृत्यू कोरोनामुळे झाला आणि तो ईएसआयसीच्या कक्षेत आला तर त्याला ईएसआयसी पेन्शनचा लाभ मिळेल, असंही कामगार मंत्रालयाच्या वतीने सांगितले गेले, यासह काही अटी देखील समाविष्ट केल्यात. या नियमांबद्दल जाणून घेऊयात.
नवीन नियम 24 मार्च 2020 पासून लागू करण्यात आला
कोरोना संकटाच्या वेळी जे लोक ईएसआयसी योजनेंतर्गत जोडले गेले आहेत, त्यांच्या कुटुंबीयांना आधार देण्याच्या उद्देशाने हा त्वरित बदल नियमात करण्यात आलाय. नवीन नियम 24 मार्च 2020 पासून लागू करण्यात आला आणि पुढील दोन वर्षांसाठी म्हणजे 24 मार्च 2022 पर्यंत लागू असेल. ईएसआयसी पेन्शनचा लाभ घेण्यापूर्वी आम्हाला आवश्यक अटींबद्दल माहिती जाणून घेणे आवश्यक आहे.
विमाधारकाच्या मृत्यूचे एक वर्ष आधीचे योगदान कमीत कमी 78 दिवस असावे
प्रथम पात्रतेच्या अटीनुसार, ईएसआयसी पोर्टलवर विमा काढलेल्या व्यक्तीची (आयपी) नोंदणी कोविड शोधण्यापूर्वी कमीत कमी तीन महिने आधी झाली पाहिजे. दुसरी अट अशी आहे की, विमाधारकाच्या मृत्यूचे एक वर्ष आधीचे योगदान कमीत कमी 78 दिवस असले पाहिजे. जर दोन्ही अटी पूर्ण झाल्या तर पीडित कुटुंबाला पेन्शनचा लाभ मिळेल.
तुम्हाला किती पेन्शन मिळेल?
ESIC Pension योजनेंतर्गत रोजंदारीच्या सरासरी 90 टक्के वेतन पेन्शन म्हणून मिळणार आहे. जर एखाद्या कामगारांचे सरासरी वेतन 20 हजार रुपये असेल तर त्याच्या कुटुंबास पेन्शन व सहाय्य म्हणून दरमहा एकूण 18000 रुपये मिळतील. सरासरी वेतन काढण्याचा नियमही देण्यात आलाय. प्रत्येक आर्थिक वर्षात दोन योगदान कालावधी असतात. प्रथम योगदानाचा कालावधी एप्रिल ते सप्टेंबरपर्यंत आहे. ऑक्टोबर ते मार्च या कालावधीत योगदानाचा दुसरा कालावधी आहे. एप्रिल ते सप्टेंबरच्या योगदानाच्या कालावधीसाठी येत्या वर्षाच्या जानेवारी ते जून या कालावधीस लाभाचा कालावधी म्हणतात. त्याचप्रमाणे ऑक्टोबर ते मार्च या कालावधीत त्या वर्षाच्या जुलै ते डिसेंबर या कालावधीला लाभ कालावधी म्हणतात. आयपीसाठी शेवटच्या योगदान कालावधीचा सरासरी पगार पेन्शनचा आधार असेल.
पेन्शनचा लाभ कोणाला मिळतो?
जर विमाधारक व्यक्ती विवाहित असेल तर त्याची पेन्शन पत्नी, आई, मुलगा आणि मुलगीमध्ये विभागली जाईल. आयुष्यभरासाठी पेन्शन रेटपैकी 60 टक्के पत्नीला मिळतील. आईला संपूर्ण आयुष्यभर पेन्शन रेटचा 40 टक्के हिस्सा मिळेल. 25 वर्ष पूर्ण होईपर्यंत मुलाला पेन्शन दराच्या 40 टक्के रक्कम मिळेल आणि मुलीचे लग्न होईपर्यंत पेन्शनचा लाभ मिळेल. निवृत्तीवेतनाचा दर सरासरी वेतनाच्या 90 टक्के आहे. लक्षात ठेवणारी आणखी एक गोष्ट म्हणजे पेन्शनच्या एकूण रकमेपेक्षा एकूण पेन्शनची रक्कम जास्त असू शकत नाही. जर ती जास्त असल्यास त्याची कपात केली जाईल.
संबंधित बातम्या
देशाचा पहिला निफ्टी आधारित वित्तीय सेवा निर्देशांक फंड लाँच, जाणून घ्या सर्व काही
भारतीय उद्योजक चीनला एक लाख कोटींचा धक्का देणार; चिनी उत्पादनांवर बहिष्कार मोहीम
ESIC Covid Benefits: Good news for millions of workers, mother, wife, son, daughter to get pension in case of death of Corona
