सोन्याच्या भावात मोठी घसरण, भारताच्या परकीय चलनाच्या गंगाजळीला गळती

डिजिटल गोल्ड

नवी दिल्ली: कोरोना संकटामुळे एकीकडे भारतीय अर्थव्यवस्था रोडावली असताना परकीय चलनाच्या गंगाजळीत मोठी घट झाल्याने देशाला मोठा झटका बसला आहे. सोन्याच्या दरात (Gold Rate) झालेल्या मोठ्या घसरणीमुळे हा परिणाम पाहायला मिळत आहे. 18 जूनला परकीय चलन गंगाजळी 4.148 अब्ज डॉलर्सच्या विक्रमी पातळीवरुन 603.933 अब्ज डॉलर्सपर्यंत खाली आली. (Indias forex reserves decline 4 billion dollar due to fall in gold rates)

परकीय मुद्रा भांडारातील युरो, पाऊंड आणि येनच्या या परकीय चलनांच्या विनिमय दरात मोठे चढउतार पाहायला मिळत आहेत. यापूर्वी 4 जून रोजी Forex Reserves वाढ पाहायला मिळाली होती. कोरोनाच्या संकटकाळातही परकीय गुंतवणुकदारांनी भारतावर विश्वास ठेवला होता. त्यामुळे भारताची परकीय चलनाची गंगाजळी 600 अब्ज डॉलर्सवर जाऊन पोहोचली होती.

स्थानिक बाजारपेठांमध्ये सोन्याच्या भावात घसरण

सराफा बाजारात शुक्रवारी सोन्याच्या दरात घट झाली, तर चांदीच्या दरात वाढ झाली आहे. दिल्ली सराफा बाजारात सोन्याचा दर 66 रुपयांनी घसरून प्रति दहा ग्रॅम 46309 रुपयांवर बंद झाला. एचडीएफसी सिक्युरिटीजने ही माहिती दिली आहे. गुरुवारी सोन्याचा भाव 46375 रुपयांच्या पातळीवर बंद झाला होता. चांदीच्या किंमतीत गुरवारी 332 रुपयांची वाढ झाली. चांदीचा भाव 67248 रुपये प्रति किलोवर इतका आहे. गुरुवारी तो प्रति किलो 66916 रुपयांवर बंद झाला होता. डॉलरची वाढती किंमत तसेच इतर विविध जागतिक कारणांमुळे सोने आणि चांदी गेल्या काही व्यापार सत्रांत विशिष्ट कक्षेत व्यापार करत असल्याचे जाणकारांचे म्हणणे आहे.

संबंधित बातम्या:

आजपासून 10, 20, 25, 30 वर्षांनंतर 1 कोटींची किंमत किती असेल? जाणून घ्या

Gold Price : सोने-चांदीत गुंतवणूक करायचीय? मग वाचा तोळ्याचे दर आणखी किती स्वस्त होणार

Gold: कर्ज न फेडल्यामुळे बँकेने सोनं लिलावात काढलं, पिशव्या उघडल्यावर आढळले बेंटेक्सचे दागिने

(Indias forex reserves decline 4 billion dollar due to fall in gold rates)