Gold Rate Today : सोने विक्रमी स्तरापासून अजूनही 9697 रुपयांनी स्वस्त, पटापट तपासा 10 ग्रॅम सोन्याचे दर
सोन्यात गुंतवणूक करण्याची अजूनही संधी आहे, कारण त्याची सध्याची किंमत विक्रमी उच्चांकाच्या तुलनेत 9,697 रुपये प्रति 10 ग्रॅमने कमी होत आहे. ऑगस्ट 2020 मध्ये सोनं 56,200 रुपये प्रति 10 ग्रॅमच्या सर्वोच्च पातळीवर पोहोचले. त्याच वेळी आंतरराष्ट्रीय बाजारात आज सोन्याच्या किमतीत उसळी पाहायला मिळालीय आणि ती 1,783 डॉलर प्रति औंसवर पोहोचली.
नवी दिल्ली : दिवाळीपूर्वीच सोन्याचे भाव वाढताना दिसत आहेत. भारतीय सराफा बाजारात आज म्हणजेच 21 ऑक्टोबर 2021 रोजी सोन्याच्या किमतीत किंचित वाढ झाली होती, परंतु तरीही ही मौल्यवान धातू त्याच्या सर्वकालीन उच्चांकापेक्षा चांगली विक्री करत आहे. त्याचबरोबर आज चांदीच्या दरातही वाढ झाली. गेल्या सराफा सत्रादरम्यान दिल्ली सराफा बाजारात सोने 10,466 रुपये प्रति 10 ग्रॅमवर बंद झाले होते. त्याचबरोबर चांदी 63,698 रुपये प्रति किलोवर बंद झाली. आंतरराष्ट्रीय बाजारातही आज सोन्याच्या किमतीत वाढ झाली, तर चांदीची किंमत तशीच राहिली.
सोन्याचे नवे भाव
गुरुवारी दिल्ली सराफा बाजारात सोन्याच्या किमतीत 7 रुपये प्रति 10 ग्रॅमची किरकोळ वाढ नोंदवण्यात आली. यामुळे राष्ट्रीय राजधानीत 99.9 ग्रॅम शुद्धतेच्या सोन्याची किंमत 46,503 रुपये प्रति 10 ग्रॅमवर बंद झाली. सोन्यात गुंतवणूक करण्याची अजूनही संधी आहे, कारण त्याची सध्याची किंमत विक्रमी उच्चांकाच्या तुलनेत 9,697 रुपये प्रति 10 ग्रॅमने कमी होत आहे. ऑगस्ट 2020 मध्ये सोनं 56,200 रुपये प्रति 10 ग्रॅमच्या सर्वोच्च पातळीवर पोहोचले. त्याच वेळी आंतरराष्ट्रीय बाजारात आज सोन्याच्या किमतीत उसळी पाहायला मिळालीय आणि ती 1,783 डॉलर प्रति औंसवर पोहोचली.
चांदीचे नवे दर
आज चांदीच्या किमतीत वाढ झाली. दिल्ली सराफा बाजारात गुरुवारी चांदीचे भाव केवळ 198 रुपयांनी वाढून 63,896 रुपये प्रति किलोवर बंद झाले. त्याचबरोबर आंतरराष्ट्रीय बाजारात आज चांदीच्या किमतीत कोणताही मोठा बदल झाला नाही आणि तो औंस 24.18 डॉलरवर पोहोचला.
सोने का वाढले?
एचडीएफसी सिक्युरिटीजचे वरिष्ठ विश्लेषक (कमोडिटीज) तपन पटेल यांनी सांगितले की, डॉलरच्या कमकुवतपणामुळे सोन्याचे भाव जास्त किमतीत व्यापार करत आहेत. आज कॉमेक्सवर सोन्याच्या किमतीत वाढ झाली. त्याचबरोबर अमेरिकन बॉण्ड उत्पन्नात घट झाल्याचा परिणामही सोन्याच्या किमती वाढल्याच्या रूपात दिसून आला.
सोन्याची किंमत 57 हजार रुपयांपासून 60 हजार रुपयांपर्यंत जाणार
दिवाळी ते डिसेंबरपर्यंत सोन्याची किंमत 57 हजार रुपयांपासून 60 हजार रुपयांपर्यंत जाऊ शकते. म्हणजेच आता जे भाव चालू आहेत ते 14 हजार प्रति 10 ग्रॅमपर्यंत वाढू शकतात. जोपर्यंत चांदीचा प्रश्न आहे, त्यातही मोठी वाढ होऊ शकते. बहुतेक व्यापाऱ्यांचा असा विश्वास आहे की, दिवाळीपर्यंत किंवा वर्षाच्या अखेरीपर्यंत चांदीचे दर 76,000 ते 82,000 रुपये प्रति किलोपर्यंत जाऊ शकतात.
भारतात गोल्ड एक्सचेंज उभारणार
बाजार नियामक सेबीने बुधवारी गोल्ड एक्सचेंज उभारण्याच्या प्रस्तावाला मंजुरी दिली. गोल्ड एक्सचेंजमध्ये सोन्याचा व्यापार इलेक्ट्रॉनिक गोल्ड रसीद (पावती) अर्थात ईजीआरद्वारे केला जाईल. इलेक्ट्रॉनिक गोल्ड रसीद (EGR) कोणत्याही मान्यताप्राप्त स्टॉक एक्सचेंज किंवा नवीन स्टॉक एक्सचेंजमधून सुरू केली जाईल. सेबीच्या मंजुरीनंतरच हे ठरवले जाईल की, ईजीआरची किमान किंमत किती असेल. यानंतर शेअर बाजार EGR चे सोन्यात रूपांतर करू शकतील. सेबीच्या मते, गोल्ड एक्स्चेंजमध्ये EGR च्या ट्रेडिंग आणि फिजिकल सोन्याच्या डिलिव्हरीसाठी संपूर्ण इको-सिस्टम असेल आणि देशातील सोन्याच्या व्यवहारात अधिक पारदर्शकता आणि निवड प्रदान करेल. ईजीआरच्या खरेदी आणि विक्रीसाठी गोल्ड एक्सचेंज हे राष्ट्रीय व्यासपीठ असेल. ईजीआरअंतर्गत मानक सोन्याचा व्यापार केला जाईल आणि देशभरात सोन्याची एकसमान किंमत रचना तयार करण्यात मदत होईल.
संबंधित बातम्या
ATM मधून फाटक्या नोटा बाहेर आल्यात, जाणून घ्या, बँकेतून कशा बदलायच्या?
3338 मीटर लांब बोगद्यातून ट्रेन जाणार, पश्चिम मध्य रेल्वे येथे बनवतेय बोगदा