सोन्याचा दर पुन्हा गगनाला भिडणार; वर्षाअखेरीस सोन्याचा प्रतितोळा भाव किती?

gold

मुंबई : कोरोनाच्या पहिल्या टप्प्यापासून सोन्याच्या किंमतीत चढउतार पाहायला मिळत आहेत. गेल्या वर्षभरात कोरोना काळात सोन्याच्या किंमतींमध्ये नवीन विक्रम नोंदवला गेला होता. ऑगस्ट 2020 मध्ये सोन्याने उच्चांक गाठला होता. मात्र लॉकडाऊन संपल्यानंतर सोन्याची किंमत हळहळू कमी झाल्या होत्या. यंदाच्या वर्षात सोन्याची किंमत ही 50 हजारापर्यंत पोहोचली होती. (Gold-Silver Price Expected To Hit New High In 2021)

यंदाच्या एप्रिल महिन्यात सोनं हे 3 ते 4 हजार रुपयांनी महागलं आहे. त्यामुळे बँक ऑफ अमेरिका सिक्युरिटीजच्या अंदाजानुसार 2021 च्या अखेरीस जागतिक स्तरावर सोन्याची किंमत ही प्रति औंस 2063 डॉलरपर्यंत जाऊ शकते, असा अंदाज वर्तवला जात आहे.

बँक ऑफ अमेरिका सिक्युरिटीजने (BoFA) दिलेल्या माहितीनुसार, कोरोना काळात सोन्याच्या किंमत सातत्याने वाढत आहे. तसेच पुढेही सोन्याची दरवाढ कायम राहणार आहे. गेल्यावर्षी कोरोनामध्ये सोन्याची किंमत ही 3000 डॉलरने वाढू शकते असा अंदाज वर्तवण्यात आला होता. अद्यापही BoFA चा हा अंदाज कायम आहे. तसेच बँक ऑफ अमेरिका सिक्युरिटीजच्या नव्या अहवालानुसार, येत्या वर्षभरात सोन्याचा दर हा 2063 डॉलरपर्यंत पोहोचू शकतो.

भारतात सोन्याच्या किंमतीचा अंदाज काय?

बँक ऑफ अमेरिका सिक्युरिटीजच्या अंदाजानुसार, या वर्षाच्या अखेरीस जागतिक स्तरावर सोन्याचा दर हे प्रति औंस 2063 डॉलर इतका असू शकतो. एक औंस सोन्याचे वजन 28.34 ग्रॅम इतके असते. यानुसार एक ग्रॅम सोन्याची किंमत 5307 रुपये इतका असण्याची शक्यता आहे.

या अंदाजानुसार, सोन्याची किंमत लवकरच 53000 रुपयापर्यंत पोहोचू शकते. कोरोनाच्या दुसऱ्या लाटेमुळे पुन्हा एकदा जगातील मोठी बाजारपेठांना याचा फटका बसला आहे. ज्यामुळे अनेक गुंतवणूकदारांनी पुन्हा सोन्यात गुंतवणूक करण्यास सुरुवात केली आहे. यामुळे पुन्हा एकदा सोन्याच्या किंमती वाढल्या आहेत.

भारतातील सोन्याचे नवे दर काय?

मे महिन्यात 10 महिन्यातील उच्चांकी दर

मार्च महिन्यापासून सोन्याच्या किमती सातत्याने वाढ होत आहे. गेल्या 31 मे रोजी सोन्याची किंमत ही 1907.59 डॉलर प्रति औंसपर्यंत पोहोचली होती. ही किंमत 10 महिन्यातील उच्चांकी दर होता. तर दुसरीकडे, जर एप्रिल महिन्याचा अंदाज लावायचा झाला तर भारतीय बाजारपेठेत सोन्याच्या किमतींमध्ये 3000 रुपयांनी वाढ झाली आहे. विशेष म्हणजे येत्या काळात ही किंमत आणखी वाढू शकते, असा अंदाज तज्ज्ञ व्यक्त करत आहेत.

(Gold-Silver Price Expected To Hit New High In 2021)

संबंधित बातम्या : 

Income Tax लाँच करणार नवीन पोर्टल, करदात्यांसाठी कोणती सुविधा?

Petrol Diesel Price | इंधन दरवाढीचा भडका, महाराष्ट्रात पेट्रोल शंभरी पार, नवे दर काय?

महागाईचा भडका, इंधनदरवाढीपाठोपाठ खाद्यतेलाच्या किंमती गगनाला, दर काय?