Gold Silver Rate Today | सोन्याने घेतली उसळी; चांदी 2500 रुपयांनी महागली, आता असा आहे भाव
Gold Silver Rate Today 18 February 2024 | आठवड्याच्या शेवटी सोने आणि चांदी पुन्हा महागले. गेल्या दोन महिन्यांपासून हा ट्रेंड सुरु आहे. डिसेंबर महिन्याच्या अखेरीस आठवड्याच्या शेवटी आणि सुरुवातीला दरवाढ होत होती. अनेक आठवड्यात हाच पॅटर्न दिसून आला. आता काय आहेत सोने-चांदीच्या किंमती, जाणून घ्या..
नवी दिल्ली | 18 February 2024 : ग्राहकांना सोने आणि चांदीने जानेवारी महिन्यापासून दिलासा दिला आहे. डिसेंबर महिन्यात सोने-चांदीने उच्चांकी कामगिरी बजावली होती. तेव्हापासून सोने-चांदीत चढउतार असला तरी किंमतींनी उच्चांकी झेप घेतली नाही. फेब्रुवारी महिन्यात पण मौल्यवान धातूत पडझडीचे सत्र सुरु होते. या आठवड्यात बुधवारी सोन्याच्या किंमती 800 रुपयांनी घसरल्या. तर चांदी 14 फेब्रुवारीला 1500 रुपयांनी घसरली होती. त्यानंतर शुक्रवार, शनिवारी किंमतीत वाढ झाली. असा आहे सोने-चांदीचा भाव (Gold Silver Price Today 18 February 2024)
दोन दिवसांत सोने महागले
या आठवड्यात सोन्यात 900 रुपयांची स्वस्ताई आली. बुधवारी 680 रुपयांची घसरण दिसली. 13 फेब्रुवारी रोजी किंमती 110 रुपयांनी कमी झाल्या.14 फेब्रुवारी रोजी दरात 680 रुपयांची कपात झाली. 15 फेब्रुवारी रोजी किंमतीत 100 रुपयांची कपात झाली. 16 फेब्रुवारी रोजी 200 तर 17 फेब्रुवारी रोजी 100 रुपयांची वाढ झाली. दोन दिवसांत सोने 300 रुपयांनी महागले. गुडरिटर्न्सनुसार, आता 22 कॅरेट सोने 5,350 रुपये प्रति 10 ग्रॅम तर 24 कॅरेट सोन्याचा भाव 62,550 रुपये प्रति 10 ग्रॅम आहे.
चांदी 2500 रुपयांनी महागली
या आठवड्यात 12 फेब्रुवारी रोजी चांदीत 500 रुपयांनी दरवाढ झाली. तर 14 फेब्रुवारी रोजी 1500 रुपयांनी किंमती कमी झाल्या. 15 फेब्रुवारी रोजी 500 रुपयांची दरवाढ झाली. तर 16 फेब्रुवारी रोजी 1100 रुपयांनी किंमती वधारल्या. शनिवारी, 17 फेब्रुवारी रोजी 900 रुपयांनी किंमती वधारल्या. गुडरिटर्न्सनुसार, एक किलो चांदीचा भाव 76,500 रुपये आहे.
14 ते 24 कॅरेटचा भाव काय
इंडियन बुलियन्स अँड ज्वेलर्स असोसिएशननुसार (IBJA), सोने आणि चांदी वधारली. बुधवारी 24 कॅरेट सोने 61,743 रुपये, 23 कॅरेट 61,496 रुपये, 22 कॅरेट सोने 56,557 रुपये झाले. 18 कॅरेट 46,307 रुपये, 14 कॅरेट सोने 36,120 रुपये प्रति 10 ग्रॅमवर पोहचले. एक किलो चांदीचा भाव 70,922 रुपये झाला. वायदे बाजारात आणि आंतरराष्ट्रीय बाजारात सोने आणि चांदीवर कुठलाही कर, शुल्क नसते. तर सराफा बाजारात शुल्क आणि कराचा समावेश होत असल्याने भावात तफावत दिसून येते.
किंमती मिस्ड कॉलवर
22 कॅरेट आणि 18 कॅरेट सोने खरेदी करण्यापूर्वी त्याच्या किंमती एका मिस्ड कॉलवर कळतील. तुम्ही 8955664433 या क्रमांकावर मिस्ड कॉल करु शकता. त्यानंतर तुमच्या मोबाईल क्रमांकावर एसएमएस (SMS) येईल. त्याआधारे तुम्हाला किंमती कळतील. तसेच भाव जाणून घेण्यासाठी तुम्ही www.ibja.co वा ibjarates.com या ठिकाणी माहिती घेऊ शकता.
