Multibagger : सरकारी कंपनीचा शेअर रंपाट.. 11 महिन्यांतच दुप्पट रिटर्न, गुंतवणूकदार झाले मालामाल, तेजीचे सत्र राहणार कायम

जोरदार परतावा

Image Credit source: सोशल मीडिया

नवी दिल्ली : शेअर बाजारात (Share Market) प्रचंड उलथापालथ सुरु असते. अनेक कंपन्यांचे तिमाही निकाल (Quarter Result) आले आहेत. अनेक कंपन्यांनी गुंतवणूकदारांना (Investors) बोनस शेअर, स्पिल्ट शेअर, लाभांश देऊन त्यांचा कंपनीवरील विश्वास सार्थ ठरविला आहे. त्यात सरकारी कंपन्याही (Government Company) मागे नाहीत. सरकारी कंपन्यांनीही गुंतवणूकदारांना मालामाल केले आहे.

भारत सरकारची कंपनी हिंदुस्थान एयरोनॉटिक्स लिमिटेड (Hindustan Aeronautics Ltd) या शेअरने मंगळवारी 22 नोव्हेंबर रोजी नवीन विक्रम केला. NSE वर दिवसभरातील व्यापारी सत्रात HAL च्या शेअरने भरारी घेतली.

HAL च्या शेअर 2.8 टक्क्यांनी उसळी घेतली. हा शेअर 2,737 रुपयांवर पोहचला. हा त्याचा उच्चांकी स्तर आहे. यासोबतच HAL चा शेअर त्या नामांकित शेअरच्या पंक्तीत जाऊन बसला, ज्यांनी यावर्षी गुंतवणूकदारांना मालामाल केले आहे.

HAL च्या शेअरने यावर्षी केवळ 11 महिन्यातच 100 परतावा दिला आहे. या शेअरने आतापर्यंतचे सर्व रेकॉर्ड मोडले आहे. कोरोनानंतर निर्बंध हटले. अनेक कंपन्यांनी उत्तुंग कामगिरी केली. त्यात सरकारी कंपन्याही मागे नाहीत.

यावर्षी 2022 च्या सुरुवातीला HAL चा शेअर NSE वर 1233 रुपये होता. त्यानंतर या शेअरने मागे वळून पाहिलेच नाही. चढ-उताराचे सत्र पार करत हा शेअर रंपाट झाला. सूसाट वेगाने धावणाऱ्या या शेअरने गुंतवणूकदारांना मालामाल केले.

अवघ्या 11 महिन्यातच या शेअरने 100 परतावा दिला. हा शेअर वर्षाच्या सुरुवातीला 1233 रुपये होता. आता सर्व रेकॉर्ड मोडत हा शेअर 2,737 रुपयांवर पोहचला आहे. या शेअरमध्ये जवळपास 120 रुपयांची तेजी दिसून आली.

जर एखाद्या गुंतवणूकदाराने या वर्षाच्या सुरुवातीला या शेअरमध्ये एक लाख रुपयांची गुंतवणूक केली असती तर त्याला दुप्पट परतावा मिळाला असता. एक लाख रुपयांचे मूल्य 2.20 लाख रुपये झाले असते.