नीता अंबानी यांना साडी नेसवून देण्यासाठी लाखोंचा चार्ज; कोण आहे डॉली जैन?

मुंबई : मुकेश अंबानी आणि नीता अंबानी यांचा लेक अनंत अंबानी हा चर्चेत आहे. अनंत अंबानीचे प्री वेडिंग फंक्शन तीन दिवस गुजरातमधील जामनगरमध्ये येथे सुरू होते. या प्री वेडिंग फंक्शनला विदेशातूनही खास पाहुणे हे दाखल झाले. जय्यत तयारी काही महिन्यांपासून सुरू होती. आता या प्री वेडिंग फंक्शनमधील विविध फोटो आणि व्हिडीओ हे सोशल मीडियावर तूफान व्हायरल होताना दिसत आहेत. हेच नाही तर या प्री वेडिंग फंक्शनमध्ये जवळपास बाॅलिवूडचे सर्वच कलाकार हे पोहचले. पहिल्यांदाच तीन खान खास डान्स करताना देखील अंबानींच्या पार्टीत दिसले. धमाकेदार व्हिडीओ या पार्टीतील व्हायरल होत आहेत.

विशेष म्हणजे या पार्टीमध्ये खास लूकमध्ये नीता अंबानी या देखील दिसल्या. कॉकटेल पार्टीमध्ये नीता अंबानी, श्लोका अंबानी, ईशा आणि राधिका मर्चंट यांनी इंडियन लुक कॅरी केला. यावेळी नीता अंबानींच्या लूककडे सर्वांच्या नजरा दिसल्या. विशेष म्हणजे इंडियन लूकसाठी सेलिब्रिटींची पहिली पसंत ही कायमच डॉली जैन ही असते. डॉली जैन हिचे स्पेशल इंडियन लूकसाठी मोठे नाव आहे.

अनेकांना प्रश्न पडतो की, ही डॉली जैन नेमकी कोण आहे? डॉली जैन ही एक ड्रेप आर्टिस्ट आहे. डॉली जैनची खासियत म्हणजे तब्बल 325 वेगवेगळ्या प्रकारच्या साड्या ती घालून देऊ शकते. फक्त हेच नाही तर लिम्का बुक ऑफ रेकॉर्डमध्येही डॉली जैनच्या नावाची नोंद आहे. कोट्यवधी संपत्तीची मालकीन डॉली जैन आहे.

डॉली जैन ही तिच्या एका सेशनसाठी 35 हजार ते 2 लाखांपर्यंतची फीस घेते. नीता आणि मुकेश अंबानी कल्चर सेंटरच्या लॉन्चच्या वेळी देखील नीता अंबानी यांना साडी ही डॉली जैन हिनेच नेसवून दिली होती. फक्त हेच नाही तर राधिका मर्चंटसाठी ड्रेपिंगही डॉली जैन हिनेच केले. यासाठी डॉली जैन ही मोठी फीस घेत असल्याचे देखील सांगितले जाते.

फक्त अंबानी कुटुंबच नाही तर डॉली जैन हिने आतापर्यंत दीपिका पादुकोण, आलिया भट्ट, कतरिना कैफ यांना देखील साड्या या नेसवून दिल्या आहेत. जास्त करून सेलिब्रेटी या डॉली जैन हिच्याकडूनच साड्या नेसवून घेत असल्याचे सांगितेल जाते. डॉली जैन ही अगदी कमी वेळामध्ये खास साडी नेसवून देत असल्याचे सांगितले जाते. गेल्या अनेक वर्षांपासून डाॅली जैन हे काम करत आहे.