कोटक महिंद्रा बँकेने एफडी व्याजदर बदलले, पटापट तपासा नवे दर

नवी दिल्लीः खासगी क्षेत्रातील मोठी बँक कोटक महिंद्रा बँकेच्या ग्राहकांसाठी मोठी बातमी आहे. कोटक महिंद्रा बँकेने मुदत ठेवींचे व्याजदर बदललेत. खासगी बँक 7 दिवस ते 30 दिवस, 31 दिवस ते 90 दिवस आणि 91 दिवस ते 120 दिवसांच्या परिपक्व एफडीसाठी अनुक्रमे 2.5 टक्के, 2.75 टक्के आणि 3 टक्के व्याजदर देते. त्याच वेळी 3 वर्ष आणि त्यापेक्षा जास्त परंतु 4 वर्षांपेक्षा कमी कालावधीत मुदत ठेवींसाठी बँक 5.10 टक्के व्याज देईल. 4 वर्ष आणि त्यापेक्षा जास्त परंतु 5 वर्षांपेक्षा कमी कालावधीच्या ठेवींसाठी कोटक महिंद्रा बँक 5.20 टक्के व्याज देते. 5 वर्ष आणि त्यापेक्षा जास्त आणि 10 वर्षांच्या FD साठी बँक 5.25 टक्के व्याज देते. नवीन दर 30 सप्टेंबर 2021 पासून लागू आहेत.

नवीन FD व्याजदर

7-14 दिवस- 2.50%
15-30 दिवस- 2.50%
31- 45 दिवस- 2.75%
46- 90 दिवस- 2.75%
91 – 120 दिवस – 3%
121 – 179 दिवस – 3.20%
180 दिवस – 4.25%
181 दिवस ते 269 दिवस – 4.40%
270 दिवस- 4.40%
271 दिवस ते 363 दिवस- 4.40%
364 दिवस – 4.40%
365 दिवस ते 389 दिवस- 4.50%
390 दिवस (12 महिने 25 दिवस) 4.75%
391 दिवसांपासून – 23 महिन्यांपेक्षा कमी – 4.75%
23 महिने – 4.9%
23 महिने 1 दिवस – 2 वर्षांपेक्षा कमी – 4.9%
2 वर्षे – 3 वर्षांपेक्षा कमी – 5%
3 वर्षांपेक्षा जास्त परंतु 4 वर्षांपेक्षा कमी – 5.2%
4 वर्षांपेक्षा जास्त परंतु 5 वर्षांपेक्षा कमी – 5.20%
5 वर्षांपेक्षा जास्त आणि 10 वर्षांपर्यंत – 5.25%

ज्येष्ठ नागरिकांना अधिक व्याज मिळत राहील

ज्येष्ठ नागरिकांना सामान्य जनतेपेक्षा 50 बेसिस पॉइंट अधिक व्याज मिळत राहील. 7 दिवस ते 10 वर्षांच्या कालावधीत परिपक्व होणाऱ्या एफडीवर बँक 3 टक्के ते 5.75 टक्के व्याजदर देते.

कोटक महिंद्रा बँकेने कर्ज केले स्वस्त

बँकेने गृहकर्जाचे व्याजदर 0.15 टक्क्यांनी कमी केलेत. आता कोटक महिंद्रा बँकेतील गृहकर्जाचे व्याज दर 6.50 टक्क्यांपासून सुरू होत आहेत. जर तुम्ही गृहकर्ज घेण्याचा विचार करत असाल तर तुमच्यासाठी हा एक चांगला पर्याय असू शकतो.
कोटक महिंद्रा बँकेचे नवीन गृहकर्जाचे व्याजदर गणेश चतुर्थीपासून सुरू झालेत. यापूर्वी बँकेच्या गृहकर्जावर प्रारंभिक व्याजदर 6.65 टक्के होता. त्याच वेळी, पगारदार आणि स्वयंरोजगारांसाठी व्याजदर भिन्न आहेत.

या वैशिष्ट्याला DIY म्हणजेच Do-It-Yourself असे नाव देण्यात आले

अलीकडेच कोटक महिंद्राने एक नवीन वैशिष्ट्य सादर केले. या वैशिष्ट्याला DIY म्हणजेच Do-It-Yourself असे नाव देण्यात आले. या वैशिष्ट्याच्या मदतीने, कर्ज घेणारे ग्राहक त्यांच्या जुन्या आणि चुकलेल्या ईएमआय स्वतः भरू शकतील. हे वैशिष्ट्य कृत्रिम बुद्धिमत्ता आणि मशीन लर्निंगसह सुसज्ज आहे. हे वैशिष्ट्य अगदी वैयक्तिक ठेवले गेले, ज्यामुळे ग्राहक त्यांच्या सोयीनुसार ते वापरू शकतील. हे एक वैशिष्ट्य आहे जे ग्राहक त्यांच्या गरजेनुसार आणि सोयीनुसार वापरू शकतात.

संबंधित बातम्या

RBI ने Srei Infra चे बोर्ड केले बरखास्त, जाणून घ्या संपूर्ण प्रकरण

डिझेलच्या किमती लीटरला 100 रुपयांच्या पुढे, तुमच्या शहरात काय आहे भाव?

Kotak Mahindra Bank changes FD interest rates, check for new rates