LIC च्या ‘या’ योजनेत 1 कोटीचा लाभ, ‘या’ ढासू पॉलिसीबद्दल जाणून घ्या

बचत खात्यावर सर्वाधिक व्याज

नवी दिल्ली : तुम्ही गुंतवणूक करण्याचा विचार करत आहात का? तर आज आम्ही तुम्हाला अशा योजनेबद्दल सांगत आहोत, जिथे तुम्हाला 1 कोटीपर्यंत लाभ मिळू शकेल. एलआयसी सर्व लोकांना लक्षात ठेवून पॉलिसी तयार करते. अशी एक पॉलिसी आपल्या जीवनासाठी बहुमूल्य असून, ही पॉलिसी संरक्षणासह बचत देखील देते. एलआयसीची ही पॉलिसी नॉन-लिंक पॉलिसी आहे. यामध्ये किमान 1 कोटी रुपयांची हमी आहे. विमा कंपनीकडून ग्राहकाला मिळणारी विम्याची निश्चित रक्कम मिळते. आपले जीवन सुरक्षित करण्यासाठी एलआयसीकडे अनेक चांगल्या पॉलिसी आहेत.

संपूर्ण पॉलिसीबद्दल जाणून घ्या

एलआयसीची जीवन शिरोमणी (टेबल नंबर 847), एलआयसीद्वारे 19 डिसेंबर 2017 रोजी सुरू केलेली एक नवीन मनी बॅक योजना आहे. ही एक नॉन-लिंक, मर्यादित प्रीमियम पेमेंट मनी बॅक योजना आहे. ही बाजाराशी जोडलेल्या नफ्याची योजना आहे. ही योजना विशेषतः HNI (High Net Worth Individuals) साठी बनवली आहे. ही योजना गंभीर आजारांसाठी कव्हर देखील प्रदान करते आणि तेथे 3 पर्यायी रायडर्स देखील उपलब्ध आहेत.

आर्थिक सहाय्य मिळवा

जीवन शिरोमणी योजना पॉलिसी कालावधीदरम्यान अचानक मृत्यू झाल्यास पॉलिसीधारकाच्या कुटुंबाला आर्थिक सहाय्य प्रदान करते. या पॉलिसीमध्ये पॉलिसीधारकांचे अस्तित्व टिकून राहिल्यास निश्चित कालावधीदरम्यान पेमेंटची सुविधा देण्यात आलीय. याशिवाय मुदतपूर्तीवर एकरकमी रक्कम देखील दिली जाते.

हे आहेत पॉलिसीचे फायदे

सर्व्हायव्हल बेनिफिट अर्थात पॉलिसीधारकांच्या अस्तित्वावर निश्चित भरपाई केली जाते, जे खालीलप्रमाणे आहे.
>> 14 वर्षांच्या पॉलिसीमध्ये 10 व्या आणि 12 व्या वर्षी सम एश्योर्डच्या 30-30 टक्के.
>> 16 वर्षांच्या पॉलिसीमध्ये 12 व्या आणि 14 व्या वर्षी सम एश्योर्डच्या 35-35 टक्के.
>> 18 वर्षांच्या पॉलिसीमध्ये 14 व्या आणि 16 व्या वर्षी सम एश्योर्डच्या 40-40 टक्के.
>> 16 व्या आणि 18 व्या वर्षाच्या पॉलिसीमध्ये 20-4 वर्षांच्या पॉलिसीमध्ये 45-45 टक्के.

तुम्हाला किती कर्ज मिळेल?

पॉलिसी टर्मदरम्यान ग्राहक LIC च्या अटी आणि शर्थींच्या अधीन राहून पॉलिसीच्या समर्पण मूल्यावर आधारित कर्ज घेऊ शकतो. वेळोवेळी ठरवलेल्या व्याजदराने पॉलिसी कर्ज उपलब्ध होणार आहे.

नियम आणि अटी

> किमान विमा रक्कम – 1 कोटी रुपये
> जास्तीत जास्त विमा रक्कम: कोणतीही मर्यादा नाही (मूलभूत विमा रक्कम 5 लाखांच्या पटीत असेल.)
> पॉलिसी टर्म: 14, 16, 18 आणि 20 वर्षे
> जोपर्यंत प्रीमियम भरावा लागेल: 4 वर्षे
> प्रवेशासाठी किमान वय: 18 वर्षे
> प्रवेशासाठी जास्तीत जास्त वय: 14 वर्षांच्या पॉलिसीसाठी 55 वर्षे; 16 वर्षांच्या पॉलिसीसाठी 51 वर्षे; 18 वर्षांच्या पॉलिसीसाठी 48 वर्षे; 20 वर्षांच्या पॉलिसीसाठी 45 वर्षे.

संबंधित बातम्या

बँक FD किंवा RD मध्ये नव्हे, तर ‘या’ शेअर्समध्ये 4 महिन्यांत 1 लाखाचे झाले 12 लाख, 10 पट परतावा

Stock Market: बाजाराने रचला इतिहास, सेन्सेक्सने पहिल्यांदा 54000 केले पार, गुंतवणूकदारांना 1.24 लाख कोटींचा फायदा

lic jeevan shiromani plan you can earn 1 crore rupees check other benefits details