अवघ्या 10 मिनिटांत बनवा पॅन कार्ड, हातांनी पडताळणी होणार, अशा प्रकारे करा काम

PAN card

नवी दिल्लीः आधार कार्डप्रमाणे पॅन कार्डचा देखील आवश्यक कागदपत्रांमध्ये समावेश करण्यात आलाय. अशी अनेक सरकारी कामे आहेत, ज्यात पॅनशिवाय काम होणार नाही. बँक आणि गुंतवणूक इत्यादींशी संबंधित काम पॅनशिवाय होऊ शकत नाही. म्युच्युअल फंडांसारख्या गुंतवणुकीत पैसे गुंतवण्यासाठी किंवा फंडाच्या मॅच्युरिटीवर परतावा मिळवण्यासाठी तुमच्याकडे पॅन असणे आवश्यक आहे. आता जर तुमच्याकडे पॅन कार्ड नसेल आणि तुम्हाला ते कोणत्याही सरकारी कार्यालयातून बनवायचे असेल तर ती खूप कठीण गोष्ट आहे. विशेषतः रांगेचा विचार करताच पॅन बनवण्याची इच्छाच नाहीशी होते. त्यामुळे पॅन कार्ड बनवण्याचा सर्वोत्तम मार्ग ऑनलाईन असू शकतो, ज्यामध्ये सर्व कामे घरी बसून केली जातील.

? तर तुमच्यासाठी ही आनंदाची बातमी

जर तुम्ही सरकारी कार्यालयात जाण्याच्या भीतीपोटी पॅन बनवत नसाल, तर तुमच्यासाठी ही आनंदाची बातमी आहे. आता तुम्ही ऑनलाईन देखील पॅन बनवू शकता. अगदी पॅनची पडताळणी देखील ऑनलाईन केली जाऊ शकते. यासाठी तुम्हाला आयकर पोर्टल https://www.incometax.gov.in/iec/foportal/ ला भेट द्यावी लागेल. या पोर्टलच्या मुख्यपृष्ठावर जेथे हे काम सहज करता येईल, तेथे ‘व्हेरिफाई युवर पॅन’चा पर्याय दिसेल. त्यावर क्लिक केल्यावर तुम्हाला पॅनचा तपशील विचारला जाईल. यामध्ये तुम्हाला जन्मतारीख, मोबाईल क्रमांक आणि नाव भरावे लागेल. यासह पडताळणी प्रक्रिया सुरू होईल.

? काय आहे नवीन नियम?

नुकत्याच झालेल्या सोशल मीडिया पोस्टमध्ये आयकर विभागाने सांगितले आहे की, आता पॅनसाठी अर्ज करण्याचे काम खूप सोपे झालेय. ज्यांच्याकडे आधार कार्ड आहे आणि नोंदणीकृत मोबाईल नंबर आहे ते इन्स्टंट पॅन किंवा ई-पॅनसाठी ऑनलाईन अर्ज करू शकतात आणि आयकर विभागाच्या अधिकृत वेबसाईटवरून ते फक्त 10 मिनिटांत मिळवू शकतात. ई-पॅन हे डिजिटल स्वाक्षरी केलेले पॅन कार्ड आहे, ज्याचा ई-केवायसी डेटा आधार कार्डावर आधारित आहे. ज्यांच्याकडे वैध आधार क्रमांक आहे, तेच ई-पॅनसाठी अर्ज करू शकतात आणि मिळवू शकतात. ई-पॅन PDF स्वरूपात जारी केले जाते. पॅनची ही पद्धत वेळ वाचवणारी आहे आणि पर्यावरणास अनुकूल आहे, कारण त्यात प्लास्टिक किंवा कागद वापरला जात नाही.

? अशा पद्धतीने करा अर्ज

? ई-पॅनसाठी अर्ज करण्यासाठी खाली नमूद केलेल्या पद्धती लागू करा, पॅनचे काम सहज होईल, यासाठी कुठेही जाण्याची गरज नाही. हे काम मोबाईल किंवा तुमच्या लॅपटॉपवरून करता येते-
? तुमच्या लॅपटॉपवर कोणतेही इंटरनेट ब्राऊझर उघडा आणि https://www.incometax.gov.in/iec/foportal/ ला भेट द्या
या पोर्टलच्या मुख्यपृष्ठावर तुम्हाला ई-पॅनसाठी अर्ज करण्याचा पर्याय दिसेल, ज्यावर क्लिक करावे लागेल.
? तुम्हाला एका नवीन विंडोवर निर्देशित केले जाईल, जेथे ‘नवीन ई-पॅन मिळवा’ चा पर्याय दिसेल. तुम्हाला त्यावर क्लिक करावे लागेल
आता एक नवीन पेज उघडेल, ज्यामध्ये तुम्हाला आधार क्रमांक, मोबाईल क्रमांक आणि जन्मतारीख टाकण्यास सांगितले जाईल. या तपशिलाची पडताळणी करण्यासाठी मोबाईल क्रमांकावर ओटीपी प्राप्त होईल
? हे सर्व केल्यानंतर सबमिट टॅबवर क्लिक करा
? आपल्या ई-पॅनची स्थिती तपासण्यासाठी किंवा डाऊनलोड करण्यासाठी खाली नमूद केलेल्या टप्प्यांचे पालन करा
? वेबसाईटच्या मुख्यपृष्ठावर जा आणि ई-पॅनशी संबंधित टॅबवर क्लिक करा
? आता तुम्हाला एका नवीन विंडोवर निर्देशित केले जाईल, जेथे ‘स्टेटस तपासा/ पॅन डाऊनलोड करा’ चा पर्याय दिसेल, त्यावर क्लिक करा
? नवीन पेजवर तुम्हाला आधार क्रमांक प्रविष्ट करण्यास सांगितले जाईल. मोबाईल क्रमांकावर मिळालेल्या ओटीपीने त्याची पडताळणी केल्यानंतर तुम्ही तुमच्या पॅनची स्थिती सहज तपासू शकाल.
? जर तुमचे ई-पॅन तयार असेल तर तुम्ही हे दस्तऐवज डाऊनलोड करू शकाल

संबंधित बातम्या

50 हजारांत सुरू करा ही शेती, एकदा लागवड करा अन् 3 वर्षांसाठी वार्षिक 5 लाख कमवा, जाणून घ्या सर्वकाही

मोठी बातमी! बँकांच्या आधी मोदी सरकार ही विमा कंपनी विकणार

Make a PAN card in just 10 minutes, it will be verified by hand, so do the work