नवीन क्रेडिट कार्ड जारी करण्यात 47% घट, अहवालात माहिती समोर

नवीन क्रेडिट कार्ड जारी करण्यात 47% घट

नवी दिल्ली : आजकाल बहुतेक लोक क्रेडिट कार्डवर अवलंबून असतात. गरजेच्या वेळेस त्याची उपयुक्तता असल्याने लोक त्याचा वापर करत आहेत, परंतु फेब्रुवारी महिन्यात देशात नवीन क्रेडिट कार्डच्या संख्येत मोठी घट झाली आहे. भारतीय रिझर्व्ह बँके(RBI)च्या माहितीचा हवाला देत मोतीलाल ओसवाल फायनान्शियल सर्व्हिसेस लिमिटेडने सांगितले की, यात जवळपास 47% घट झाली आहे. फेब्रुवारीमध्ये फक्त 5.49 लाख नवीन क्रेडिट कार्ड देण्यात आले आहेत. असे मानले जाते की कोरोनाच्या पार्श्वभूमीवर घेण्यात आलेल्या लॉकडाऊनमुळे ते कमी झाले आहे. अहवालानुसार, गेल्या एक वर्षात नवीन क्रेडिट कार्ड देण्याच्या तुलनेत त्यामध्ये 47% घट झाली आहे, तर तिमाहीनुसार 22% घट झाली आहे. सध्या देशात एकूण क्रेडिट कार्ड बेस 6.16 कोटी आहे. या घटत्या काळात आयसीआयसीआय(ICICI) बँकेने सर्वाधिक क्रेडिट कार्ड जारी केले आहेत. (New credit card issuance has declined by 47%, report reveals)

कोणत्या बँकेने किती क्रेडिट कार्ड केले जारी

डिजिटल पेमेंट्स ट्रॅकर अहवालानुसार, आयसीआयसीआय(ICICI) बँकेने फेब्रुवारीमध्ये सर्वाधिक क्रेडिट कार्ड जारी केले. त्याचा बाजारातील हिस्सा 36.1% आहे. तर एसबीआय(SBI) दुसर्‍या क्रमांकावर होते. इसा बाजारातील हिस्सा 18.1% होता. त्याचबरोबर अॅक्सिस बँक तिसऱ्या स्थानावर राहिली. आयसीआयसीआय बँकेने वित्तीय वर्ष 2021 मध्ये क्रेडिट कार्ड सेगमेंटमध्ये बाजी मारली. बँक 32.4% भागीदारीसह अव्वल स्थानी आहे. तर एसबीआय कार्ड 30.6% समभागांसह दुसर्‍या स्थानावर आहे.

प्रति कार्ड खर्चात 1500 रुपयांपर्यंत घट

अ‍ॅक्सिस बँक वगळता बहुतांश बँकांमध्ये कार्ड खर्चात घट दिसून आली आहे. एचडीएफसी बँक, एसबीआय कार्ड आणि सिटीबँकच्या प्रति कार्ड किंमतीत 1200-1500 रुपयांनी घट झाली आहे. इतर बँकांकडे कार्ड खर्चात थोडीशी घट झाली आहे. ऑनलाईन बँकिंगमध्ये अडचणी आल्यामुळे आरबीआयने एचडीएफसीवर नवीन क्रेडिट कार्ड देण्यास बंदी घातली होती.

सरासरी मासिक खर्चातही घट

अहवालानुसार, सरासरी मासिक क्रेडिट कार्ड सरासरी खर्चात फेब्रुवारीमध्येही घट झाली आहे. फेब्रुवारी महिन्यात सरासरी मासिक क्रेडिट कार्डचा खर्च 9,800 रुपये होता. गेल्या चार महिन्यांत तो 10,500 ते 11,000 रुपयांपर्यंत होता. त्याचप्रमाणे, प्रत्येक कार्डावरील व्यवहाराची सरासरी संख्याही 2.6 वर आली आहे, जी गेल्या चार महिन्यांपासून 2.9 वर होती. तथापि, व्यवहाराचा आकडा 3700 रुपयांवर स्थिर आहे.

रिकव्हरी धीमी होऊ शकते

कोरोना संसर्गाच्या दुसर्‍या लाटेचा परिणाम पुन्हा भारतीय अर्थव्यवस्थेवर होत असल्याचे दिसते. याचा परिणाम क्रेडिट कार्ड मार्केटवरही होत आहे. मोतीलाल ओसवाल यांनी दिलेल्या वृत्तानुसार, कोविडच्या घटनांमध्ये वाढ आणि विविध राज्यात लॉकडाऊनमुळे क्रेडिट कार्ड मार्केटची वसूली कमी होऊ शकते. (New credit card issuance has declined by 47%, report reveals)

इतर बातम्या

कोरोना लसीवर सरकार कस्टम ड्युटी माफ करण्याची शक्यता, परदेशी औषधे स्वस्त होणार

5000mAh बॅटरी, 6GB रॅम, किंमत खूपच कमी, ओप्पो A74 5G भारतात लाँच, शाओमी, रियलमीला टक्कर