आता तुम्ही फेसबुक आणि ट्विटरवरून पैसे पाठवू शकता, कसे आणि काय करावे लागणार?

प्रातिनिधिक फोटो

नवी दिल्लीः तंत्रज्ञानाने बँकिंग क्षेत्रात मोठा बदल घडवून आणलाय. जर तुम्हाला हे समजून घ्यायचे असेल तर आधी आणि आजच्या 5-10 पद्धती पाहा. पूर्वी बँकेत पैसे पाठवण्यासाठी जाणे बंधनकारक होते. एक लांब स्लिप भरावी लागायची. कॅशियरनं पाहिल्यानंतर लाल-निळ्या पेनाने काहीतरी लिहिले जायचे. मग तुमचे पैसे जमा व्हायचे. यानंतर मोबाईल बँकिंग आणि इंटरनेट बँकिंगची सुविधा आली. यात NEFT आणि RTGS चे युगही आले. व्यवहाराचे काम घरापासून सुरू झाल्याने बँकांमधील गर्दी संपली. यामध्ये सोशल मीडियाचा एक टप्पाही आला.

तर बँकिंग क्षेत्राने त्या सर्व तंत्रज्ञानाचा अवलंब केलाय

जर आपण बदलत्या जगाकडे आणि बदलत्या ट्रेंडवर नजर टाकली, तर बँकिंग क्षेत्राने त्या सर्व तंत्रज्ञानाचा अवलंब केलाय, ज्यांच्याशी मोठ्या संख्येने लोक जोडलेले आहेत. क्वचितच कोणी असेल ज्याला फेसबुक आणि ट्विटरचे नाव माहीत नसेल. बँकांनीही या माध्यमाचा लाभ घेणे सुरू केलेय. आता ग्राहक फेसबुक आणि ट्विटरद्वारे एकमेकांना पैसे पाठवू शकतात.

हे कसं काम करते?

पैसे ट्रान्सफरबद्दल तुम्हाला माहिती मिळणार आहे. मोबाईलमध्ये सेव्ह कॉन्टॅक्ट नंबरवर पैसे ट्रान्सफर करण्याचा हा मार्ग आहे. यामध्ये पाठवणारा आणि स्वीकारणाऱ्याचा संपर्क क्रमांक नोंदणीकृत असावा. तसे असल्यास यामध्ये लाभार्थीचा खाते क्रमांक आवश्यक नाही. जर त्याचा नंबर बँकेत नोंदणीकृत असेल, तर काही सेकंदात त्याच्या खात्यात पैसे हस्तांतरित केले जातात. सोशल मीडियाच्या बाबतीतही अशीच प्रणाली आहे. ज्या व्यक्तीचे पैसे फेसबुक किंवा ट्विटरद्वारे पाठवायचे आहेत, त्याच्या खात्याचा तपशील आवश्यक नाही.

मोबाईल क्रमांक बँकेत नोंदणीकृत असावा

हे लक्षात ठेवले पाहिजे की, ज्याप्रमाणे मोबाईल क्रमांक बँकेत नोंदणीकृत आहे, त्याचप्रमाणे आपले सोशल मीडिया खाते देखील बँक खात्यात नोंदणीकृत असावे. बँका आजकाल फेसबुक आणि ट्विटर खात्यांची नोंदणी करतात. तुम्ही हे काम सहज करू शकता. पैसे पाठवताना पाठवणाऱ्याच्या मोबाईलवर एक ओटीपी येईल, जो प्रविष्ट करावा लागेल. असे केल्याने काही सेकंदात पैसे ट्रान्सफर होतील. व्हॉट्सअॅपनेही अशी सुविधा सुरू केली.

आयसीआयसीआय बँकेची नवी प्रणाली

आयसीआयसीआय बँकेने दोन सोशल मीडिया बँकिंग चॅनेल तयार केलेत. फेसबुकसाठी पॉकेट आणि ट्विटरसाठी icicibankpay पॉकेट्सवर ग्राहक बॅलन्स चेक, रक्कम, मोबाईल फोनचे प्रीपेड रिचार्ज, मूव्ही तिकिटे बुक करू शकतात आणि ग्रुप खर्च करू शकतात. आसीआयसीआय बँक फेसबुकद्वारे आपले ग्राहक बँक खाते बॅलन्स अद्ययावत करत राहते आणि त्यांना मुदत ठेवींमध्ये पैसे गुंतवण्यासाठी प्रोत्साहित करते. त्याचप्रमाणे ट्विटर वापरकर्त्यांसाठी icicibankpay तयार केले गेलेय. आपण येथे डीटीएच सेवा रिचार्ज करू शकता. तुम्ही तुमच्या ट्विटर हँडलवरून थेट मेसेज किंवा DM पाठवून प्रीपेड मोबाईल रिचार्ज करू शकता.

आपल्याला काय करायचे आहे?

यासाठी तुम्हाला 7 अंकी मोबाईल मनी आयडेंटिफायर (MMID) घ्यावे लागेल. या क्रमांकाद्वारे आयएमपीएस इत्यादी सुविधा उपलब्ध आहे. प्रत्येक बँकेची स्वतःची खास MMID असते. हा आयडी तुमच्या मोबाईल क्रमांकासह नोंदवावा लागेल. आता तुम्हाला मोबाईलमध्ये फेसबुक किंवा ट्विटरचे अॅप डाऊनलोड करावे लागेल. तुमच्या MMID नोंदणीकृत असलेल्या तुमच्या मोबाईल क्रमांकाशी ते कनेक्ट करा. यानंतर तुम्हाला तुमचे सर्व संपर्क Facebook आणि Twitter वरून सिंक करावे लागतील. एकदा प्रक्रिया पूर्ण झाल्यावर आपण फेसबुक किंवा ट्विटरद्वारे पैसे पाठवू शकाल. या सुविधेचा लाभ घेत तुम्ही 10,000 ते 50,000 रुपये पाठवू शकता.

संबंधित बातम्या

तुम्ही नोकरी करत असल्यास हा फॉर्म लवकर भरा, अन्यथा 7 लाखांना मुकणार

तुम्ही कर्जाची परतफेड केलीय, मग हा कागद बँकेतून नक्की घ्या, अन्यथा…

Now you can send money from Facebook and Twitter, how and what to do?