अनाथ मुलांना EPS अंतर्गत मिळतो लाभ, किती पेन्शन मिळेल?

पैसे कमवा

नवी दिल्लीः कोरोना महामारीने जगात एक मोठा अनिश्चिततेचा काळ आणला. यामध्ये अनेकांनी आपले प्राणदेखील गमावलेत. या साथीमुळे अनेक कुटुंबे उद्ध्वस्त झाली आणि मुले अनाथ झाली. अशा परिस्थितीत त्यांचे संपूर्ण आयुष्य त्या मुलांसमोर आहे. अनाथ मुलांसाठी मदत कर्मचारी पेन्शन योजना (EPS) अंतर्गत देखील मिळू शकते. जर आई, वडील किंवा दोन्ही मुले नोकरी करत असतील आणि या योजनेचे सदस्य असतील, तर त्यांना त्याचा लाभ मिळू शकतो. कर्मचारी भविष्य निधी संघटनेने (EPFO) आपल्या ट्विटर हँडलवर ही माहिती दिली. ईपीएस योजनेंतर्गत अनाथ मुलांना कोणते फायदे मिळतात ते जाणून घ्या.

ईपीएस योजनेअंतर्गत अनाथ मुलांना लाभ

अनाथ मुलांना पेन्शनची रक्कम मासिक विधवा पेन्शनच्या 75 टक्के आहे. ही रक्कम किमान 750 रुपये प्रति महिना असेल. एकावेळी दोन अनाथ मुलांना प्रत्येकी 750 रुपयांची ही पेन्शन रक्कम मिळेल.
ईपीएस योजनेअंतर्गत अनाथ मुलांना वयाची 25 वर्षे पूर्ण होईपर्यंत पेन्शन दिली जाईल.
या व्यतिरिक्त जर मुले कोणत्याही अपंगत्वाने ग्रस्त असतील तर त्यांना आजीवन पेन्शन देण्यात येईल.

EPS चा नियम काय?

ईपीएसमध्ये पैसे जमा करण्यासाठी, कंपनी आपल्या कर्मचाऱ्याच्या पगारातून पैसे कापत नाही, तर कंपनीच्या योगदानाचा काही भाग ईपीएसमध्ये जमा केला जातो. नवीन नियमानुसार, मूळ वेतन 15,000 रुपयांपर्यंत निश्चित करण्यात आले. या नवीन नियमानुसार, पगाराच्या 8.33% EPS मध्ये जमा होतात. याचा अर्थ असा की, मूलभूत पगार जरी 15,000 रुपयांपेक्षा जास्त असेल, परंतु कंपनीकडून फक्त 1250 रुपये EPS मध्ये जमा केले जातील. मासिक पेन्शनसाठी EPS चे पैसे जमा केले जातात.

पेन्शनधारकांनी कर्मचारी पेन्शन योजना

1995 (ईपीएस -95) अंतर्गत पेन्शन भरण्यासाठी जीवनप्रमाण (जीवन प्रमाणपत्र) किंवा डिजिटल जीवन प्रमाणपत्र सादर करणे आवश्यक आहे. दरवर्षी निवृत्तीवेतनधारकांना जीवन प्रमाणपत्र सादर करणे आवश्यक असते. यामुळे पेन्शन मिळण्यात कोणताही अडथळा निर्माण होत नाही.

संबंधित बातम्या

महागाईमुळे तुमच्या बचतीचे नुकसान, मुदत ठेवीमध्ये जमा पैसे वाढण्याऐवजी होतायत कमी

पगारदार लोकांसाठी लवकरच चांगली बातमी, दिवाळीपूर्वी पीएफ खात्यात पैसे येणार, व्याजदर काय?

Orphans get benefits under EPS, how much pension will they get?