खासगी किंवा सरकारी, आपल्या गुंतवणुकीवर कोणती बँक देते सर्वाधिक परतावा?

व्याज दर (Interest Rate): एफडी मिळवण्यापूर्वी तुम्हाला व्याज दराबद्दल माहिती असणे आणि समाधानी असणे फार महत्वाचे आहे. सध्या एफडीचे व्याज दर 6 ते 7 टक्के आहेत. ज्येष्ठ नागरिकांना 0.25% अधिक व्याज दिले जाते. कम्युलेटिव्ह मोडमध्ये गुंतवलेली रक्कम परिपक्वता पर्यंत लॉक केलेली असते आणि एकरकमी परतावा देते. दुसरीकडे, नॉन-कम्युलेटिव्ह मोडमध्ये, दर महिन्याला, दर तीन महिन्यांनी किंवा प्रत्येक अर्धवार्षिक किंवा वार्षिक दराने व्याज दिले जाते.

नवी दिल्लीः Fixed Deposits:पारंपरिक गुंतवणुकीच्या पर्यायांवर आपला अधिक विश्वास असल्यास फिक्स्ड डिपॉझिट हा गुंतवणुकीचा सर्वात उत्कृष्ट आणि सुरक्षित पर्याय मानला जातो. वेगवेगळ्या सरकारी आणि खासगी बँका निश्चित ठेवींवर वेगवेगळे व्याजदर असतात. या वेळी कोणकोणत्या सरकारी आणि खासगी बँकांमध्ये गुंतवणूक केल्यास फायदा होईल हे जाणून घ्या. (Private or government, whichever bank offers the highest return on your investment)

ज्येष्ठ नागरिकांना अतिरिक्त 50 बेसिस पॉईंटचा लाभ मिळतो

या बँकांची मुदत ठेव 7 दिवसांपासून सुरू होते आणि कमाल कालावधी 10 वर्षे असेल. कुठल्याही बँकेचा व्याजदर किती रक्कम जमा झाली यावर अवलंबून असतो, किती दिवसांसाठी रक्कम जमा झाली आणि ठेवीदार कोणत्या श्रेणीत येतो. एसबीआय निश्चित ठेवींवर 2.9 टक्क्यांपासून ते 5.4 टक्क्यांपर्यंत व्याज देते. ज्येष्ठ नागरिकांना अतिरिक्त 50 बेसिस पॉईंटचा लाभ मिळतो.

एचडीएफसी बँक निश्चित ठेवींवर 2.50 ते 5.50 टक्के व्याजदर देते

एचडीएफसी बँक निश्चित ठेवींवर 2.50 ते 5.50 टक्के व्याजदर देते. त्याचा कालावधी 7 दिवस ते 10 वर्षे असतो. ज्येष्ठ नागरिकांसाठी हा व्याज दर 3 टक्क्यांवरून 6.25 टक्क्यांच्या दरम्यान आहे. त्याचप्रमाणे आयसीआयसीआय बँक निश्चित ठेवींवर 2.5 ते 5.50 टक्के व्याज देते. ज्येष्ठ नागरिकांना 50 बेसिस पॉईंटचा अतिरिक्त लाभ मिळतो. अ‍ॅक्सिस बँक एफडीवर 2.50 ते 5.75 टक्के व्याज देते.

रिझर्व्ह बँकेने मुदत ठेवींबाबतचे नियम बदलले

अलीकडेच रिझर्व्ह बँक ऑफ इंडियाने (RBI)फिक्स्ड डिपॉझिट/टर्म डिपॉझिटसंदर्भात मोठा बदल केलाय. याअंतर्गत मॅच्युरिटीची तारीख पूर्ण झाल्यानंतरही, जर तिच्या रकमेचा दावा केला गेला नाही, तर त्यावरील व्याज कमी असेल. आरबीआयच्या म्हणण्यानुसार, जर एफडी कालावधी संपल्यानंतरही ही रक्कम दिली गेली नाही आणि ही रक्कम कोणत्याही दाव्याशिवाय बँकेकडे पडून असेल तर बचत ठेवीवर देय व्याजानुसार त्यावर व्याज दिले जाईल. आतापर्यंत मॅच्युरिटीनंतर दावा न घेतल्यास एफडी आपोआप नूतनीकरण होते.

संबंधित बातम्या

RBI कडून स्वस्त सोने खरेदीची संधी, ऑनलाईन खरेदीवर थेट 500 रुपयांची अतिरिक्त सूट

SBI ची स्पेशल ऑफर! ‘या’ खातेदारांना 2 लाखांच्या विमा संरक्षणासह मिळतील हे लाभ, पटापट जाणून घ्या

Private or government, whichever bank offers the highest return on your investment