RBI Monetary Policy: GDP 9.5% वाढीचा अंदाज; पतधोरणातील मोठ्या गोष्टी जाणून घ्या, एका क्लिकवर सर्व माहिती
केंद्रीय बँकेने रेपो दरात कोणताही बदल केला नाही. तो पूर्वीप्रमाणे 4 टक्क्यांवर ठेवला. रेपो दर हा असा दर असतो ज्यानुसार आरबीआय व्यावसायिक बँका आणि इतर बँकांना कर्ज देते.
नवी दिल्ली : RBI Monetary Policy Updates: भारतीय रिझर्व्ह बँकेचे (RBI) गव्हर्नर शक्तिकांत दास (ShaktiKant Das) यांनी शुक्रवारी आर्थिक पतधोरण (Monetary Policy) जाहीर केले. यावेळी देखील केंद्रीय बँकेने रेपो दरात कोणताही बदल केला नाही. तो पूर्वीप्रमाणे 4 टक्क्यांवर ठेवला. रेपो दर हा असा दर असतो ज्यानुसार आरबीआय व्यावसायिक बँका आणि इतर बँकांना कर्ज देते.
? रिव्हर्स रेपो दरही पूर्वीप्रमाणे 3.35 टक्के राहणार
आरबीआयने रिव्हर्स रेपो दरात कोणताही बदल केलेला नाही. रिव्हर्स रेपो दरही पूर्वीप्रमाणे 3.35 टक्के राहणार आहे. रिव्हर्स रेपो रेट म्हणजे ज्यावर बँकांना आरबीआयकडे जमा केलेल्या निधीवर व्याज मिळते. त्याच वेळी मार्जिनल स्टँडिंग फॅसिलिटी रेट अर्थात MSFR आणि बँक दर 4.25 टक्के राहणार आहे. रिझर्व्ह बँकेचे गव्हर्नर शक्तिकांत दास म्हणाले की, धोरणात्मक दृष्टीकोन अजूनही “accomodative” राहील. “accomodative” म्हणजे आरबीआयचा उद्देश दर कमी ठेवून अर्थव्यवस्था वाढवण्यावर असेल. रिझर्व्ह बँकेच्या आर्थिक धोरणाचे मुख्य मुद्दे जाणून घेऊया:
? महागाईचा अंदाज वाढवला
RBI ने आर्थिक वर्ष 2022 (FY22) साठी महागाईचा अंदाज 5.1 टक्क्यांवरून 5.7 टक्के केला. आर्थिक वर्ष 2022-2023 च्या पहिल्या तिमाहीत महागाई 5.1 टक्के राहण्याचा अंदाज आहे.
? जीडीपी वाढीचा अंदाज 9.5% वर
RBI ने आर्थिक वर्ष 2021-22 (FY22) साठी GDP वाढीचा अंदाज 9.5%वर कायम ठेवला. शक्तिकांत दास म्हणाले की, धोरण आढाव्याचं पहिलं प्राधान्य ही आर्थिक गती वाढवणे आहे आणि अर्थव्यवस्थेतील अडचणी दूर करणे. दास म्हणाले की, कोरोना संसर्गाच्या दुसऱ्या लाटेतून अर्थव्यवस्था सावरत आहे. लसीकरणाच्या वाढीसह आर्थिक हालचालींची गती देखील वाढत आहे.
? बाँड खरेदी सुरू राहणार
आरबीआय गव्हर्नर म्हणाले की, मागणी वाढवण्यासाठी VRRR (Variable Rate Reverse Repo) चा लिलाव केला जाणार आहे. VRRR द्वारे 4 लाख कोटींपेक्षा जास्त लिलाव केले जातील. G-SEC 2.0 द्वारे बॉण्ड्स खरेदी करणे सुरू ठेवेल. स्वतंत्र लिलावाद्वारे रोखे खरेदी करणे सुरू ठेवेल. G-SAP हे 12, 26 ऑगस्ट रोजी लिलाव करतील.
? TLTRO योजनेची तारीख वाढवली
Targeted Long-Term Repo Operations (TLTRO) योजनेची तारीख 31 डिसेंबरपर्यंत वाढवण्यात आली. TLTRO योजनेची तारीख आणखी 3 महिन्यांनी वाढवण्यात आली. निर्यात पत मार्गदर्शक तत्त्वांमध्ये सुधारणा केली जाईल, असंही आरबीआय गव्हर्नरांनी सांगितले. त्याच्या सात डेरिव्हेटिव्ह कॉन्ट्रॅक्ट्स गाईडलाईनमध्येही लवकरच सुधारणा केली जाणार आहे.
संबंधित बातम्या
Gold Price Today: चांगली संधी! सोने पुन्हा एकदा झाले स्वस्त, पटापट तपासा 10 ग्रॅम सोन्याचा भाव
RBI Monetary Policy Updates: RBIकडून सातव्यांदा रेपो रेट जैसे थेच, रिव्हर्स रेपो रेटमध्ये बदल नाही
RBI Monetary Policy: Learn the basics of RBI policy, all the information in one click