SBI ग्राहकांसाठी नवी सूचना! अशाप्रकारे करा मोबाईल नंबर अपडेट आणि घरबसल्या अर्ज करून मिळावा ATM कार्ड!
कोरोना कालावधीत एसबीआयने आपल्या सर्व सेवा ऑनलाईन केल्या आहेत. याचा ग्राहकांना फायदा होत आहे, तसेच बँकेवरील दबावही कमी झाला आहे. जर, आपले एटीएम कार्ड हरवले किंवा कालबाह्य झाले असेल, तर आता आपण यासाठी घरबसल्या ऑनलाईन अर्ज करू शकता.
मुंबई : SBI mobile number updation: आपण स्टेट बँक ऑफ इंडियाचे (SBI) ग्राहक असल्यास आपल्यासाठी ही एक चांगली बातमी आहे. कोरोना कालावधीत एसबीआयने आपल्या सर्व सेवा ऑनलाईन केल्या आहेत. याचा ग्राहकांना फायदा होत आहे, तसेच बँकेवरील दबावही कमी झाला आहे. जर, आपले एटीएम कार्ड हरवले किंवा कालबाह्य झाले असेल, तर आता आपण यासाठी घरबसल्या ऑनलाईन अर्ज करू शकता. याशिवाय मोबाईल क्रमांकही ऑनलाईन अपडेट करता येणार आहे (SBI online new ATM card application and Mobile number updating process).
आपणास आपला मोबाईल नंबर बदलायचा असेल किंवा अपडेट करायचा असेल, तर हे काम इंटरनेट बँकिंगच्या मदतीने सहज करता येईल. यासाठी नेट बँकिंगमध्ये लॉग इन केल्यानंतर सर्वप्रथम My Account & Profile या पर्यायावर जा. येथे ड्रॉपडाऊन बॉक्समध्ये Profile निवडा. त्यानंतर आपल्यासमोर एक नवीन पृष्ठ उघडेल. नवीन पृष्ठाच्या शीर्षस्थानी Personal Details/Mobile असलेल्या पर्यायावर क्लिक करावे लागेल. प्रोफाईल पासवर्डच्या मदतीने ही प्रक्रिया पुढे जाईल.
‘या’ तीन प्रकारे अपडेट करा मोबाईल नंबर
नवीन पेजवर आता आपले नाव, मोबाइल नंबर आणि ईमेल आयडी ही माहिती दिसेल. यात बदल करण्यासाठीचा पर्याय उजवीकडे दिलेला आहे, ज्यामध्ये दुसरा पर्याय निवडायचा आहे. ओटीपी, एटीएम कार्डच्या मदतीने ही प्रक्रिया पुढे जाईल. आता उघडले जाणार्‍या नव्या पेजवर तुम्हाला तुमचा नवीन मोबाईल नंबर टाईप करावा लागेल. त्यानंतर हा पर्याय अपडेट होईल. आता उघडलेल्या पेजवर, नंबर अपडेट करण्यासाठी तीन पर्याय येतील. यामध्ये ओटीपीसह पर्याय निवडावा लागतील आणि अवघ्या चार तासांत मोबाईल नंबर अद्ययावत केला जाईल. दुसर्‍या पर्यायासाठी तुम्हाला एसबीआयच्या एटीएमला भेट द्यावी लागेल. तिसर्‍या पर्यायासाठी तुम्हाला एसबीआय कस्टमर केअरला कॉल करावा लागेल (SBI online new ATM card application and Mobile number updating process).
567676वर मेसेज
आपण ओटीपी पर्याय निवडल्यास पुढील प्रक्रियेमध्ये आपल्याला आपले डेबिट कार्ड माहिती भरून पुढची प्रक्रिया करावी लागेल. प्रक्रिया पूर्ण झाल्यावर, आपल्या नवीन आणि जुन्या क्रमांकावर मेसेज पाठवला जाईल. दोन्ही नंबरवरून दोन्ही मेसेजेस 567676वर पाठवावेत. या पूर्ण प्रक्रियेनंतर, वैयक्तिक तपशीलांचे पेज त्याचे अपडेट पाहू शकते. जर, ते प्रोसेस्ड म्हणून लिहिले दिसेल, तर याचा अर्थ आपली विनंती स्वीकारण्यात आली आहे.
नवे एटीएम कार्ड अप्लाय करण्यासाठी…
त्याचप्रमाणे तुम्हाला एटीएम कार्डसाठी अर्ज करायचा असेल, तर इंटरनेट बँकिंगवर लॉग इन करा. आपल्याला e-Services या पर्यायाकडे जावे लागेल आणि येथे आपल्याला ATM Card Services हा पर्याय निवडावा लागेल. आता उघडल्या जाणार्‍या पेजवर तुम्हाला Request ATM/Debit Card पर्याय निवडावा लागेल. आता दोन पर्याय दिसतील. हे ओटीपी आधारित आणि प्रोफाईल पासवर्ड आधारित आहे. यात ओटीपीच्या मदतीने प्रक्रियेत पुढे जा.
7-8 दिवसांत कार्डची डिलिव्हरी
आता एक नवे पेज उघडेल, ज्यामध्ये अकाऊंट सिलेक्शननंतर कार्डचे नाव आणि कार्डचा प्रकार निवडावा लागेल. यानंतर पुढील तपशील व्हेरीफाय करा आणि सबमिट करा. सबमिट केल्यानंतर आपल्याला एक मेसेज मिळेल की, आपले डेबिट कार्ड आपल्या नोंदणीकृत पत्त्यावर 7-8 दिवसांमध्ये पाठवले जाईल. जर, तुम्हाला इतर कोणत्याही पत्त्यावर कार्ड घ्यायचे, असेल तर प्रथम तुम्हाला बँकेच्या शाखेत जावे लागेल आणि नोंदणीकृतपत्ता बदलावा लागेल.
(SBI online new ATM card application and Mobile number updating process)
हेही वाचा :
PHOTOS : दोन सरकारी बँकांमध्ये VRS योजना, लाभ घेण्यासाठी ‘या’ गोष्टी समजून घ्या