SBI मध्ये खाते असलेल्यांनी चेकबुकचे नियम अवश्य वाचा, अन्यथा अडचण होणार

रिझर्व्ह बँकेने चेक क्लीअरन्स संदर्भात एक नवा नियम केला आहे. जर तुमच्याकडे तुमच्या बचत बँक खात्यासाठी इंटरनेट बँकिंग सुविधा नसेल, तर 50,000 रुपयांपेक्षा जास्त मूल्याचे धनादेश देणे तुमच्यासाठी त्रासदायक ठरू शकते. कारण बँकांनी आता पॉझिटिव्ह पे सिस्टीम (PPS) लागू करण्यास सुरुवात केलीय. बहुतेक बँका 1 सप्टेंबरपासून पॉझिटिव्ह पे सिस्टीम लागू करतील. विशेष म्हणजे रिझर्व्ह बँक ऑफ इंडियाने (RBI) ऑगस्ट 2020 मध्ये चेक ट्रान्झॅक्शन सिस्टम (CTS) साठी पॉझिटिव्ह पे सिस्टीम जाहीर केली होती. या नियमानुसार, बँका ही सुविधा सर्व खातेधारकांना त्यांच्या इच्छेनुसार 50 हजार किंवा त्याहून अधिक रकमेच्या धनादेशासाठी लागू करू शकते.

नवी दिल्लीः जर तुमचे स्टेट बँक ऑफ इंडिया म्हणजे एसबीआयमध्ये खाते असेल तर आपण ऑनलाईन माध्यमातून चेकबुकसाठी अर्ज करू शकता. नवीन चेकबुक मागवण्यासाठी आता बँकेत जाण्याची गरज नाही आणि तुम्ही ऑनलाईन पद्धतीने किंवा एटीएमद्वारे चेकबुक मागवू शकता. यानंतर बँक आपल्या नोंदणीकृत क्रमांकावर नवीन चेकबुक पाठवते. परंतु बर्‍याच वेळा ग्राहक तक्रार करतात की चेकबुकसाठी अर्ज केल्यानंतर अनेक दिवसांनी त्यांना चेकबुक मिळालेले नाही.

चेकबुकसंदर्भात बँकेचे नियम काय?

बऱ्याचदा बँक आपल्या खात्यात नोंदणीकृत पत्त्यावर चेकबुक पाठवते, परंतु काही कारणास्तव चेकबुक आपल्या घरी पोहोचत नाही, तर आपल्याला चेकबुक इतर मार्गांनी देखील मिळू शकेल. अशा परिस्थितीत आपण चेकबुक घेऊ शकता आणि चेकबुकसंदर्भात बँकेचे काय नियम आहेत हे जाणून घ्या.

चेकबुकशी संबंधित खास गोष्टी जाणून घ्या…

अलीकडेच एका ग्राहकाने ट्विटर अकाउंटवरून तक्रार देखील केलीय की, त्याच्याकडे चेकबुक मागवण्याची वेळ आली असून, अद्याप त्याला चेकबुक मिळालेले नाही. यानंतर एसबीआयने अधिकृत ट्विटर अकाउंटद्वारे उत्तर दिले. चेकबुकच्या संदर्भात बँकेचे काय नियम आहेत आणि बँकेचे नवीन चेकबुक कसे मिळू शकते हे सांगितले.

चेकबुक कसे मिळवायचे?

एसबीआय बँक म्हणाली, ‘हे लक्षात ठेवा की स्लिपवर नमूद केलेल्या पत्त्यानुसार चेकबुक इंडिया पोस्टद्वारे वितरित केले गेलेय आणि पाठविण्याच्या वेळी ग्राहकाला कंसेन्मेंट नंबरसह मेसेज मिळेल. डिलिव्हरी भौगोलिक स्थितीवर अवलंबून असते आणि सामान्यत: चेकबुक वितरीत करण्यास 7 दिवस लागतात. अशा परिस्थितीत आपल्या एरिया पोस्ट ऑफिसशी संपर्क साधा आणि तुमचे चेकबुक परत आल्यास ते तुमच्या होम शाखेत पोहोचेल, जिथे तुम्ही केवायसीची कागदपत्रे आणि पासबुक सबमिट करून ती जमा करू शकता.

मर्यादित चेकबुक मिळवा

एसबीआय आपल्या ग्राहकांना एक वर्षाचे मर्यादित चेकबुक देते. जर आपण यापेक्षा अधिक चेकबुक वापरत असाल तर आपल्याला नवीन चेकबुकसाठी शुल्क भरावे लागेल. सध्या एसबीआय ग्राहकांना कमीत कमी धनादेश देत आहे, त्यामुळे एसबीआय ग्राहकांनी अधिक लक्ष देणे आवश्यक आहे. एसबीआयने बँकेला दिलेल्या चेक बुकच्या संख्येच्या आधारे, बँक ग्राहकांना दरमहा 0.83 चेकबुक देते, अर्थात संपूर्ण धनादेशदेखील देत नाही. वास्तविक, बँक ग्राहकांना एका वर्षात फक्त 10 धनादेश देते आणि त्यानुसार ग्राहकांनी धनादेश द्यावेत. आपल्याला अधिक धनादेशांची आवश्यकता असल्यास फी जमा करून नवीन चेकबुक घ्यावे लागेल.

नवीन चेकबुकसाठी किती शुल्क?

जर तुम्हाला बँकेकडून नवीन चेकबुक घ्यायचे असेल तर तुम्हाला 10 चेकबुकसाठी 40 रुपये आणि जीएसटी भरावा लागेल. 40 धनादेशाचे चेकबुक मिळविण्यासाठी 75 रुपये अधिक जीएसटी फी भरावी लागेल. अशा परिस्थितीत धनादेशाची अधिक आवश्यकता असतानाच वापरा, अन्यथा आपल्याला प्रत्येक धनादेशासाठी अतिरिक्त पैसे द्यावे लागतील.

संबंधित बातम्या

Gold Silver Price Today: सोने-चांदीत आज मोठी उसळी, सुमारे 1000 रुपयांपर्यंत किंमत वाढली, पटापट तपासा

TDS दाव्याबाबत महत्त्वाची बातमी; बँकेकडे आपले हे कागदपत्र नसल्यास परतावा मिळण्यात अडचण

Those who have an account with SBI must read the rules of the checkbook, otherwise there will be a problem