तुम्हाला मोबाईलवर LIC पॉलिसीशी संबंधित माहिती हवीय, अशा प्रकारे करा मोबाईल अपडेट
Life Insurance Corporation of India : एलआयसीकडून ही माहिती प्राप्त करण्यासाठी ग्राहकाचे संपर्क तपशील एलआयसीमध्ये नोंदणीकृत असणे आवश्यक आहे. ग्राहक काही सोप्या टप्प्यांचे पालन करून त्यांचे संपर्क तपशील ऑनलाइन नोंदणी करू शकतात आणि त्यांच्या मोबाईलवर सूचना मिळवू शकतात. त्याची प्रक्रिया काय आहे ते जाणून घेऊया.
नवी दिल्ली : तुम्ही भारतीय आयुर्विमा निगम (LIC) ची पॉलिसी खरेदी केली असेल आणि तुम्हाला मोबाईलवर पॉलिसी प्रीमियमची माहिती हवी असेल, तर तुमचे संपर्क तपशील त्वरित अपडेट करा. एलआयसी आपल्या ग्राहकांना प्रीमियम आणि संबंधित माहिती मोबाईलवर सूचनांच्या स्वरूपात पाठवते.
संपर्क तपशील एलआयसीमध्ये नोंदणीकृत असणे आवश्यक
एलआयसीकडून ही माहिती प्राप्त करण्यासाठी ग्राहकाचे संपर्क तपशील एलआयसीमध्ये नोंदणीकृत असणे आवश्यक आहे. ग्राहक काही सोप्या टप्प्यांचे पालन करून त्यांचे संपर्क तपशील ऑनलाइन नोंदणी करू शकतात आणि त्यांच्या मोबाईलवर सूचना मिळवू शकतात. त्याची प्रक्रिया काय आहे ते जाणून घेऊया.
याप्रमाणे संपर्क क्रमांक अपडेट करा
>> सर्वप्रथम तुम्हाला LIC च्या www.licindia.in या वेबसाईटवर जावे लागेल.
>> आता होम पेजच्या सर्वात वर ‘Customer Services’ नावाचे बटण दिसेल, त्यावर जाऊन खाली स्क्रोल करा.
>> त्यानंतर यादीतून ‘अपडेट युवर कॉन्टॅक्ट डिटेल्स ऑनलाईन’वर क्लिक करा.
>> आता तुम्ही एका नवीन पेजवर पोहोचाल. येथे ‘तुमचे संपर्क तपशील अपडेट करा’ या लिंकवर क्लिक करा.
>> स्क्रीनवर उघडणाऱ्या नवीन पेजमध्ये तुम्हाला तुमची माहिती टाकावी लागेल.
>> आता तुमचा संपर्क तपशील आणि घोषणा बॉक्स तपासा आणि सबमिट वर क्लिक करा.
>> पॉलिसी नंबर/नंबर्स टाका.
>> आता ‘व्हॅलिडेट पॉलिसी डिटेल्स’ वर क्लिक करा आणि पॉलिसी क्रमांक/से प्रमाणित करा. अशा प्रकारे तुमचे संपर्क तपशील यशस्वीरित्या अपडेट केले जातील. आता तुम्ही तुमच्या पॉलिसीचे प्रीमियम काही क्लिक्सने ऑनलाईन भरू शकता.
याप्रमाणे ऑनलाईन स्थिती तपासा
>> एलआयसी पॉलिसीची ऑनलाईन स्थिती जाणून घेण्यासाठी तुम्हाला प्रथम अधिकृत वेबसाईट https://www.licindia.in/ वर जावे लागेल. येथील स्थिती जाणून घेण्यासाठी तुम्हाला नोंदणी करावी लागेल.
>> नोंदणीसाठी तुम्हाला कोणत्याही प्रकारचे शुल्क भरावे लागणार नाही. यासाठी तुम्हाला तुमची जन्मतारीख, नाव, पॉलिसी क्रमांक टाकावा लागेल. एकदा नोंदणी केल्यानंतर, तुम्ही तुमची स्थिती कधीही तपासू शकता.
>> तुम्हाला काही माहिती हवी असेल तर तुम्ही 022 6827 6827 वर कॉल करू शकता. तसेच तुम्ही 9222492224 या क्रमांकावर LICHELP <पॉलिसी नंबर> लिहून मेसेज पाठवू शकता. यामध्ये मेसेज पाठवल्यास तुमचे पैसे कापले जाणार नाहीत.
संबंधित बातम्या
‘या’ फंडाने गुंतवणूकदारांना दिला जबरदस्त परतावा, 1 लाखाचे झाले 41.46 लाख, पण कसे?
SBI क्रेडिट कार्ड वापरकर्त्यांना झटका, 1 डिसेंबरपासून EMI व्यवहार महागणार