AIIMS Recruitment 2021: सीनियर रेजिडेंटच्या 106 पदांसाठी भरती, अर्ज करण्यासाठी मोजकेच दिवस, असा करा अर्ज…

AIIMS Jodhpur Recruitment

AIIMS Jodhpur Recruitment 2021 : भारतीय वैद्यकीय विज्ञान संस्था जोधपूर (AIIMS Jodhpur) यांनी भारत सरकारच्या योजनेंतर्गत सिनीयर रेजिडेंट पदाच्या भरतीसाठी अधिसूचना जारी केली आहे. जाहीर केलेल्या अधिसूचनेनुसार एम्स जोधपूरमध्ये एकूण 106 पदे भरती केली जातील. या पदांसाठी अर्ज करण्यासाठी अजून काही दिवस शिल्लक आहेत, अशा परिस्थितीत ज्या उमेदवारांना आत्तापर्यंत अर्ज करता आले नाही त्यांनी शक्य तितक्या लवकर अधिकृत संकेतस्थळ iiimsjodhpur.edu.in वर भेट देऊन ऑनलाईन अर्ज करावा. (AIIMS Jodhpur Recruitment 2021 Senior Resident Vacancy)

21 जून शेवटची तारीख

एम्स जोधपूरने जाहीर केलेल्या अधिसूचनेनुसार सिनीयर रेजिडेंट पदासाठी अर्ज करण्याची प्रक्रिया 22 मे 2021 पासून सुरु आहे. या पदासाठी अर्ज करण्याची शेवटची तारीख 21 जून 2021 निश्चित करण्यात आली आहे. अशा परिस्थितीत ज्या उमेदवारांना या रिक्त जागेवरील अर्ज करायचा आहे त्यांनी एम्स जोधपूरच्या अधिकृत संकेतस्थळावर जाऊन 21 जूनपूर्वी सायंकाळी 5: 00 वाजण्याच्या आत ऑनलाईन अर्ज भरावा.

कोण करु शकतं अर्ज

विविध पदांनुसार या भरतीसाठी वेगवेगळ्या शैक्षणिक पात्रता निश्चित केल्या आहेत. यामध्ये एमडी किंवा एमएस किंवा डीएनव्ही किंवा एमसीएच पदवी प्राप्त केलेले उमेदवारच अर्ज करण्यास पात्र आहेत. या रिक्त स्थानाच्या शैक्षणिक पात्रतेची संपूर्ण माहिती जाणून घेण्यासाठी आपण अधिकृत वेबसाइटवर अधिसूचना पाहू शकता.

वय मर्यादा किती…?

या पदांसाठी अर्ज करणारे उमेदवार 21 वर्षांपेक्षा जास्त आणि 45 वर्षांपेक्षा कमी असणं आवश्यक आहे. परंतु, या रिक्त जागेत आरक्षणाच्या कक्षेत येणा उमेदवारांना आरक्षणाच्या नियमांनुसार उच्च वयोमर्यादेत सवलत देण्यात येईल.

असा करा अर्ज

-या पदांसाठी अर्ज करण्यासाठी सर्वप्रथम एम्स जोधपूरच्या अधिकृत वेबसाइटवर जा iiimsjodhpur.edu.in.
-वेबसाइटच्या मुख्य पेजवर भरती विभागात जा.
-येथे सीनियर रेजिमेंट रिक्त स्थानाच्या लिंकवर क्लिक करा.
-आता अप्लाय नाऊ वर क्लिक करा.
-या विंडो विचारले जाणारे तपशील भरुन एक नवीन विंडो उघडेल.
-नोंदणीनंतर आपण अर्ज भरू शकता.
-अर्ज भरल्यानंतर फॉर्मची प्रिंट आउट घ्या.

सिलेक्शन प्रोसेस

लेखी परीक्षा आणि मुलाखतीच्या आधारे या पदांसाठी उमेदवारांची निवड केली जाईल. यामध्ये लेखी परीक्षेत मल्टिपल चॉईस प्रश्न विचारले जातील. आपण निवड प्रक्रिया आणि परीक्षेच्या पॅटर्नची तपशीलवार माहिती तपासू शकता.

(AIIMS Jodhpur Recruitment 2021 Senior Resident Vacancy)

हे ही वाचा :

JEE Main आणि NEET परीक्षेविषयी लवकरच मोठा निर्णय, शिक्षण मंत्रालयातल्या अधिकाऱ्यांनी म्हटलं….

इंजिनिअरिंग डिप्लोमाच्या थेट दुसऱ्या वर्षाच्या प्रवेशाचे नियम बदलले, उदय सामंत यांची माहिती