UPSC CDS 2 : उमेदवार अविवाहित असेल तरच अर्ज भरू शकतो ! अनेक पदांवर भरती, भारताचा नागरिक असणं आवश्यक…

अनेक पदांवर भरती, भारताचा नागरिक असणं आवश्यक...

Image Credit source: TV9 marathi

केंद्रीय लोकसेवा आयोगाने (UPSC) बुधवारी आपल्या अधिकृत वेबसाईट (Official Website) वर संयुक्त संरक्षण सेवा परीक्षा 2ची अधिसूचना जारी केली आहे. या भरती परीक्षेअंतर्गत अनेक पदांवर भरती करण्यात येणार आहे. इच्छुक आणि पात्र उमेदवार upsconline.nic.in अधिकृत वेबसाईटवर जाऊन ऑनलाइन (UPSC CDS 2 Application) अर्ज करू शकतात. ज्या उमेदवारांना परीक्षेला बसायचे नाही, त्यांच्यासाठी अर्ज मागे घेण्याची सुविधा यूपीएससीने दिली आहे, हे महत्त्वाचं आहे. अर्ज करण्यासाठी अर्ज शुल्क भरणे आवश्यक आहे. ऑनलाइन (यूपीएससी सीडीएस 2) अर्ज करण्यासाठी उमेदवार अविवाहित असणं आणि तो भारताचा नागरिक असणं आवश्यक आहे. शैक्षणिक पात्रता, वयाची अट, इतर नियम आणि अटी यासंदर्भातल्या अधिक माहितीसाठी अधिकृत संकेतस्थळाला भेट द्यावी. इच्छुक उमेदवारांनी जराही वेळ न घालवता लवकरात लवकर अर्ज करावा.

यूपीएससी सीडीएस 2 2022 साठी अर्ज कसा करावा

• यूपीएससी upsc.gov.in अधिकृत वेबसाईटला भेट द्या
• होमपेजवर Whats New वर क्लिक करा
हे सुद्धा वाचा

Pune NCP agitation : वाढत्या महागाईमुळे श्रीलंका, पाकिस्तानसारखी आपली वाटचाल, राष्ट्रवादीचा आरोप; पुण्यातल्या स्वारगेटमध्ये आंदोलन

Nawab Malik: कोर्टाच्या टिप्पणीनंतर तरी नवाब मलिक राजीनामा देणार का? प्रश्न आघाडीचा नाही, आता कसोटी मुख्यमंत्र्यांची?

ATM : केवळ युपीआय कोड स्कॅन करा एटीएमवर विना कार्ड रक्कम काढा

Raj Thackeray : राज ठाकरेंच्या उद्याच्या सभेचे टिझर पे टिझर, पिक्चर अभी बाकी है, सभेला पोलिसांची परवानगी

• त्यानंतर कम्बाइन्ड डिफेन्स सर्व्हिसेस 2 एक्झामिनेशन- 2022 या लिंकवर क्लिक करा
• नोंदणी अर्ज पूर्ण भरून कागदपत्रं अपलोड करा
• ऑनलाइन अर्ज शुल्क भरा
• फी भरल्यानंतर सबमिट बटणावर क्लिक करा

महत्त्वाच्या तारखा

ऑनलाइन अर्ज 18 मे 2022 पासून सुरु झालाय. अर्ज करण्याची शेवटची तारीख 14 जून 2022 रोजी सायंकाळी 6 वाजेपर्यंत आहे. 14 जून 2022 ते 20 जून 2022 या कालावधीत तुम्ही संध्याकाळी वाजल्यापासून ऑनलाइन अर्ज मागे घेऊ शकता. प्रवेशपत्र जारी करण्याची तारीख (संभाव्य) 1 ऑगस्ट 2022 आहे. यूपीएससी सीडीएस 2 2022 परीक्षेची तारीख – 4 सप्टेंबर 2022

अर्ज शुल्क

1. सर्वसाधारण (Open) प्रवर्गातील उमेदवार – 200 रुपये
2. ओबीसी (OBC) प्रवर्ग उमेदवार – 200 रुपये
3. एससी-एसटी (SC/ST) आणि महिला (Women) उमेदवारांना –  शुल्क नाही.

यूपीएससी सीडीएस 2022 : किती पदं रिक्त

• इंडियन मिलिटरी अकादमी (IMA) – 100
• भारतीय नौदल अकादमी (INA) – 22
• वायुसेना – 32
• अधिकारी प्रशिक्षण अकादमी (OTA ) – 169
• कार्यालयीन प्रशिक्षण अकादमी (OTA) महिला – 169

अधिकृत वेबसाईट – upsconline.nic.in

टीप : अधिक आणि अधिकृत माहितीसाठी कृपया यूपीएससीच्या अधिकृत वेबसाईटला भेट द्यावी.