Gujarat High Court: अय केम छो पब्लिक? गुजरातमध्ये डायरेक्ट हाय कोर्टात नोकरीची संधी, जायचं मजामा राहायचं !

गुजरात उच्च न्यायालय

Image Credit source: Twitter

नवी दिल्ली : गुजरात उच्च न्यायालयाने (Gujarat High Court) खासगी सचिव (Private Secretaries) पदासाठी पात्र उमेदवारांकडून ऑनलाईन अर्ज मागवले आहेत. या पदासाठी १५ जागा रिक्त आहेत. नियमानुसार अधिक भत्त्यासह 44,900-1,42,400 रुपये वेतन असणार आहे. ऑनलाईन अर्ज सादर करण्याची शेवटची तारीख 31 मे 2022 आहे, असे गुजरात उच्च न्यायालयाच्या अधिकृत पोर्टलने म्हटले आहे. जुलै/ऑगस्ट 2022 मध्ये होणाऱ्या प्राथमिक चाचणी (Objective Type MCQ) वर आधारित ही भरती असेल आणि त्यानंतर सप्टेंबर/ऑक्टोबरमध्ये स्टेनोग्राफी चाचणी/कौशल्य चाचणी घेण्यात येईल आणि नोव्हेंबर /डिसेंबर, 2022 रोजी तोंडी मुलाखत घेण्यात येईल. उमेदवारांकडे मान्यताप्राप्त विद्यापीठातून पदवीधर पदवी असणे आवश्यक आहे, इंग्रजी शॉर्टहँडमध्ये प्रति मिनिट 120 शब्द प्रति मिनिट वेगाने टायपिंग कौशल्य आणि संगणक परिचालनाचे ज्ञान असणे आवश्यक आहे. संगणकाच्या मूलभूत ज्ञानाबाबत उमेदवाराकडे राज्य सरकारचं प्रमाणपत्र असणे आवश्यक आहे. या पदासाठी अर्ज करणाऱ्या अर्जदारांचे वय 31 मे 2022 पर्यंत 18 वर्षांपेक्षा कमी आणि 35 वर्षांपेक्षा जास्त नसावे. एससी, एसटी, एसईबीसी, ईडब्ल्यूएस, पीएच, महिला आणि माजी सैनिक उमेदवारांसाठी उच्च वयोमर्यादेत सूट देण्यात आली आहे. इच्छुक उमेदवारांनी लवकरात लवकर अर्ज करावा. अधिक माहितीसाठी गुजरात उच्च न्यायालयाच्या अधिकृत वेबसाईटला भेट द्यावी.

1. पदाचे नाव – खासगी सचिव (Private Secretary)
2. अर्ज – ऑनलाईन
3. वेतन – 44,900-1,42,400 रुपये
4. रिक्त जागा – 15
हे सुद्धा वाचा

Kitchen Kallakar: टेलिव्हिजनच्या लोकप्रिय सासूबाईंचा किचनमध्ये कल्ला; ‘किचन कल्लाकार’चा धमाल एपिसोड

Chandrapur Murder | चंद्रपुरात पहाटे युवकाचा खून, धारधार शस्त्राने उडविले; एक संशयित ताब्यात

Texas School shooting: गोळीबाराच्या घटनेने अमेरिका हादरली: 18 वर्षीय माथेफिरूचा शाळेत अंधाधूंद गोळीबार ; 18 विद्यार्थ्यांसह 3 शिक्षकांचा मृत्यू

Tarkarli boat accident : तारकर्ली बोट दुर्घटनेत पुण्यातल्या अस्थिरोगतज्ज्ञाचा दुर्दैवी मृत्यू, आमदाराचा भाचाही गेला

5. अधिकृत वेबसाईट – Click Here
6. शेवटची तारीख- 31 मे 2022

शैक्षणिक पात्रता

• मान्यताप्राप्त विद्यापीठातून पदवीधर पदवी
• इंग्रजी शॉर्टहँडमध्ये प्रति मिनिट 120 शब्द प्रति मिनिट वेगाने टायपिंग येणं आवश्यक
• संगणकाच्या मूलभूत ज्ञानाबाबत उमेदवाराकडे प्रमाणपत्र असणे आवश्यक आहे

अर्जदारांचे वय

• 18- 35 वर्षे
• एससी (SC), एसटी (ST), एसईबीसी (SEBC), ईडब्ल्यूएस (EWS), पीएच, महिला आणि माजी सैनिक उमेदवारांसाठी उच्च वयोमर्यादेत सूट

निवड प्रक्रिया

• जुलै/ऑगस्ट 2022 – प्राथमिक चाचणी (ऑब्जेक्टिव्ह टाइप एमसीक्यूज)
• सप्टेंबर/ऑक्टोबर 2022 – स्टेनोग्राफी चाचणी / कौशल्य चाचणी होईल
• नोव्हेंबर/डिसेंबर 2022 – तोंडी मुलाखत

टीप : अधिक आणि अधिकृत माहितीसाठी गुजरात उच्च न्यायालयाच्या अधिकृत वेबसाईटला Click Here भेट द्यावी.