“आईला सांगितलं तर फिनाईल पाजतो,” अश्लिल चित्रफित दाखवत पित्याचा अल्पवयीन मुलीवर अत्याचार, परभणीत खळबळ

सांकेतिक फोटो

परभणी : पाथरी शहरात माणुसकीला काळिमा फासणारी एक धक्कादायक घटना घडली आहे. येथे एका जन्मदात्या पित्यानेच आपल्या 14 वर्षीय अल्पवीयन मुलीवर अत्याचार केला आहे. आरोपी पित्याविरोधात पाथरी पोलीस स्थानकात गुन्हा दाखल करण्यात आला असून पोलिसांनी आरोपीला ताब्यात घेतलंय. या घटनेमुळे परभणी जिल्ह्यात एकच खळबळ उडाली आहे. (father arrested by Pathri parbhani police who raped his 14 year old mionr doughter)

अश्लिल चित्रफित दाखवत मुलीवर अत्याचार

मिळालेल्या माहितीनुसार पाथरी शहरात एका पित्याने आपल्याच 14 वर्षीय मुलीवर अश्लिल चित्रफित दाखवत अत्याचार केला. तसेच अत्याचार केल्यानंतर हा प्रकार आईला सांगितला तर फिनाईल पाजून जीवे मारेन अशी धमकीसुद्धा दिली. आपल्या जन्मदात्या पित्यानेच असे किळसवाणे कृत्य केल्यानंतर ही अल्पवयीन मुलगी सध्या तणावात आहे.

आरोपी वडिलावर गुन्हा दाखल

हा प्रकार समोर आल्यानंतर पोलिसांनी कडक पवित्रा धारण केला आहे. पोलिसांनी या आरोपी पित्याविरोधात गुन्हा दाखल केलाय. पोलिसांनी अरोपी पित्याला अटक केली असून त्याची चौकशी केली जात आहे.

परभणी जिल्ह्यात खळबळ

दरम्यान, जन्मदात्या पित्यानेच आपल्या पोटच्या मुलीवर अत्याचार  केल्याने परभणी जिल्ह्यात खळबळ उडाली आहे. सध्या येथे तणावाचे वातावरण असून पोलीस या घटनेचा सखोल तपास करत आहेत.

इतर बातम्या :

VIDEO : माझ्या बॉयफ्रेंडसोबत का फिरतेस? विक्रोळीच्या सर्व्हिस रोडवर तरुणींची फ्री-स्टाईल हाणामारी, व्हिडीओ व्हायरल

प्रियकरासोबत अश्लील कृत्य सुरु असताना बघितलं, दोघांनी लेकाला ठेचलं, एका आईचं विकृत कृत्य

आधी मारहाणीमुळं एकाचा मृत्यू, दुसऱ्याची आत्महत्या, आता पुन्हा नागपूर पोलिसांवर गंभीर आरोप

(father arrested by Pathri parbhani police who raped his 14 year old mionr doughter)