मायलेकीचे एकाच प्रियकराशी प्रेमसंबंध, पाळत ठेवणाऱ्या तरुणाची हत्या

हेरगिरी करणाऱ्या तरुणाची हत्या

लखनौ : हेरगिरी हा संपूर्ण जगासाठीच सध्या चर्चेचा विषय ठरला आहे. उत्तर प्रदेशातील कानपूरमध्ये हेरगिरीच्या नादात तरुणाला जीव गमवावा लागला. आरोपी मायलेकीचे एकाच व्यक्तीसोबत प्रेमसंबंध होते. याविषयी त्यांच्या कुटुंबीयांना माहिती दिल्यामुळे तिघांनी संगनमताने प्लॅन आखला आणि प्रियकराने पाळत ठेवणाऱ्या तरुणाची हत्या केली. आरोपी प्रियकर आणि मायलेकींना पोलिसांनी बेड्या ठोकल्या आहेत.

नेमकं काय घडलं?

कानपूरमधील कोहना पोलीस ठाण्याअंतर्गत रविवारी ही घटना घडली. नवीनचे अपहरण करुन त्याची हत्या केल्याच्या प्रकरणाचा पोलिसांनी 24 तासांच्या आत उलगडा केला. मुख्य आरोपी रणजीत पाले आणि मायलेकीला अटक झाली आहे. आरोपी रणजीत पाले याचे भरत नावाच्या तरुणाची आई आणि बहीण अशा दोघींशीही अनैतिक संबंध होते. भरतने नवीनला याविषयी माहिती काढण्यास सांगितलं. त्यानुसार दोघींवर पाळत ठेवून नवीन त्याची माहिती भरतला देत होता. त्यानंतर भरत आपल्या बहीण आणि आईला मारहाण करत असे.

विजेच्या तारेने गळा दाबून हत्या

आपल्यावर पाळत ठेवणाऱ्या नवीनचा काटा काढण्याची योजना तिघांनी आखली. रणजीतने आधी नवीनशी ओळख वाढवली. त्यानंतर टेस्कोमधील निर्जन भागात त्याला नेलं. तिथे विजेच्या तारेने गळा दाबून त्याची हत्या केली. पोलिसांना हत्येची माहिती मिळाल्यावर त्यांनी घटनास्थळी धाव घेतली. तपासादरम्यान संशयाची सुई रणजीतकडे वळली. कसून चौकशी केली असता त्याने पोलिसांकडे हत्येची कबुली दिली. आपल्या प्रेमसंबंधांची माहिती दिल्यामुळेच त्याचा जीव घेतल्याचं रणजीतने सांगितलं. या प्रकरणात पोलिसांनी आरोपी प्रियकर आणि मायलेकींना पोलिसांनी बेड्या ठोकल्या आहेत.

बीडमध्ये विवाहित नर्सची आत्महत्या 

दुसरीकडे, बीडमध्ये सोनाली जाधव या विवाहित नर्सचा मृतदेह गळफास घेतलेल्या अवस्थेत आढळला. बीड तालुक्यातील मांजरसुंबा घाटात पालीजवळ सोमवारी दुपारी चार वाजताच्या सुमारास ही घटना घडली. मांजरसुंबा घाटातील एका झाडाला ओढणीच्या सहाय्याने गळफास लावलेल्या अवस्थेत हा मृतदेह होता. या घटनेने परिसरात एकच खळबळ उडाली आहे.

प्रेम संबंधातून आत्महत्या केल्याचा दावा

सोनाली बीडमधील एका खासगी रुग्णालयात नर्स म्हणून नोकरी करत असल्याची माहिती आहे. प्रेम संबंधातून तिने आत्महत्या केल्याचा दावा केला जात आहे. सोनालीचा प्रियकर अक्षय आव्हाड हा देखील विवाहित होता. त्याने लग्नास नकार दिल्याने सोनाली जाधवने गळफास घेऊन आत्महत्या केल्याचा आरोप नातेवाईकांनी केला आहे. या प्रकरणी नेकनूर पोलिसांत गुन्हा दाखल करण्यात आला असून पुढील तपास पोलीस करत आहेत.

संबंधित बातम्या :

विवाहित प्रियकराचा लग्नास नकार, विवाहित नर्सचा ओढणीने गळफास

वयाच्या 20 व्या वर्षी बॉयफ्रेण्डसोबत विषप्राशन, अशी झाली होती अभिनेत्री प्रत्युषाच्या आयुष्याची अखेर

(Man killed for spying on mother daughter duo affair with same boyfriend)