Rajat Bedi | ‘जानी दुश्मन’ फेम अभिनेता रजत बेदीच्या कारची पादचाऱ्याला धडक, प्रकृती गंभीर
जखमी राजेश रामसिंग दूत यांच्यावर उपचार करणाऱ्या एका डॉक्टरने सांगितले, “त्यांची प्रकृती अत्यंत गंभीर आहे, कारण त्यांच्या डोक्याला दुखापत झाली आहे. ते आयसीयूमध्ये असून ऑक्सिजन सपोर्टवर आहेत. त्यांना तातडीने रक्ताची गरज आहे. ”
मुंबई : अभिनेता रजत बेदीच्या (Rajat Bedi) कारने धडक दिल्यामुळे मुंबईच्या डी एन नगर परिसरात राहणारी 39 वर्षीय व्यक्ती जखमी झाली आहे. सोमवारी कामावरुन परत येत असताना रजतच्या गाडीने रस्ता ओलांडणाऱ्या पादचाऱ्याला धडक दिली होती. रजत बेदीनेच त्याला कूपर रुग्णालयात दाखल केलं आणि मदत करण्याचं आश्वासनही दिलं, अशी माहिती जखमी व्यक्तीच्या कुटुंबाने दिली आहे. जखमी राजेश रामसिंग दूत यांची प्रकृती गंभीर आहे.
डी एन नगर पोलीस स्टेशनचे वरिष्ठ निरीक्षक मिलिंद कुर्डे यांनी सांगितले, की अभिनेता रजत बेदीविरोधात आयपीसी कलम 279 आणि 338, तसंच मोटार वाहन कायद्याच्या संबंधित कलमांखाली एफआयआर नोंदवण्यात आला आहे. कुर्डे म्हणाले की, कार स्वतः रजत बेदी चालवत होता. रस्ता क्रॉस करणाऱ्या व्यक्तीला रजतच्या गाडीने उडवलं. अद्याप कोणालाही अटक करण्यात आलेली नाही.
Mumbai: Case registered against actor Rajat Bedi in DN Nagar PS for allegedly hitting a person with his car in Andheri area
The actor brought the injured to Cooper hospital, where he (actor) told he had hit the victim with his car. Victim admitted to hospital: DN Nagar police
— ANI (@ANI) September 7, 2021
पादचाऱ्याच्या डोक्याला दुखापत
जखमी राजेश रामसिंग दूत यांच्यावर उपचार करणाऱ्या एका डॉक्टरने सांगितले, “त्यांची प्रकृती अत्यंत गंभीर आहे, कारण त्यांच्या डोक्याला दुखापत झाली आहे. ते आयसीयूमध्ये असून ऑक्सिजन सपोर्टवर आहेत. त्यांना तातडीने रक्ताची गरज आहे. ”
राजेशची पत्नी बबिता दुत म्हणाली, “माझे पती कामावरून परतत असताना संध्याकाळी 6.30 वाजता अंधेरी वेस्ट लिंक रोडवर शीतला देवी मंदिराजवळ ही घटना घडली. अभिनेता रजत बेदी एमएच 02 सीडी 4809 ही आपली कार चालवत होता, त्याने माझ्या पतीला रस्ता ओलांडत असताना धडक दिली. तो खाली पडला, त्याच्या डोक्याच्या मागच्या बाजूला दुखापत झाली आहे. माझ्या पतीला काही झाल्यास रजत बेदी जबाबदार असेल, त्याला अटक करा” अशी मागणी बबिता यांनी केली आहे.
पोलीस हॉस्पिटलला पोहोचेपर्यंत रजत बेदी निघून गेला होता, त्यानंतर तो परतला नाही. डीएन नगर पोलिसांनी त्याला चौकशीसाठी बोलावलं आहे.
कोण आहे रजत बेदी?
अभिनेता रजत बेदीने अनेक बॉलिवूड चित्रपटांमध्ये नकारात्मक भूमिका साकारल्या आहेत. इंटरनॅशनल खिलाडी, जोडी नंबर वन, जानी दुश्मन, कोई मिल गया, अक्सर, पार्टनर यासारख्या सिनेमांमध्ये तो झळकला आहे.
मॉर्निंग वॉकला गेलेल्या महिला पोलिसाचा अपघात
दुसरीकडे, मॉर्निंग वॉकसाठी गेलेल्या महिला पोलीस कर्मचाऱ्याचा ट्रकखाली चिरडून मृत्यू झाल्याची दुर्दैवी घटना बुलडाण्यातून समोर आली आहे. 45 वर्षीय महिला पोलीस कर्मचारी गीता सुभाष बामंदे सोमवारी पहाटेच्या सुमारास फेरी मारायला गेल्या होत्या. चिखली रोडवर जात असतान विद्युत वितरण कार्यालयासमोर ट्रकने त्यांना जोरदार धडक दिली. यामध्ये गीता बामंदे यांचा जागीच मृत्यू झाल्याचं समोर आलं आहे.
संबंधित बातम्या :
मॉर्निंग वॉकला जाताना ट्रकची धडक, महिला पोलिसाचा जागीच मृत्यू
CCTV | म्हैस उधळून दुचाकीला धडकली, पुण्यात दाम्पत्य जखमी, तिघांना अटक